إبـو المـوضـه اللي تعـرفـونهـآ ...

السلام عليكم ورحمة الله وبركاته


شلونكم عساكم بخير << لايكثر ادخل بموضوعك على طول



من جد يا جماعة الخير ,,
هل اللي حاصل حالياَ في الأسواق .. اسمه عبايات ؟ ويسمى ستر وحشيمه ؟



سؤال أطرحه لكم ياحضرات القضاه والساده المستشارين وأبي منكم إجابه ..<<متعوب عليه الاسلوب هذا




أنا كـ شاب أعزب أشعث أغبر ما قد شفت الا شغالتنا السرلانكيه


أروح للسوق أشتري أغراض .. فجأة.. تشطفني بنت عينها بعيني في الشارع عليها عباية أضوق من البنطلون !!!!! وش موقفي ؟ أكيد بأعض الأرض وأتمتم قائلا : ألعن أبو الصيده يا شيخ



أنا كـ شاب أفكر مثلآ في الجنس الآخر ولا قد شفته .. أجي السوق وألقى ثلاث بنات مروا من جنبي عليهم اسم طرحه والأكمام كأنها كراسيدا باكستاني أنواع الزخارف ,, وش ترجون مني ؟ أكيد ابليس بيدق علي ويقول: دز وراهم يا مال السيل



أنا كـ مواطن متحمس و لي حق العيش في هذا الوجود المنتعش ,, أروح المستشفى أبي أعالج راسي من الصداع ,,


ثم تصادفني في ممر المستشفى فتاة عليها لثمه كأنها ناوية تسرق وعيونها كحل في كحل وش أسوي ؟


أكيد راح يزيد صداعي وبأرجع من المستشفى مصدع ألعن من قبل والبركه في عبايتها



لا والمشكله ,, تلقى البنت شينه وشيفه وكأن وجهها قوطي داعسه وايت بس.. بالعبايه قسم بالله ماتقوم معها حلا شيحه



شغالتنا مثلا .. .. وجهها كأنه مفك بيبسي .. وفي الليل أتجنب رؤيتها لأنها تذكرني بسوالف الجن .. مرة لبست نقاب حق جدتي العجوز ,, ماعرفتها ..


قمت ألاحقها في الحوش وأقول: يا لبى قلبك :TR (321):


يوم استانست وشالت البرقع وناظرتني بإبتسامتها الخاليه من الأسنان ..ضاعت علومي و قلت :



يالله روحي مطبخ جيبي مفاتيحي (( من زود الشين اللي فيها لخبطت بين غرفتي والمطبخ ))


يعني شفتوا كيف ان العبايات والبراقع قد إيش ملاعين خيـّـرررر ؟





دايم أسأل نفسي وانا من النوع اللي أحيانا في العصريه أجيب ترمس شاهي ومكسرات وأتقهوى انا ونفسي وندردش



بس الغريب ان نفسي من النوع الحياوي . تصدقون ماعمرها قالت لي ولا مرة: صب لي كآسه



قبل فترة كنت جالس مع نفسي وحصل موقف رهيييب .. , سألتها : من المسؤؤل عن هالعبايات السامجه اللي انتشرت ؟ وين اللي في الهيئة أو شااابين على مندوبنا حنا بس يا الشباب ؟ وينهم عن العبايات هذي ؟



المشكله أن نفسي ما ترد لأنها مو لاقيه اجابه ..



سألت نفسي ثاني مرة : اعنبوا بليسك هذولي ما وراهم أهل يقولون: هالعبايه عيييييييييييييب حراام !!


للمرة الثانيه تلتزم نفسي السكوت ولا ترد ,,



سألت نفسي ولثالث مرة : طيب وين ((الحمية))<<شطحه


وين الغيرة ؟ وين أخوانهم الكبار عنهم ؟ أو بس جيدين في تحويم الحمام في السطوح؟


وللمرة الثالثه مارست نفسي السكوت ومعطيتني أشكل!



سألتها لرابع مرة : طيب هالبنات وش هدفهم من عبايات المخصر واللثمه والدانتيل والزخارف؟ معقوله يبون لفت انتباهنا وفعلاَ راضين بالترقيم والتحرش من الشباب ؟


كالعاده لم ترد علي نفسي للمرة الرابعه وحقرتني !!! :icon_cry:




عصبت انا ,, طنقرت ,, وأنا من النوع اللي إذا عصب على طول أصير زعلان قلت :


مو معقوله يانفسي .. ياختي قولي شيء ,, بالله عليك مو حرام اللي نعيشه في الشوارع والاسواق والمحلات وعند الاشارات ,, ياهوووه تكلمي انطقي بالله مو ظلم مو حرام هالعبايات تلعن جدفنا كشباب طموح . ردي يابقرة



وفجأة .. وبدون مقدمات .. طار الحب والفستق وانكبت زمزمية الشاهي وقامت نفسي علي وسددت لي ذاك الكف وشالتني ومحطت بي ثم صارخت علي تقول:



(( يااخي تراك أزعجتني بأاسئلتك هذي 5 سنين وانت شغال تجلدني بأسألتك لابوك لابو مخك لابو هالعبايات والبنات اللي تقول .


شغل مخك خلاص وقتك تغير .. هذا زمان البنت مو زمان الولد .. انت اللي تستحي وهي لا .. هي الجريئه وانت الحياوي ..ياخي عاصر زمانك وخلك جنتلمان او ياخي انطق في بيتكم لااعاد تطلع ,, انثبر في غرفتك الله ياخذ شكلك وفكني .,,


لاعاد تتمشى بسيارتك ولاعاد تطب الاسواق وكل تبن واقضب ارضك ,,



مرت خمس دقائق وانا فاقد الوعي وخايف من نفسي وقعدت أفكر في كلامها وبالذات كلمة :




(( ..ذا زمان البنت مو زمان الولد .. انت اللي تستحي وهي لا .. هي الجريئه وانت الحياوي .. ))





قمت ,, عدلت الزمزمية ,, والتفت عليها وحبيت راسها وقلت :


سامحيني والله انك صادقه ابشري من اليوم ورايح ما هنا طلعه ووالله صدقتي في كل كلمه ,,



ضحكت وقالت لي : هههههههههه أعترف صح جلدتك ؟ صح أنا أخوف لما أكون عصبيه ؟



قلت: لا وفوق هذا والله انك حكيمه بعد .. الله لايحرمني منك ..


قالت : ولا يحرمني منك بعد أنت يا بعد روح روحي ..


قربت منها وقربت مني ههههههه ..ودخلت بجسمي وتوي أصحى


السؤال : هل تتفقون مع ما قالته نفسي الحكيمه ؟ أم يا هل ترى بالغت وشطحت قليلا ؟؟؟



ولو الواحد منكم يا الحبايب شاف عباية أخته مخصره ومزخرفه كأنها هوندا حقت ..عربجي .. وش موقفه . يرضى ؟



وإذا - لا قدر الله - وتحرش في البنت أي شاب مفتووون بلبسها ,,


ليش اللوم والحكي كله على الشاب والبنت طالعه منها براءة ؟ ليش ؟


السؤال للشاب وللبنت..؟؟؟؟


واذا فيه شيبان لا مانع من المشاركة


اللي بيجاوب ..يجاوب ,, واللي مهوب يجاوب لا يجاوب .,


والمثل يقول: اللي على راسه بطحاء
















يمكن زودتها شوي بطرح الموضوع بس قلنا ندخل المزح بالجد عشان تتحمسون وتشاركون معنا بالموضوع







تشكراتي لكل من دخل وشاهد الموضوع حتى لو مارد



سـر الاحـزإن

سر الأحزاان ..

جداً جميــلـ طرحك

و بالفعل هذا ما أنتشــر في المنطقه الخليجيه بشكل عام

يعني ماعادت حشمه حشمه ولا عادت تبرج تبرج

يعني نص نص

بس العتب مش على الشاب ولا على البنت

العتب واللوم على الرقيب والمربي


العتب على ابو الشاب وامه اللي ما ربوه على الاخلاق ولا قالو له ان التحرش ببنات الناس عيب << يعني بالمختصر المفيد بنات النااس لعبه وأختك ممنووع اللمس

والعتب على ام البنت وابوها اللي أعطووها الفلوس بايديهم عميد تشتري عبايه اضيق من الجنز

وما قالو لها تستحي وتشتري عبايه وااسعه ومحتشمه

ولا قالو لها لاتخرجي السوق بدون محرم علشااان يدير بااله عليها

هذا رايي باختصار

والله المستعان ؟؟؟

حفظكم ربي

وبعدين

هههههههههههههه

(( لا والمشكله ,, تلقى البنت شينه وشيفه وكأن وجهها قوطي داعسه وايت بس.. بالعبايه قسم بالله ماتقوم معها حلا شيحه ))

ما لقيت تعبير أحس منه شوووي

!


أول شي بضحك لأني ناقعة من الضحك ..!


هههههههههههه


ياخي نفسك ذي طلعت بنت حلال وحكيمة وسنعة والله وماتطلبك شاهي بعد



أقول ماتزوجنا إياها <~ فاهمة غلط


اي والله إنك صادق بكل كلمة ..!


عاد أنا فديت عمري راحمتكم والله وين ماتروحون قالوا لكم عوايل


وتجي هالعوايل ووراها الهوايل


<~ أموت على السجع


نرجع لمحور حديثنا


ذكرتني مرة شفت لي وحدة الله يستر عليها لابسة عباية أنا يالبنت خقيت عندها


وراحت أفكاري بعيد وقلت يازين موديلها لفستان بعرس بنت عمي


<~ كلن على همه سرى


وجا ببالي سؤال أهلها وينهم عنها تدري وش طلع


طلعت أمها مثلها يا كافي


قلت ايييه إذا كان رب البيت بالدف مشتغلا .. فشيمة أهل البيت الرقص


<~ فديتني مووثقفة


بس المشكلة برجالنا لامنهم عزموا محدن يعيقهم


والله لو مشت الهيئة على كل محل وتفرض غرامة لكل محل يبيع هالعبايات أفضل


وشي أكيد البنت ماهيب مستحية إذا لقت من بيعاونها على التمرد


والأسواق اللحين فاتحة لها المجال بشي كبييير


الله يهديهن يارب ويستر علينا وعليهم وعلى جميع المسلمين


آخر شي قبل مااعتمد ردي


كل بنت مرت من هنا وقرت هالموضوع وردي بالذات أبيها تتذكر هالكلمة


" العباة تاج على الرأس .. فهل يرضى التاج بأن يكون على الكتف ؟؟! "


.
.


سر الأحزان


أهني نفسك فيك


يسعدك ربي ..!


دخلتنا بالهزل والجد ..!


بحفظ الإلــ‘ــه

باختصار اجزم ان البنت اللي تسوي كذا من عبايات مطرزه ومرصصه عالجسم تقول للشباب تعالو غازلوني وجيبولي رقم
البنت اللي تسوي هاذي الاشياء من عبايات وغيرها ومكياج تقول رايحه عرس وتطلع فيه برع السوق ولا اي مكان عام تقول للشباب شوفوني
والله مافي اخس من البنات اللي بمجتمعي مااريد اعمم علشان محد يزعل بس يعني صارت فضاعه وقله حيا لارقيب ولاحسيب
اذا الام في مكان والاب في مكان اكيد البنت بتكون لها الحريه الكامله في اتخاذ هاذا الاسلوب المقزز والله والصراحه يوم يغتصبوا او يتحرشوا
في البنت تلاقيها تصارك وتهد الدنيا فوق تحت طيب مدام انتي نخافي على عرضك وسمعتك ليش تخلي الناس تتكلم عنك ولا تشوف مفاتنك انتي بهاذا اللي
تسويه تجذبي الشباب لعندك وانا متاكده انهن بيفاخرين بينهن البين قدام صاحباتهن ويقولين هاذا شافني وذاك رقمني
الملامه مش على الاولاد لانه لو شاف وحده محتشمه ولابسه عبايتها الوسيعه والبرقع دون كحل وخرابيط مستحيل انه يتكلم عنها او يقرب صوبها بالعكس بايحترمها اكثر
والله المستعان لان بايجي يوم نشوف فيه الفواحش قدام عيووننا

(( لا والمشكله ,, تلقى البنت شينه وشيفه وكأن وجهها قوطي داعسه وايت بس



هههههههههههههههههههههههه حلوة

بهذه الموضه زادت العنوسه وتهرب الشباب منهن
وارهق الشاب حتى يلاقي بنت ناس تصلح تكون زوجه له تحافظ على بيته وتكون ام لاطفاله .
لكن للصداقه ومائلا ذلك فهن اكيد صيد ثمين وسهل .
اللهم احفض امة محمد

مشكورعلى طرح الموضوع ..