موت وكفن

على كف الكفن تنبض بقايا روح مجروحه
خذاها الوقت والعبره تسوق عيون مشتاقه
تراقب وش بعد بكره وش اللي يتبع جروحه
وش اللي يجبر الخاطر وقلبي عايش فراقه
ثلاث سنين وهمومي تعانق لهفتي بنوحه
وأنا والصمت والذكرى نقلب ماضي أوراقه
أدور بالسماء طيفه وأردد وينها روحه
ولاغير الصدى أسمع يردد صوتي بأفاقه
عقب ماهو وسط روحي يباهي شامخ صروحه
غدا كنه حلم ليلة حدوده لمعة أشراقه
خياله مابقى غيره يبروز باقي اللوحه
وينثر في ملامحها من طعون الجفا باقه
ويتركها تخاويني طريق دموع مسفوحه
طريق يجرح الخافق ويقتل فرحة أعماقه
عليه أسير وأساير زمان أرواح مذبوحه
نزفها الصد من دمي وهمي زادها إغراقه
ألملمها مع الحسره أخاف عيون مشفوحه
وتفضحني معاناتي وذكرى زاهي أشواقه
تبين ولو نفى قلبي عليها رسوم مفضوحه
مواريها دمع عيني ظلا بان بأحداقه
رسمها والسبب خيبه تجر أحلام مطروحه
تمايل حصنها وهلت سنين تظمي ارماقه
ظمتني والعطش حقق مع الأيام مصلوحه
وأنا الهاجوس يلعب بي من اللي للوصل عاقه
سؤال يدور في ذهني جوابه رافض يبوحه
ولآبه بالهوى غيبه من الأبواب للطاقه
أخاف الشمس من جوه لجو الغير ممنوحه
شعاعه بالفضاء يملي لغيري نجوم براقه
سراب كل ماجيته يودع عالم وضوحه
مع الأطلال يسكني وأموت بحرقة أشهاقه
وأعود وأجدد أكفاني بنبض عروق مجروحه
واكف بداخلي عبره تسوق عيون مشتاقه

هذا ماتعودناه منك اخي الشاعر الهائم
صح لسانك
ننتظر جديدك
تقبل مروري

صح لسانك قصيده رااااااااااااااااااائعه

ومعبره انت شاعر متمكن تقبل مروري وتقديري

وفي انتظار المزيد دمت بهذا التاااااااااااااااااااالق

صح الله اللسان وبارك في البنان

صح لسانك وعلا شانك شاعرنا والى الامام