قسـم الأشعار المنقــولة

واعلم ان اللي خلقني هو خلق لك عيون؟
‎لكن انتي من جلستي وانتي في تحدقين؟!!!

‎كن مابه ناس غيري بها الكراسي يجلسون!!!
‎لوسمحتي عاد اسمعي وحتى لوما تستحين؟؟؟

‎المهم الي بقوله تسمعينه ويسمعون,,,
‎ع الاقل اليا ناظرتك سوي نفسك تستحين..

‎غضي طرفك مثل ماغيرك خوفي ربعي يلمحون..
‎الركاده عاد زينه والحيا في البنت زين..

‎وفيك جازم لا ركاده ولا حيا يذكرون...
‎تعرفيني؟اعرفك؟ماذكر انا ملتقين؟؟؟

‎لا اعرف من تكوني ولا تعرفي من اكون..
‎وأطمأني ان كان قصدك بس فيني تشبهين؟

‎ماهو انا الي تعرفيه والبشر يتشابهون,,
‎مادريتي من التشابه يخلق الله اربعين ,,

‎واعرف اربع يشبهنك بس والله يستحون..
‎وان كان قصدك شي ثاني قولي وش تبين؟؟

‎خايف انا نصير فرجه والي ماشتروا يتفرجون..
‎واذا ببالك عاجبتني لايحوشك تحلمين..

‎صح ربعي من جمالك صارو يمدحون؟؟
‎بس وش لي في حلاتك دامك ترخصين..

‎حشمة البنت وحياها والكرامة يلفتون..
‎ولو توفر فيك هذا مع حلاتك تبشرين؟؟؟

‎ماهو انا الف غيري باب بيتك يطرقون؟؟
‎وش علامك رغم كل ماقوله تسكتين...

‎مو طبيعي ها السكوت وها البرود وها السكون؟
‎انتي خرسا؟ اسألك؟ ولا منتي تسمعين؟
‎قالو ربعي ذي كفيفه!

‎قلت لا لا تمزحون!!
‎لين شفتك يوم رحتي يمسكونك بيدين..
‎مادريت الا عيوني اربع اربع يذرفون؟؟

‎اه ياني منه مشهد يوم شفتك ترحلين؟؟
‎حيث اشوف عيون ربعي لقيت الكل يدمعون..

‎وتدرين عاد ياكفيفه حنا ترى متشابهين؟؟
‎وان ماانعمت ابصارنا قلوبنا هم الي ينعمون..

‎يالكفيفه يالعفيفه ان قلت اسف تقبلين!
‎يغفر الله ذنوب عبده وهل تغفرين

التسرع في الحكم على الآخرين خطأ يقع فيه الكثير
اللهم لا تجعلنا منهم يارب
مشكورة على المشاركة قطر الندى

ياهلا عروبه منوره عزيزتي
..
لاحرمنا حظورك ..

ودي

ابيات مؤلمه احياناً التسرع في الحكم ع الاخرين يكسيه الندم
طرح جميل ومفيد وقصيده لها اثر

تسلمي ندى ودمتي في سعاده

التروي واحسان الظن .. قاعده اساسيه للعيش بسلام
..
..
منور استاذ محمد ..
اسعدني حظورك


ودي

اه
عيني دمعت
ابيات مؤلمه جدا
لك خالص التحايا

فدوه لاموله الرقيقه

منوره عزيزتي

دام الود