عندي رساله خاصه لدحابه = أبسأله عما ورد بخطابه
هل كان يفهم ويش كان بيقصد = أم لم يصدق نفسه الكذابه
بيقول بيكفن شهيد الثوره = بالشال حقه او ببعض ثيابه
كاذب وهو يعرف بأنه كاذب = والمشكله في الكذب ماهو آبه
يزعم بانه فاهم ومتثقف= واثره بيرقص رقصة الخطابه
يرقص ويتغنى بوسط الساحه = كنه بنيه فاتنه جذابه٠
قالو نقيب معلمين وفاهم = من ذا الذي حطه رئيس نقابه ؟
أين الرجوله يافؤاد اخبرنا =هذي رجال المشترك واشنابه
لا واحسافه كيف لو يحكمنا = مافيش حاجه تنحسب لحسابه
خائن عديم المرجله والمبدئ=كله مرض مدري وش اللي صابه
عندي نصيحه يافؤاد اسمعها =أوبه واحذر من وحوش الغابه
خليك فاهم يافؤاد وشالك =خله كفن للمشترك وكلابه
إحنا مع القائد ولن نتزحزح=بارواحنا نفدي اليمن وترابه
والخائن الغدار احنا ضده = نكسر له الابهام والسبابه
نحمي وطننا من دعاة الفتنه =ومن شرور الشله النصابه
حميد الاحمر ماعلينا منه = ماهمنا مهما يكشر نابه
أبو حمد والله ماهو راحل = والله ما يخرج من البوابه
حاكم ويبقى في يمننا حاكم = هو عارف لشعب اليمن وادرى به
هو جاء للسلطه بحكمة قائد= ما جابها بالميج والدبابه
فاحنا معه نبقى معه في صفه =مانستمع للمشترك وصحابه
وختامها ياربنا جنبنا = كيد اللقاء المشترك واحزابه
ثم الصلاه تغشى النبي وآله =خير العباد وصحبته واقرابه