|
|
|
|
|
|
|
|
09-10-2011, 10:42 AM
|
#1 | ||
|
'، ريــــح الخُـــــزامى '،
 
تاريخ التسجيل: 25 - 9 - 2011
الدولة: ~ في ديـــاجِيُُـر الظـَــ ـــلـام ~
المشاركات: 5,540
معدل تقييم المستوى: 25073   |
أنا بكرهك .....
السلام عليكم ......أصبحتي مع حزني .. مع المي ويأسي .. فأحسست بكره فضيع .. لمن سبب لي ذالك الألم .. فتذكرت كلماتٍ مبدعه من شاعره سودانيه لها وزنها .. // نضال حسن حاج \\ فقلت لزاماً علي ان أضعها هنا لكم أحبتي .. واذا في اي كلمه ماعرفتوها خبروني ،، ومعنى كلمه ريد : حب  انا بكرهك بس بكرهك ده انا بكره اليوم الصنع قلباً يكورك ويندهك انا بكره الوطن البلم شرف الغرام المنتهك من ياتوا باب طليت على؟ ما كنت اصلا بشبهك انا بكرهك انا شيلته ريدك فى القليب وسقيته من دم العروق صنقعته دليت النجم دنقرته كبيت نور وشوق وعصرته موية الانتظار ختيته فى وجع الحروق كان النتيجة تبيع هواى واريتو كان سويتلوا سوق انا بكرهك من وين اجيب ليك الدموع من وين اصنقر حيل كلام امنيات قلبه الرجوع من وين اذا هتك الظلام حيل خيلى القالك شموع لكنى مجبور اطردك واقفل وراك باب الطلوع انا بكرهك شديت رحالاتى ومشيت وقتين هتك حيلك هواى ارتحته فى موجى ورسيت لا حرك الموج البحر لا صد قلبى ولا قسيت لكن طلعته خيال عشم ضمخ رؤى الوجع المميت انا بكرهك قدر اشتهاى انا بكرهك قدر الغرام الكان زمان كابت مساماتى وهواى انا بكرهك قدر انى ما لوثت بيك كريات شرايينى ودماى انا بكرهك قدر انى غنيتك غناى من وين دخلته على مدن شاخت من الوجع الاليم من وين طرقته جدار قلب لقح هوى العشق العقيم من وين سخت شمسك على كانت سماى مليانه غيم فتق جراحاتى وامش خلينى فى لهب الجحيم انا قلت ليك انا بكرهك قدر المواسم الشاده خيل الريد عليك انا بكرهك قدر المصايب الحارسة بوابات مجيك انا بكرهك نفس المسافة وحجم قلبى الكان تملى بيشتهيك بقى بكرهك اتوكل ارحل منى فوت حرمان على قلمى الكلام كان غيرك اجتاحو السكوت خليهو قلبى الاندفن تنسج عليه العنكبوت اوخلى من بعدك اموت الموت اخير من انى افضل فى رحابك وفى رجاك انا كنت لو غاب القمر دايما بضوى ظلام دناك وانا كنت لو غيمك رحل بطلع عشان اسكن سماك وانا كنت لو بردك نزل بوقد صوابعى لهب حداك لكن منو القدر كده؟؟؟ والله لو انا فى محلك بنسج الشمس احترام واهديها ليك متمدده بفتح كراريس الكلام واختار حروفى واجرده وبنبش قبور المستحيل كلمات شكر متفرده لكن خسارة على قلب حباك بلا مايعرفك انعل ابو القلم العلى دفتر غناك دمه انسفك انعل ابو الشعر الغشانى وغنى فيك وألفك ملعون غناى كان ما امتطيت خيلى وبقيت اتأسفك بتأسفك وقتين عيونى يسوقن الشوق لانتظارك لما ليلى يسوق محاسنه وينهزم عندك نهارك لما ما ابكى انهزامى عشان ابارك انتصارك لما كوكبى ساب مداروا ورحل عشان يسكن مدارك كنت مالي زمان ومالك لكن وحاتك بكرهك ندمان على عمراً معاك ضيعتوا فى غفلة زمن ندمان على دمعاً سكبتو على رضاك بلا تمن انا كنت بحلم فى وجودك ينكسر خاطر الشجن لكن رضاى عليك عشم ابليس قصاد جنة عدن انا بكرهك كل ما يطول ليلى ويواتيهو العذاب انا بكرهك كل ما القلم يركب مصاعب الدنيا يمشى على الكتاب انا بكرهك كل ما الفراق كتل مضامين العشق سدالو باب انا بكرهك قدر العيون ما تلبس التوب الزراق تتوضى موية الانتحاب انا بكرهك من كل باب انا بكرهك واتوكل ارحل من جواى غلطان اذا قلبك هداك قال ليك حاتفضل غناى غلطان اذا عقلك رضخ لى ظن يقول انك حداي والله ما فارق معاى انا كنت ناوى اجملك بس كنت ناوى اجملك وامسك مضامين اللغات من فيض حروفى اكملك ترحل على درب العشم بى زاد هواى أحملك وقتين يخش قلبك جراح اقطع قليبى وادملك ندمان منو ؟ أنا غايتو ما ندمان عليك أتوكل أرحل من جواى عيش العذاب الباقى فيك ولو قلبك اتجرأ رجع حقك تلومو على مجيك شان انت قلبى مليتو دم ياخ قلبى انت مليتو دم ما عاد لو باقى يسيبوا ليك على كل حال انا بكرهك عدد الحصى وعدد الرمال انا بكرهك عدد الصواب والاحتمال أنا بكرهك عدد الحقايق والخيال أنا بكرهك عدد الشنا وعدد الجمال أنا بكرهك عدد الشعر ما سن سيف الارتجال أنا بكرهك عدد الاجابات والسؤال أنا بكرهك عدد الممكن والمحال أنا بكرهك عدد ما زمان قت ليك تعال انا بكرهك مستورة حالى وراك وفوت يا دابو ليلك همو طال على كل حال انا بكرهك
__________________
..؟؟.. |
||
|
|
|
09-10-2011, 03:36 PM
|
#2 |
|
:: تــــعب المشـــوار ::
تاريخ التسجيل: 16 - 5 - 2011
الدولة: لست أزعم أنني إلا فتى ولدته أم اسمها إب الحبيبة
المشاركات: 5,853
معدل تقييم المستوى: 8469 |
رد: أنا بكرهك .....
على كل حال
انا بكرهك عدد الحصى وعدد الرمال انا بكرهك عدد الصواب والاحتمال أنا بكرهك عدد الحقايق والخيال أنا بكرهك عدد الشنا وعدد الجمال أنا بكرهك عدد الشعر ما سن سيف الارتجال أنا بكرهك عدد الاجابات والسؤال أنا بكرهك عدد الممكن والمحال أنا بكرهك عدد ما زمان قت ليك تعال انا بكرهك مستورة حالى وراك وفوت يا دابو ليلك همو طال على كل حال انا بكرهك استوقفتني هذه الكلمااات كثيراً فعدت قرائتها اكثر من خمس مراااااااااات لقوتها وجزالتها قلم نزف فنزفت قلوبنا معه قلم ادمعت عيناه فأدمعت عيوننا معه ابحرت بقاربي الصغير في محيطكم مولاتي ابنة النيل العظيم وتلاطمت بي احاسيسكـــــ ومشاعركـــــــ فكادت ان ترديني قتيلا ينحني قلمي اجلالً لكل عظيم كلما هو حاله الأن منحني امام عظمة مانقشتيه هنا مررت من هنا يا أميرة النيل العظيم ودمتي بحب
__________________
قف شامخاً مثل المآذن طولآ (عقيد الخيل سابقاً) |
|
|
|
|
10-10-2011, 09:20 PM
|
#3 | |
|
'، ريــــح الخُـــــزامى '،
تاريخ التسجيل: 25 - 9 - 2011
الدولة: ~ في ديـــاجِيُُـر الظـَــ ـــلـام ~
المشاركات: 5,540
معدل تقييم المستوى: 25073 |
رد: أنا بكرهك .....
اقتباس:
يامن اسعد بوجوده في مواضيعي مرورك كنسمه هواء عليله تُحييني كل الشكر لك ولمشاعرك الجميله ومرورك الأجمل عسى ماانحرم هالتواجد كل الحب ^^
__________________
..؟؟.. |
|
|
|
|
|
09-10-2011, 04:19 PM
|
#4 |
|
عضوة مبـــــــدعة
تاريخ التسجيل: 11 - 10 - 2009
المشاركات: 11,305
معدل تقييم المستوى: 2414 |
رد: أنا بكرهك .....
يسلموو خاطره روعه ننتظر الزوود القادم يعطيك العافيه
__________________
|
|
|
|
|
10-10-2011, 09:22 PM
|
#5 | |
|
'، ريــــح الخُـــــزامى '،
تاريخ التسجيل: 25 - 9 - 2011
الدولة: ~ في ديـــاجِيُُـر الظـَــ ـــلـام ~
المشاركات: 5,540
معدل تقييم المستوى: 25073 |
رد: أنا بكرهك .....
اقتباس:
الله مايجيب مخاصمات الله يعافيك يالغالي .. مشكور علي مرورك وتواجدك كل الود^^
__________________
..؟؟.. |
|
|
|
|
 |
| مواقع النشر (المفضلة) |
|
|
العرض المتطور
