قصيده شعبيه غزليه عن ا لــحب

قصيده شعبيه غزليه عن ا لــحب

أنا يانور عيني كلما شفتك غمرني النور= وغيرك لو بجبهتها القمر ما شدني نوره

وانا لما عشقتك شفتك اجمل من بنات الحور= وصارت لك أمامي وين ماراح النظر صوره

وانا لما رأيت النور باني حول جسمك سور = شرحتي خاطري والعين صارت فيك مبهوره

وانا لا يمكن اني عيش لحظه واحده مسرور = اذا صرت اشعر انك في حياتك غير مسروره

وانا لو تجعليني في مقام الخادم المأمور = أكيد اني لشدة فرحتي باقول مشكوره

وانا لو توزني ما في ضلوعي من هوى وشعور = وما تحمل ضلوع اللي لهم في مصحفك سوره

فلا تستغربي لو كفتي صفق لها الجمهور = وصارت كفة العشاق كفه غير مذكوره

أحبك . واسالي عن صدق قولي دمعي المهمور = ونظرة عيني اللي بالأسى والحزن مغموره

أحبك وأقسم اني ما قرنت الحب لك بفجور = ولا فكرت في هتك الأدب أو خرق دستوره

أحبك قلتها لك من صميم الخاطر المكسور = ولك باقولها حتى يدق الموت ناقوره

رسمتك فوق وجه الطين والأوراق والديكور = ولفظ اسمك كتبته فوق جبهة كل سبوره

ومن شدة هيامي فيك يحسبني الغبي مخمور =وانا اللي طول عمري ما انحنى رأسي لقاروره

وما هو كذب لو قلت ان صوتك داخلي محفور =وهمساتك بمركز ذبذبات السمع محفوره

وفي عالم خيالي ذكرياتك دارها معمور =ولوحاتك على جدران روح الروح مسطوره

عيوني من لهب نار السهر والسهد صارت عور= ومن حمل الهوى صارت ضلوع الصدر مكسوره

لأجلك عندي استعداد أعصي الحكم والدستور = ولو تصبح خطايا ضعف نفسي غير مغفوره

ولو من أجل ترضي تطلب مني لبن عصفور = أو الزئبق اجيبه لك من اقصى أرض مهجوره

ولو مني طلبت جمع عقد اللؤلؤ المنثور = من اعماق البحار اللي بها الأخطار مشهوره

ولو تبغيني ازرع لك حديقه في جبال الطور = او اعمل حول قصرك سور كُبر الصين في سوره

ولو تبغيني احضر لك بقايا جسم ديناصور = أو اني جيب لك تفاحة الشيطان معصوره

فلا يمكن تلاقيني سوى في أول الطابور = وأول من يقدم لك ذهب عمره وفوسفوره

أنا محتاج لك حاجة مريض القلب للدكتور = وحاجة مبتلي بالشك للبرهان وظهوره

معك تصبح سنين العمر لو صح الحساب شهور = وتصبح في غيابك سائر الأوقات مهدوره

رياح الشوق في ذروة هدوئي والسكون تثور = وتأخذني الى أبعد حدود الفكر وبحوره

تخيلتك تناديني ووجهك بالفرح مغمور = كأنك راجعه من ساحة الميدان منصوره

تخيلتك تمدي لي بيدك باقتين زهور = وفي عينك بقايا من مشاعر خوف مأسوره

تخيلتك لأن العمر يمضي والزمان يدور = ومثلك لو تخيلته تمنيت ان انا زوره

صحيح إني من أول كنت من شر الهوى مذعور = وكانت أمنياتي في نطاق العيش محصوره

وصدق اني من اول قبل احبك كنت ديكتاتور = وكنت انسان يحمل في ضلوعه نفس مغروره

ولكني امامك صرت مثل التائه المسحور = وحسيت ان قلبي يرتجف والروح مفطوره

وفي لمح البصر سلمت لك أمري وانا مجبور = كمثل اللي يسلم جسمه المتعب لدكتوره

وانا ما كان ودي بوح سري واكشف المستور = وتصبح قصتي فوق الورق للناس منشوره

ولا ودي يظل الحب داخل مهجتي مأسور = وبرد الصمت يصبح في ضلوعي نار مسعوره

لهذا بحت لك بالسر بالمسموح والمحظور = لعلك ترجعي لي قلبي اللي طار عصفوره

iبلاني الله بك والمبتلي لو يحتسب مأجور = وأنا معذور وانتي لو لزمتي الصمت معذو

وسلامتكم

الله الله يالنبراس

وش هاذا الابداع جميل ماطرحت هنا

والاجمل تواجدك معنا

يسلموو يالغلاا ع الطرح الرائع والمميز

دمت كما تحب

صح لسانك يالغالي

الله يسلمك يا الغلىى ويسلموو على مروورك العطر


ابو اصيل اليماني صح بدنكـ يا الغالي منور

صح لسانك