قصيدة حمدان المري النــايفات

ياوقت وش ذنبي وانا مديت لك ماقلت هــات
خسرتـــــني رحلة عمر ماارتاح من يتعبها

تعبت واحـــــلامــــــي على بـــاب الامل والامنيات
أرضى بها وقت الرضى واذا زعلت اذنبــها

احيان ياخذني الحزن وتضيق بي لربــــع جهـات
واعــاتب حـــظـــوظ الـدهـر واذمها واسبها

ياليل وش حدك على صدري وانا صـــدري شتات
كنك تناول ضـآرف ضـــلــــ ـوع الــشـــقى وتشبها

خليتني ماعاد اميــــز شالحيـــــــــاة من الممات
ياجعل نفسي ماتحوش الا الرضى من ربــها

يابري حالي كــــــــل مادنقت وازراني السكات
اجمع هجوس الــشــعر واشمل بها واجنبها

كثرة سكاكين الجمل وانا اسئل الله الثبـــــــات
تخالف أضلوعي سكاكين الجفا وتجبــهــا

ماعادني بيـــــــاي لامنــــــي بغيت النــايفات
من عـــــقــــب ماانا لابغيت النايفــات اذبها

قولولها قولولها وان عـــــــــودت مافات فات
اربها لاشـــــافــــت ديـــــار الحبيب تنبــــها

وان كانها بطول الغيبــــــه وانا مالـي غنــاة
في ذمتي ان أموت ويمكن مـوتتي من حبها

كن الزمان يشب في صدري وانا مالي سواة
الا اني اشـــــرع ضلوعي للهــــبـــوب تهبها

والغيبه اللي خلت عروقي مثل جـــــــف النبات
ياليتها مــاتحـــرق اعصـــابي ولاتــــلعبهـا

اسرح مع نفسي وانادي باسمها وأقـول جات
واقـــــــول ياقلبي اذا دعــــــت قــــم لبهـا

والله لولا الخــــوف من ربي ومن هرج الشمات
لاحـــط صـورتهـــا على راحت يدي واحبها

واذا بغيت أرجـــع أيام العمر والـــذكــــريات
ابطيت ولسانـــي على عل وعسى واربــها

عزي لقلب لابغى يرتاح ماحصــــل مبــــات
وعـــزي لعين لابغت حلوى الكرى ماطبها

كله سبايب جادل ماهي مثل باقي الــبنات
نذر علي إن أحيا وأمـــــــوت وأنـا أحبهــا