يامعنيني

يامعنيني

Click this bar to view the full image.

مادمت تسوى عيونـي يامعنينـي
جمع محطات عمـري لاتبعثرهـا

حبك يضخه فـوادي مـع شراينـي
يعني لو اعطيك روحـي لاتكاثرهـا

انت مو كـل بهـا ماعـاد يعنينـي
والله لو احتجتهـا مانيـب ذاخرهـا

ياقبلة ايام عمري واجمـل سنينـي
سعادتي في عيونـك لاتصغارهـا

تـراك تقـدر تضحكنـي وتبكينـي
لو ما دمعتي ما تحدر وانت خابرهـا

تدري ليامن ذكرتك وش يجي فينـي
اعيش حاله غريبـه مـا تصورهـا

اضحك واسولف بحبك بيني وبينـي
وافتح رسايلك واقراهـا واكررهـا

واقول ليتك ليا ناديـت توحينـي
غيبتك شبت علـى قلبـي سعايرهـا

محبتن عن جميـع الخلـق تكفينـي
ياجعـل ربـي علينـا مـا يغيرهـا

واحيان لاوالله اسرح مع شياطينـي
واذكر حركات منك ازريت افسرها

واقول ياهل مثل ما اغليك تغليني
وإلا المشاعر لجل غيري موفرهـا

وامسي وانا الهم يبعدنـي ويدنينـي
تقول لي حاجة ضاعـت وادورهـا

واليا ذكرت ان ما غيرك ملاءعينـي
اربط فرامل مشاريهي واقهقرهـا

واجر صوتي طرب مسحوب وهجيني
واصوغ فيك اجمل الابيات واندرهـا

اطرف قصيده بشخصك من دواويني
يقال عنها تبيـض وجـه شاعرهـا

لكـن تكفـى طلبتـك لاتخليـنـي
والناس لاعاد تلعـب في مشاعرهـا

الله على الابداع في الطرح
الله على الكلمات الراقيه
متميزه
سيرى الى الامام فانتي مبدعه
بكل ما تطرحين
تقبلي مروري

تسلم عل مرورك ورأيك
كل التقدير لك خوي