رد صاحي لهم على ابو ريم اليافعي
سلاممممم الله عليكم
ردي على قصيده ابو ريم اليافعي
استغفرك وادعوك ياعدل ياحكم= يارحمن يارحيم ياخالق الكون ياودود
ياعزيز ياجبار يارزاق يامسخر النعم=يارافع السماء سبحانك وحدك المعبود
والحين يامرسلي شل الخط مختم=واعبر من عدن وصله لديار ال سعود
سلم ردي لبوريم اليافعي حيث ماخيم=وعطر الرد مسك وعنبر وعود
بلغه تحياتي بحجم يافع الكرم=وعلى طريقك اقطف له من العنب عنقود
الاولى العين بالعين والدم بالدم=هذي مقوله قديمه قالها الجدود
من تعدى علينا بالفعل ولابالشتم=دمه دم حنش لاوالله دمه دم دود
يشرب من كاسنا حنضل وعلقم=الا نشربه الذل نرميه من الحيود
والثانيه انا السلطان ابو ايهم=من قبيله الشجعان وافيين العهود
ماخون ولي الامر ذي بالعدل يحكم =ولابيع بلادي لجل منصب او نقود
الشعب بالعشر لأبو أحمد قد بصم=واخدها بالتصويت والعالم كله شهود
ياولد عمي الوضع اصبح مؤزم=والبلد منهار وصلتوه لطريق مسدود
نأكل رغيف يابس وسلته وكدم=وصوت الماطور لغرفه النوم ممدود
ونتم في الساحات تأكلون مندي وبرم=من قدكم العشاء مندي والصبوح كبود
واختلاط ومسخره وهذي تحب وذا مغرم=وتايتنك بالمسرح تعديتوا كل الحدود
ومجلس انتقالي برئاسه بياعين الذمم=اشرفهم عميل الغرب كلب اليهود
كملي افهمك وانت مارضيت تفهم=وايش عاد اسوي لاصار عقلك محدود؟
والثالثه ركز بضرب رقم في رقم=وبقسمة على سته بالتساوي ماحد يزود
كان اليمن مريض يعاني السقم=من زاره يندم مايفكر ابداً له يعود
اعلناها وحده بعد اليوم ماشي ننقسم=ومن عارض واعترض يموت مكبود
وحكم ديمقراطي وعدل ومبادى وقيم=مثل اسنان المشط نتقاسم الموجود
وزيننا الست وزوجناهن بولاد العم=وجبنا فيصل يغني اسيل الخدود
لمينا الشمل بادرنا وشدينا الهمم=بنينا المدارس والمعاهد وشيدنا السدود
احتلفنا بمايو وباركت لنا كل الامم=اخوه كلنا مافينا واشي ولابيننا حسود
رفعنا رايه الوحده بأعلى القمم=وخلدنا مايو عيد ويوم فخر مشهود
نصحيه أحمدو ربكم لايصير فيكم جذم=يخسف الله بكم يرجعكم قرود
والرابعه بأسم الذي حلل وحرم=مانترك رئيسنا لو تعصدوها عصود
وحل اللغز واضح مزروع بالجسم=يجري مجري الدم تحت الجلود
هي وحده من الرأس للدرم=تحميها رجالها واحنا قدها وقدود
تم الرد يابو ريم والان بانختم=بأسم رافع السماء مرسل الرعود
الحي القيوم خالق العباد المعظم= الهي ذي بذكره تطيب الفؤود
تحياتي/ صاحي لهم
|
يمكنك المشاركة والتعليق في الموضوع بإستخدام حسابك على الفيس بوك
|
|
|
__________________
سلطان زماآنه R
التعديل الأخير تم بواسطة صاحي لهم ; 22-11-2011 الساعة 01:32 AM.
|