قالت.. ايش احلى مايقول المحبين

قالت . ايش أحلى مايقول المحبين ؟
.................................ساعة لقاهم بعد غيبه طويله
قلت . اصبري ،قالت: انا اقولك زين ؟
............................. قلت . اتمنى ماتكوني بخيله
قالت . عسى موتي على يديك هالحين
............................. ان كان قيلت بين خل وخليله
قلت . احبكيها صح ياقرة العين
............................. قلبي يبيها صدق تشفي غليله
قامت تفكر !! قلت : يالله ، وبعدين
........................... كن اصبعك طوّل بلفّ الجديـــله
!قالت . كليب !! وقلت : خير ! شتِقولين
...........................قالت . رجع .وشو شعور الجليله
قلت .اليمامه ! ماهي اقوى تحسين .
............................. من يوم غاب جبير صارت هبيله
وايش فيك سكتي ؟ ليه قمتي تلفّيــــن
.........................قالت . اخاف ان قلت تطلع ثقيله
أخاف اقول وكلمتي تجرح الدين.
.............................. واشيل ذنبٍ مقدر اني اشيله
استغفر الله وين وصلتني ويـــــــن.
............................... وانت تعرفني والاصيله أصيله
ضمت يديني .. قلت: الان تحنيــــــن
..........................قالت يدينك بس ؟ هذي قليله
يوم احضنتني... دمّعت ، قلت : تبكين
..........................قالت : اظن الدمع (أصدق وسيله)
ردّت ، وقالت : وايش عذاب المحبـــين
.............................. قلت : الغياب ! وفي عيونك دليله

كلماتـــ وحروف رائعه

سلمت الاناامل اخي فاارس

ابدعتـ واكثر

ننتظر جديدك الراائع

فراشة القدس هذا مرورك الرائع