((( جواب الشاعر توفيق الماطري على الشاعر القدير وهيب السروري ))

((( بدع الشاعر وهيب السروري ))))

بسم ربي خافقـي دايم بـدا بـه=بسـم عالـي قد تعـلا فـي عُـلاه

انشاء الاكـون واستطهـر ترابـه=من بروح القدس انسان(ن)بـراه

ياصفى دنياه من قد احتمـي بـه=تحتمي روحي ونفسي فـي حمـاه

رب جنبنـا المتاعب و الكائـبـه=بـالامـل يالله حـقـق مبتـغـاه

ثم الصلاه ماشنت امزان السحابـه=عالنبي هـادم عواريـش الطغـاه

وتبلـغ الال واخيـار الصحـابـه=وكل تابـع مهتـدي ربـي هـداه

وبعد تسليمي باطيـاب انسكابـه=ياحروفـي هاجسـي حـدد مـداه

هاجسي مسلول من نسل الذئابـه=في الوفا والجود مايـوزن وفـاه

والسماء والارض ما توسع كتابـه=من مدود البحر يستوحـي صـلاه

السروري قال من منبـر خطابـه=هاجسي سيل واخضـرت روبـاه

يجـزل الابيـات اذا دقيـه بابـه=خنجره مسمـوم مايرحـم عـداه

بعدهـا يامرسلـي لنفـس طابـه=اقطف الازهـار واستلطـف نـداه

اهدي باقه ورد لصحاب الرحابـه=مـن صفـى ودي اكليلـن حـواه

لمن لارض العز نفخـر بانتسابـه=لجيد متعالـي وشامـخ مستـواه

لشاعر(ن)وافي بشعـاره نجابـه=كاالعسل مسكوب اصفى من صفاه

للماطري شعري وابيات انتخابـه=العز بمثاله ارتسم فـوق الجبـاه

سـلام بالعـوده مارنـت ربابـه=سلام يترسـل مـن ودي غطـاه

لاوصلت القصد عجـل بالاجابـه=مـن درر تنثـر محكومـه بنـاه

ياصاحبي بالله ثار الوجـد مابـه=واظلمةبيض الليالي فـي الحيـاه

عمري استرسل وعجز في شبابـه=وارتشف مر التجـارب مـن رواه

عن حالة العربان ياشاعر عتابـه=عن شبـاب اليـوم يتفتـح بـلاه

للعرب صـارت عروبـه بالانابـه=والاخ الوافي تـرى يلعـن اخـاه

ياعجـب والله بـل يالاالغـرابـه=الولـد يحكـم ويستحكـم ابــاه

باعو الاسلام من بعد ارتغابه=واستحلو الجور من شلة وشاه

صارت الافكـار معجونـه بطابـه=فكـر دمرنـا واستعصـى وابـاه

بدلو الانـور بسـود سـن نابـه=من بحور الغـرب جانـا محتـواه

دمر الاخلاق واستحـدث شرابـه=سمه المشروب في معسـول مـاه

الضمير الحي ميت وسـط غابـه=ببخس الاثمان بايـع مـن شـراه

ارض مسلوبـه وابيات(ن)خرابـه=طفل مسلوب الطفوله مـن صبـاه

في روبى الاقداس تستوطن عصابه=الحسـد فيهـم الاهـي قـد ذراه

ناقضين العهد مـن بعـد اكتتابـه=من صغير القوم مذعـورن تـراه

من صدى الاحجار يعلن اضطرابه=يرتجف مخـذول تتزلـزل خُطـاه

والام لبنتهـا تعـلـن بالانـابـه=من طلب حقـه ارهابـي انتمـاه

سعد من قد عاش بايـام المهابـه=سعد من ربي الي قربـه اجتبـاه

يومنـا الاخـر يعلـن اقتـرابـه=باينـه ايـات تعـلـن مبـتـداه

الله الرحمـن قـد انـزل عقابـه=بعد ماضاعت امانـه فـي لـواه

السبيل اليـوم نسترجـي ثوابـه=ونعدل المعواج ونصفـي مانـواه

يالله ارحمنـا بلطفـك والرتـابـه=واغفـر الـزلات ياعالـم خفـاه

وختمها صليت ماشنـت سحابـه=عالنبي هـادم عواريـش الطغـاه

(((( جواب الشاعر توفيق الماطري )))

يا اله الكون من انزل كتابه @ يسالك عبدك ويرجوك النجاه

ثوب سترك اجعله دايم ثيابه @ نجنا يارب من شر الوشاه

والصلاه تبلغ نبيك والصحابه @ مالمع برق العوالي في سماه

يافراسه هاجسي صيغي اجابه @ مايمل الماطري من بدع جاه

شاعر الحكمه وفي قوله صوابه @ في متاهات الزمن مايوم تاه

ليث ينهم في ضواحي كل غابه @ صقر جامح محدا يبلغ مداه

الف حيا الله بمن جاني خطابه @ السروري ذي تعلى مستواه

طابت الليله ليالي الشرح طابه @ جنب ضيف الماطري يسعد مساه

من عطور باريس يخلط بالطيابه @ للسروري خاص واصحابه معاه

صاحبي ذي كان طول في غيابه @ له قطفت الورد ذي يقطر نداه

ياوهيب الدهر قد بان انقلابه @ كل واحد صار يعمل ما اشتهاه

حسب قولك وقت امتنا غرابه @ بعدما طالون الاذناب الحُفاه

للمصالح كل من يعمل حسابه @ المصالح ركعت سود الجباه

والشباب اليوم يتقمص خرابه @ بعضهم قد ضيع اخلاقه وتاه

من رسم حلمه بهيفاء واكتفى به @او لهزه نانسي اعلن ولاه

لامبادئ لا روادع لا رقابه @ غزو فكري لا سقى الله الغُزاه

يحتسو من كاس ماجن في شرابه @ باعو الاخلاق واضحو كالعراه

والسوال عن العرب ماصعب جوابه @ وامه الاسلام ماصانت نقاه

لوتراها كالشموع في الخصم ذابه @ يستحق البرد من ضيع دفاه

للعماله الكل يفخر بانتسابه @ محدا لاقى بحكامه رجاه

مالقينا منهم غير الخطابه @ كل من يحفر بيده قبر اخاه

والبطل ذي كان هم جازو حرابه @ واهدرو في يوم عيد الله دماه

العرب من شكلو اقذر عصابه @ حلف بوش الابن ومن قبله اباه

سلمو صدام ذي قاتل وجابه @ في سهام الغدر يلعن من رماه

والعراق اليوم اضحى مثل غابه @ صار مثل الجاريه من جا سباه

واليمن هم من بيسعو في خرابه @ مايريدو له تقدم او رفاه

حرضون البيض واتبنو انقلابه @ وانفصال البيض هم كانو وراه

اين هو العطاس معروفه الاجابه @ في الخليج عايش وكل الدعم جاه

الافاعي والثعالب والذئابه @ ذي يريدو شعبنا يلقى فناه

يقتلو المقتول ويمشو في الندابه @ وين دار الخصم بيدورو معاه

ماعلينا غير نوقف في صلابه @ ضد من يزرع بوحدتنا اذاه

كل خاين للعدو ابدى انجذابه @ يخنقه حبل الخيانه ذي لواه

فصل حول القدس دمعي في صبابه @ علته بتزيد وما لاقى دواه

كم بكى الاقصى وكم زاد انتحابه @ واغلب الاعراب في صف الغُزاه

هم مع صهيون من يوم اجتلابه @ والشقيقه مصر بتبارك خُطاه

اليهود يسعو لتتدنس قبابه @ من يجاهد غير غزه والتُقاه

ويش سوت مصر زادت من عذابه @ شوف جدار العار بتشيد بناه

ياوهيب صهيون وان يطلق كلابه @ وثبت الابطال ذي توقف غباه

بايجي له قد قرب حسابه @غزه الاحرار ماتخشى الطُغاه

دام وان العدل قد اعلن غيابه @ دام والظالم بيحموه القُضاه

لن ينال القدس من راد اغتصابه @ قدره الرحمن باتحمي حماه

ذا جواب الماطري فاقبل جوابه @ وان بدى تقصير عذرا يالاباه

والصلاه تبلغ نبيه والصحابه @ مالمه برق العوالي من سماه

مع تقديري لشاعرنا القدير الصديق الغالي

وهيب السروري واعتذر عن التاخير

واتمنى ان ينال الجواب اعجابك واعجاب كل الاحبه

في منتدانا الغالي دمت بالف خير

توفيق الماطري

ماهذه الملحمه الشعريه
بدع رائع وجواب اروع
الاستاذ توفيق والشاعر السروري ابدعتو واكثرتو شرحتو الواقع كماهوو
راق لي حرفكم الانيق
سلمت اناملكم احبائي
خالص الود والتقدير لكم

المشاركة الأصلية كتبت بواسطة الهدف الصعب

ماهذه الملحمه الشعريه
بدع رائع وجواب اروع
الاستاذ توفيق والشاعر السروري ابدعتو واكثرتو شرحتو الواقع كماهوو
راق لي حرفكم الانيق
سلمت اناملكم احبائي
خالص الود والتقدير لكم

الاخ الغالي الهدف الصعب اشكرك من اعماقي

على رووعه مرورك وصدق مشاعرك اسعدني تواجدك هنا

لك حبي واحترامي

ابداع مستمر من قبل الاخ الشاعر القدير توفيق الماطري


والسروري صح الله السنتكم وابدنتكم


قلتم فاحسنتم القول واجتموه فلكم كل تحيه واحترام على التفاعل المستمر من قبل الشعراء

المشاركة الأصلية كتبت بواسطة جمعان

ابداع مستمر من قبل الاخ الشاعر القدير توفيق الماطري


والسروري صح الله السنتكم وابدنتكم


قلتم فاحسنتم القول واجتموه فلكم كل تحيه واحترام على التفاعل المستمر من قبل الشعراء

حياك الله يابن جمعان ماقصرت مرور

اعتز فيه وافخر لك حبي واحترامي دمت بالف خير

الله عليكـ يـآ توفيق الماطري

ابدعت وربي صــح الله لسـآنك

ولسان السرور

طـاهر

المشاركة الأصلية كتبت بواسطة طــآإهـٌِـرالًِـآضًـٍـرعـٌِي]~

الله عليكـ يـآ توفيق الماطري

ابدعت وربي صــح الله لسـآنك

ولسان السرور

طـاهر

حياك يابن الاضرعي حياك

اشكرك من القلب على روعه مرورك تقديري لسموك

باعو الاسلام من بعد ارتغابه=واستحلو الجور من شلة وشاه

صارت الافكـار معجونـه بطابـه=فكـر دمرنـا واستعصـى وابـاه

والسوال عن العرب ماصعب جوابه @ وامه الاسلام ماصانت نقاه

لوتراها كالشموع في الخصم ذابه @ يستحق البرد من ضيع دفاه

مشاء الله مميزين

المشاركة الأصلية كتبت بواسطة مساء الفل

مشاء الله مميزين

ماشا الله شكرا لرووعه مرورك تقديري

صح السنتكم شعرائنا شعراء بكل ماتعنيه الكلمه صراحه كلام قوي جدا احترامي