16-06-2009, 08:35 PM
|
#6
|
|
مشـرف ســابق
:: مـــزن القـوافي ::
تاريخ التسجيل: 19 - 3 - 2009
المشاركات: 193
معدل تقييم المستوى: 66
|
رد: ديوان الشاعر الكبير احمد علوي المجربي
بسم الله الرحمن الرحيم
هذه القصيده بمناسبة الإحتفالات في البيضاء باعياد الثوره والوحده
ياغايتي واعتقادي والأهميه
=============إشرح اسارير نفسي يوم تدعيها
في طاعتك خل قلبي صادق النيه
===============ووفق الناس بالاسلام تهديها
المجربي قال صابتني حساسيه
==============وأنت وحدك الاهي من يداويها
ألقتني البارحه أمسيت في عيه
==============وا راجع افكاري اولها وتاليها
على حراك الخفافيش الظلاميه
==============من هم وراشعللتها من يغذيها
قد علمتنا عقيدتنا السماويه
================التفرقه تهلك الأمه وتفنيها
سياسة الحقد في الاسلام منهيه
=============ووحدة الصف رب الملك يحميها
واليوم في عيد وحدتنا اليمانيه
============= بارواحنا والحنايا سوف نفديها
وجودها بيننا نعمه الهيه
================ وكلنا با نعادي من يعاديها
قلعه حصينه جعلها الله محميه
============ياحادي العيس كل الشعب حاديها
هي نبع صافي جنوبيه شماليه
============= وأهلها نحن شرقيها وغربيها
هي ظالعيه تعزيه ولحجيه
==============والقهوه اليافعيه في صيانيها
هي في عدن عاصمتنا الأقتصاديه
=============ثغر اليمن تبتسم بالدر في فيها
جميلة الوجه محتاجه لحنيّه
==============وفي دروب المحبه بانراعيها
وعطرها من رحيق اغصان ورديه
============يزهو بها وادي ابين في سواقيها
حوراء في احوروهي في الحور حوريه
============تنشر عبقها على بالحاف حاويها
تلقى لها في ربا شبوه شفافيه
============= والنكهه الحميريه في براريها
تعزف بلحن المكلا والشباميه
=============والحان صنعاء بني كنده تغنيها
وتسمع الفاظ مهريه سقطريه
============ لسان ها حميري يامن يحاكيها
لاحد يشوه طبايعنا الثقافيه
=============مابا نلاقي صعوبه في تعاطيها
الكوفيه والسماطه والسديريه
============ والنصله الحضرميه من جنابيها
والرقصه اليافعيه والثعيليه
============== موحده يوم نسعى في تلاقيها
ومن يخطط على نشر الكراهيه
============هم الخفافيش تخرج من مخابيها
قولو لهم في اليمن وحده حضاريه
============لاحد يساوم على وحدة اراضيها
لاتحسبوها لنا صفقه تجاريه
============ايش الحساره وكيف ارباحنا فيها
والربح معروف في سلطه محليه
==============ولا القوانين عوجا با نقاديها
أبعد من الشمس ياهل افكار وهميه
============ والمستحيل اننا نرجع لماضيها
والموت أولى بكم يالإنفصاليه
===========واحنا سنحيا معاها او نموت فيها
ايش ذنبها في الخلافات المحليه
=============مثل الذي سار يكحلها ويعميها
والهم واحد نعاني به سواسيه
=============والخوف لوبا نسلمها لغازيها
نبني ديمقراطيه كبرى وحريه
============== في ضل وحده نثبتها ونبنيها
لاطائفيه ولا نعرات عرقيه
=============ولا مذاهب بنار الحقد نصليها
تحفها اصوات شعبيه ورسميه
=============والخير يملي روابيها ويحييها
من عهد الاتراك والحقبه الإماميه
============محد نسيها ولا احد كان يلغيها
وقبلها الطاهريه والرسوليه
========== تدخل شواطي عدن واثارها فيها
واستعمرتها الجيوش الأنقليزيه
===========والتفرقه كان الاستعمار راعيها
توحيدها ساندتها الأشتراكيه
===========وشعبنا في كلا الشطرين يشتيها
من الذي قال يجعلها جنوبيه
==========تدعى جنوب العرب لشتيك تدعيها
منهم جنوب العرب من أي جنسيه
==========واين اليمن ذي تريد اليوم نخفيها
اتى لنا الفتح من صلح الحديبه
===========وغابت اصنام مكه من زواويها
ماعاد معه دين او يحظى بقوميه
===========من مقصده يقتل الوحده وينهيها
أقسمت ماتاخذوها يالحراميه
============مادام شعب اليمن كله يناديها
جبالها والميازيب التهاميه
=========== والحضرميه بساحلها وواديها
واستقبلت صوتهاذرات رمليه
==========فوق الجزر واستجابتها شواطيها
وازكى صلاتي على المختار مثنيه
=======a===محمد المصطفى المبعوث هاديها
مع تحيات احند علوي المجربي
|
|
|