رساله من حمار لبنى ادم

رسالة من حمار لبني آدم

عجبـي عليــك يابــن آدم ياكبيـر الــدار

قلبـت الدنيـا علـى اللـى قالـك ياحمـــار

هـو إسمـي شتيمـه والا جنسـي ده عــار ؟

خلقنـي ربـي وخلقـك ولا حـدش لـه خيـار

أنا مهما زاد الحمل عليا صابـر على المشـوار

لا في يوم أقول إشمعنى أخويا وآخـد منه تـار

ولا يوم أبص لرزق غيري وأطـق منه وأغـار

ولا أرفع عينـى على جارتـي وأخـون الجـار

ولا مهر أدفـع لحمارتـي ولا شبكـة وشـوار

ولا شقـة أجمـع فى ثمنهـا ولا أجهــز دار

ولا حرمـى حامـل تتوحـم عايـزه الكافيـار

ولا بنتي تخرج عن طوعي وتجيـب لى العـار

ولا إبنـي يدمـن ويهلـوس ويقـع وينهـار

عايش فى حالـي ومتهَّني .. وليـه أحتـار ؟

بآكـل وبشـرب وبنهـق ومافيـش أسـرار

مـش بـس كـده ...........

وعنـدي إبـن آدم يخدمنـي ليـل ويا نهـار

إن جعت يشترى برسيمـي بأغلـى الأسعـار

وفي مرضي يفضل يعالجني ويدعـي الستـار

خادم أمين من غير راتـب ولا حتـى إيجـار !

ودلوقتى عرفت يابن آدم ... مين فينا الحمار؟

اكيد هو الحمار
لانه عايش بغير هدف ولا مشوار
يحمل ويصبر غصب عنه وماله اختيار
بس ربي ميزني وعطاني الخيار
وهو مسير اوجهه لاي مسار
اما خدمته فلكل اجير ايجار
وهذا اجرك ياحماااار

تسلم يالغالي على الطرح الجميل

مشكوووووور على القصيدة