يافرج اروي خفوقي بعد لذعات اللهب......

يا فرج اروي خفوقي بعد لذعات اللهب
برّد الحال المعنّى بعد ما وضعه اخترب

كم شهر مر ابحياتي ذقت انا فيه العجب
كم انا و الهم نلعب كم غلبته و كم غلب

كم ظهر معدن توارى خلف اسماء الذهب
كم تجرعت المراره كم مرض فيني انجلب

وكم تخلى الكل عني لا معارف او نسب
كم سقط عكاز صبري من سبايب مو سبب

كم امل زاورني مره قلت به سعدي اقترب
ربي لك وكلت امري يا مجيب إلكل طلب

خذ أذى دمر فؤادي وفرحة ايامي سلب
واكتب الجنه نصيبي لو فنى عمري وغرب


بقلمي
بنت حضرموت

رباه لك وكلت امري يا مجيب الكل يارب
ونعم بالله
كلمات رائعه جداً ومعنى عميق
مهما كثرت الاسباب ثقي ولا تخلين عكاز الصبر يسقط
تسلم لسانك بنت حضرموت
دائماً مبدعه

شكرا لمرورك شاعرنا اليافعي شرفني حضورك يعطيك العافيه لاهنت

واكتب الجنه نصيبي لو فنى عمري وغرب

صح بوحك ودمتي بخير ياقديرة ~