تختلف عنهم حبيبي تختلف
من جمال الكون كم ربي عطاك
القمر من نور وجهك يرتجف
والشموس بتغار من روعه حلاك
والعسل صافي بفمك مانشف
والمباسم ينسكب منها جناك
ضمني بين الرموش اللي ترف
واروني يامنيتي من عذب ماك
اعترف اني عشقتك باعترف
واعترف انه تملكني غلاك
كلما شاهدت غيرك اكتشف
ان نفسي ما بتتمنى سواك
في غرامك مثل صوفي معتكف
وينما تسري سرت روحي معاك
قول احبك قولها لاتنكسف
قولها يافاتني روحي فداك
توفيق الماطري
انا اقول
ياعاشقي وين عني بتروح وتنعكف
وإنت في قلبي ماحــد ساكـن ســـواك
احبـك واعشقـك وحبــي لـك يختلــف
بغـــار عليــك مـوت وادور انا وراك
ولمن اشـوفك قلبـي من حبك يرتجـف
ابي اصرخ واقول احبك وروحي فداك
و كـل مـاابـص فــي عيـونك بنكســف
ابيــك تقــولهــا ياحبيبــي انـا غــــلاك
قـرب ابـي اهمـس فـي اذنـك واعـترف
ابيك بقربي ماتفارقني واقضي عمري معاك
احبك حب وحبـي لـك الحين انكشــف
وتعـــرف إنك غالــي وأنا ابــي رضـــاك
بقلم/مـيرا
عفوآ مش كل اللي بينكتب من القلب
ارد على الشعر على حسب الشعر