سامحيني

قالت ابرسلك هديه علشان = يبقى التواصل دوم بينك وبيني

هديةٍ فيها عن الحب عنوان = تبقى طوال العمر يانور عيني

حتى ولو البعد من بيننا كان = نبقى على مر الدهر عاشقيني
جاوبتها يكفي من الحب تحنان = ارجوك عن غيره انا تعذريني

ماهمني حلو الهدايا والالوان = ابغيك فالضيقه تجي تحتويني
ابغيك لا قالوا احاسيس وانسان = كلك على بعضك حبيبي تجيني

ابغسل اهمومي مع النفس واحزان = واشعل قناديل الامل تسعديني
يالؤلؤه دره وحره ومرجان = ياللي من اقصايه جذبتي حنيني

فتحت لك قلبي شوارع وبيبان = ثم انزرع قلبي بحبٍ متيني
هيا تعالي واقربي والهوى زان = ياصفحة فيها عجايب سنيني

هيا انقضي شعرك على ذيك الامتان = في بحري الهائج معي تسبحيني
يـ ام العيون اللي بها السحر تبيان = بعيونك الفتنه بها تشعليني

ووجهً كما نور القمر فالسماء بان = كنه مع البلور لا تجهريني
وسيفك تسله من تحت رسم حجان = انا دخيلك بالهوى تسعفيني

وعنقً كما ريم الفلا قاد غزلان = متبختره ما كنها تهتويني
وصدراً وقف فيه التحدي ونيشان = مقدر انا مقدر عسى الله يعيني

ردفه وخصره كلها شيء واجنان = سبحان من يخلقك من الطين زيني
انتي هدية عمر ماهي بالاثمان = عن غيرها انا اعتذر تسمحيني

يسلموو اخوي خاطره رووعه ننتظر القادم
يعطيك العافيه طرح ابدااع

خاطرة رائعه

تسلم اخي

خآاآطره رآاآئعه...

أشكرك اخوي..

كلماااتك وحرووفك في منتهئ الرووعه
سلمت وسلم ايااديك على رووعه طرحك
كون كمااأنت راقي بطرحك
عوااافي
ودي ووردي لشخصك الكريم
شمووووووووسة

روووووعة والله يسلمووووا
ربي يعطيك العافية ويبارك فيك
دمت بخير
ودي قبل ردي