جرح العيد
حبيبي هالزمن يضحك على جرحي وانت بعيد
وجيت من الشتات اسال بعد جرح الزمن وينك
اذا يرضيك تستقبل بدوني فرحتك بالعيد
شسوي بقلب متعود يشوف العيد في عينك
انا ماجا على بالي غيابك انت بالتحديد
عنادك ليش ضيعني وقف مابيني وبينك
انا ماجيت ابي منك بعد جرحك تفك القيد
ابيك تحس في قلب(ن) رفض ينساك ويدينك
مثل ذيك السنه واكثر انادي والندا مايفيد
بقلبي شوق لو حسيت به يقلب موازينك
اردد عيدك مبارك عسى كل عام وانت سعيد
وقلبي يرتجي وصلك ياغالي وفاقد(ن) زينك
|
يمكنك المشاركة والتعليق في الموضوع بإستخدام حسابك على الفيس بوك
|
|
|
التعديل الأخير تم بواسطة max ; 06-07-2011 الساعة 05:25 PM.
|