مَآْ كلْ مِنْ يَرْكبْ عَلَى اَلْخِيلْ خَيَآل ولَاكلْ خِيلْ تِعْجِبْك هِي أصيلہ

مَآْ كلْ مِنْ يَرْكبْ عَلَى اَلْخِيلْ خَيَآل ولَاكلْ خِيلْ تِعْجِبْك هِي أصيلہ

ماكـل من يركب على الخيل خيال

ولا كل خيل تعجبك هي أصيــــــــلـه ~




ولا كل من يعجبك هرجـه برجال

بعض العرب ملــــــــسون وايده بخيلـه ~




الكل يلبس ثوب وشماغ وعقال

وعند اللزوم افعالهم هي قليـــــــــــــــله ~





الرجل تثبت له أقاويل بافعال

لاقال شئ ونفذه هو دلــــــــــــــــــــــيلـه ~




والرجل لاشفتـه مع القيل والقال

ابعد عنـه هذا صفاتـه عليـــــــــــــــــــلـه~




و الكذب خلـه عنك مافاد لو طال

قول الصدق ياصاح غنم وجميــــــــلـه ~




وخلك شجاعوذي صفات للابطال

اللي كما سيوف تبارق سليـــــــلـه ~




واللي شراك اشريـه لو كان بالمال

خلك معـه وان مــــــال دور بديلـه ~




واصبر ترى الدنيا تبدل بها أحوال

وما كل شئ صافي تشـــــوفـه تجي لـه ~




وبعد الكدر تشرب صفا عذب وزلال

هذا الزمن فيـه استــــقامـه وميلـه ~




وصاحب خليل لو جفا الوقت مامال

ترى الرجل يعرف بقيمةخليــــلـه~




واقفل على سرك بكتمان واقفال

بعض العرب يسمع وينوي بحـــيلـه ~




وخلك أمين إذا توليت الأعمال

من خان في يوم الحشر يا حليــــلـه ~




خل التواضع فيك واضح بالافعال

ترى الكبر يردي بيوم وليــــــــــــــــلـه ~





ولا تحسد اللي عنده اموال وعيال

وش ينفعك لو كان حـــسدك يزيلـه ~




و لا تزور تقلب الزين بطـــــــــــــال


اللـه عليم بالنوايا الدخـــــــــــــــــيلـه ~






وخلك رزين ترى المخفـه للاطفال

واصفح عن المخـــــطي ولو زاد قيلـه ~




واحمل همومك لو تزن وزن الاثقال

بكره تروح وتنجلي لو ثقـــــــــــــــيلـه ~




وصل الفروض ولاتنسيك الاشغال

محدن في الدنيـــــا درى وش بقي لـه ~




وزور الاقارب للرحم كون وصـــــال

وخلك عظيم الشان وسط القـــــبيلـه ~




وصلاة ربي عد ماهل همـــــــــــــال

على النبي اللي صفـــــاتــه جلــــيلـه ~

كلمات رائعه
سلمت ودمت
ودي وتقديري

يعطيك الف الف عافية اخي الرائع

اخوي الغالي

ابو اصيل

انت والله مبدع

تسلم لنا

يعطيك العافية يالغلا