قصيدة الحكم والأمثلة - روعة

ابدع قصيدي بعد ذكر البسملة
وبعد ما اصلي على طه الحبيب
بااكتب قصيدة كلها ضرب امثلة
واحاول اجعل كل متباعد قريب
والشعر حكمة والعرب تداوله
واهل اليمن في الحكمة الطارف أديب
باقي علينا ذي نقوله نعمله
ونراقب الله المحاسب والرقيب
وانا اشهد ان الرمح يطعن باوله
والحر يعرف وعاده في العسيب
والعلم مفتاح الأمور المقفلة
والجهل يعمي والعمى دربه صعيب
و الداء لا قد حل ما يستأصله
إلا الكلام الزين والفعل النجيب
والعنف عمره مايحل المشكلة
والقوس الاعوج مستحيل انه يصيب
جاد قال سجل قصيدي وانقله
واسمع نصايح طيبة من أصل طيب
روي الحليم النجد مرة وازهله
والثانية لااحتاجها واترك وسيب
واياك تسمع للكذوب او تقبله
الكذب يفضح صاحبه بأول تريب
واعفي وسامح والسفيه اتحمله
وكل سيئ بادله باالسوء طيب
والباب ذي بايجلب الشر اقفله
باتاكلك لذياب لاما كنت ذيب
واذا استشرت انسان بية مسألة
نصيحتي لاتستشير الا لبيب
وفي الامور القاسية والمعضلة
أسأل مجرب قبل ماتسأل طبيب
ورزقك المضمون لاتستعجله
اصبر على عوش العنب تلقى زبيب
و اياك تتندم على شي تاكله
دنيا عجيبة والطمع باطل عجيب
وذي يحصل صاحبك هو لك وله
لاتحسده وتعامله مثل الغريب
وان شي وقع لك لاتقلد ديولة
وتحاكي العالم من اخشام القصيب
والشخص ذي ماتعرفه لاتجهله
وفي المعارف كل واحد له نصيب
هنيت له من هو غبي هنيت له
يعيش طايش في شبابه والمشيب
لا قلت مخطي ضرب لك أمثلة
بين اخوتك مخطي ولا وحدك مصيب
لايعرف الصايب ولايرتاح له
ولا دعوه اهل المصايب يستجيب
والشيخ يتملك صفات المرجلة
وتحصله دوما" من اصحابه قريب
إذا حضر تضمن حلول المشكلة
وان غاب تضمن طلعته بعد المغيب
رجال عاقل مايحب المعقلة
والصدق ذي خلاه في قومه نقيب
والحر مايرضى لحد باالبهذلة
والجيد في وقت الشدايد مايخيب.
والفسل تبقى نظرته بين ارجله
مايذكر امه ذي رضع منها الحليب.
وسلامتكم ياهل الحكمة والايمان

كلمات الشاعر : جاد عبدالرحمن البرطي

هههههه
شي فهمته وشي ما فهمته
يعطيك العافيه

صح لسانك يالشاعر .تسلم يدك قصيدة مليئة بالحكم والأمثلة.
دمت يالغالي ودام عطاؤك .