منتديات اليمن أغلى YEMEN FORUMS - عرض مشاركة واحدة - زامل موجه للشاعرشرف الدين فاضل(سلطان القوافي) من الشاعر نبع القوافي

25-02-2012, 02:30 AM

اقتباس:

المشاركة الأصلية كتبت بواسطة شرف الدين فاضل

يامرحبا ما شنت امزان السكيبه == وما المطر بالليل صب
حيا ملان ارض اليمن صوتك نجيبه == شرفت يا ابن العرب
نبع القوافي جيت في عزه وطيبه == والشعر هو تاج الادب
قد جيت في معنى وابياتك رهيبه == واللغز حله قد وجب
اللغز هو واضح اشاراته قريبه == لان اليمن نبع النسب
من حوث لا المهره ولا الارض الرحيبه ==صنعاء عدن صدر الرحب
والوحده الغراء رسوخ الدم هيبه == اترسخت والقلب حب
الاخ جنب اخوه والاخت القريبه == دامو مع اما واب
وحده على عين العدو والكذب خيبه == الجد تاريخه كتب
من راد نتمزق لقي اكبر مصيبه == ما اضن بيقولو وثب
شعب اليمن واعي ووحدتنا نصيبه == من قال غير هذا كذب
قد راحت الاوهام واياما صعيبه == والشر عنا قد ذهب
وابتسم بدر السعاده بالعجيبه == وازادادت الفرحه طرب
ومن حكم يحكم وله ياصاح هيبه == والامن اكبر مكتسب
صندوقنا موجود والساحه قريبه == من راد يترشح طلب
والشعب بايزكي الذي يعمل بطيبه == وبايكون المنتخب
ومن يريد الشر والله ما نسيبه == لابد ما يجيه العجب
باتحرقه ناره وما ينفع طبيبه == من خان مثواه اللهب
حليت لغزك ما بحلي اي ريبه == والقلب للوحده احب
وارض اليمن ربي جعلها لك خصيبه == تعيش ياشاعر كتب
ها وافتني من فخر واقع ما نعيبه == هامه وله معنى عجب
باشكاله الروعه ثلاثه باتجيبه == عالي وله نسناس هب
يعني شموخك والتراب الي بطيبه == غلاه واصبح مستحب
تلقاه بالعالي وما ينزل تريبه == خالد كما خلد النسب
شرف الدين فاضل

لااله الا الله
صراحه انبهرت من روعه الكلمات والمضمون
بجد كلمة شاعر ياشرف قليله عليك ولو كان في كلمة اكبر من شاعر كان قلناها لك
كلمات وقافيه ومضمون جميييييل جدا يجبرك تخلص القصيده للنهايه
مهما قلت فيك كلماتي لن تفيك حقك شاعرنا المبدع
وهذا يدل على مدى وعمق وقوة حبكم لليمن وللوحده
الله يحمي أرضنا ويحميكم رغم ان الشعراء يتبعهم الغاووين خخخخ

يعطييييك الف عافيه اخي ع روعة طرحت
ودمت بخير وكما تحب ولمن تحب
ودي؛؛؛