بسم الله الرحمن الرحيم
السلام عليكم ورحمه الله وبركاته
بدايه اشكرك اخوي باب البحر ع طرحك وتشجيعك و هالكلام الطيب
لكن ياخوي الشعر مب اي حد يقدر يكتبه .. صحيح ان عندنا مشاعر واحاسيس لكن مب الكل يقدر يعبر عن اللي بداخله مثل مايبغي
القصايد اللي ننقلها وانا اتكلم عن نفسي وعن بعض الاعضاء .. يكون فيه سبب
اما ان القصيده عجبتنا ابياتها ومعانيها ومحتواها .. والابداع اللي كتب فيه الشاعر هالابيات .. وحبينا ان الاعضاء يشاركونا بقرائتها
او انه ننقل اللي يعبر عن اللي بداخلنا ,, يعني ممكن تكون تحس بشي معين سواء حزن او فرح او غيره ,, وتقرى قصيده تحس ان انت اللي كاتبها لانه محتواها يمثل احساسك واللي تحس فيه .. فنقوم بنقلها وطرحها
مب ضروري الكل يكونون شعراء .. فيه الشاعر اللي قادر يعبر عن كل شي بداخله بسهوله او حتى بدون لايشعر يشوف نفسه قاعد يكتب .. وفيه المتذوقين للشعر
هذا رايي الشخصي .. واشكرك ع طرحك ونصيحتك
ولاهنت ع كلامك الطييب اللي ان دل فـ يدل على حرصك ع تقدم الموقع بالابتعاد عن المنقول .. وتشجيع الاعضاء على التعبير عن اللي بداخلهم باقلامهم
وانا عن نفسي احاول .. لكن مب دايم اقدر ^_^
يعطيك العافيه واسمحلي ع الاطاله