رد: اشتحط أنت في اليمن .. !
اقتباس:
المشاركة الأصلية كتبت بواسطة صنعاء روحي
اشتحط أنت في اليمن .. تعني:
"قع رجّال" ..
أوبه لجوبك ومحفظتك"" ..
"انتبه لا يضحكوا عليك"
.. أول مرة دخلنا صنعاء استوقفنا صاحب تاكسي وقلنا له: حدة لو سمحت !
نحن كنا قريبين جدا من المنطقة التي نريدها .. لكن صاحب التاكسي أخذنا وذهب بنا يمنة ويسرة وأدخلنا في شارع فرعي وخرج بنا على الحزام .. ثم عكس بنا خط السير ولف بنا مطلع جبل واستدار بنا على ميدان السبعين وانحتى على حديقة السبعين "عرفناها فيما بعد" ثم أوصلنا المكان المطلوب.
وطلب مبلغ كبير .. ودفعنا شاكرين الجهد الذي بذله والتعب في اللفلفة والدوران والزحمة وخلافه.
بعدين اكتشفنا المقلب .. !
هذا واحد من قصص كثيرة توجه أبناء المغتربين الذي يأتي لليمن حاملا نصائح غالية من الأب:
"قع رجّال" ..
أوبه لجوبك ومحفظتك"" ..
"انتبه لا يضحكوا عليك"
والابن بين خيارين: يا يشتحط .. يا يؤكل في وطنه الذي يفخر به 
|
موضوع واشتحط وخبر وعلم
كله علشان صاحب التاكسي طلب منكم اجرة زيادة ؟؟
لو كان سرقكم ما عتقولي ؟ لا تسير اليمن؟
صورتش متحامله على اليمن قوي  وتشتي مجتمع أفلاطوني والا يعتبر فاشل بنظرش
فين عايشة؟
في السعودية؟ في الامارات؟ في دولة خليجية؟ ما فيها ناس ينصبوا؟ مافيها الخير والشر؟ مافيش الصادق والكذاب؟ للمه جالسه تودقي اليمن وتشوهي بسمعتها ما عملت لش اليمن؟
للمه بتدفعوا تجديد الفيزة سنويا بالسعودية اكثر من 10 الف سعودي وما بتتحاكوا وتدفعوا بالامارات حق نقل الاقامة 12 الف درهم وما بتتحاكوا ؟ وتتحاكموا على بعسيسه من قبل خمسين سنة ما بتتحاكوا ؟ واليمن صاحب التاكسي ضحك عليش بزيادة 500 ريال او 600 ريال اقل من عشرة ريال سعودي قلبتوها قصة ونشر بالمنتديات واللي يسمعش يقول يا غارة الله اليمنيين سرق
يابنتي في عندش تكاسي شركات ما يغالطوش معش تاكسي راحة وتاكسي مرحبا وتاكسي زين وتاكسي كروة وتاكسي مدري ماهو اركبيها وخلاص
التعديل الأخير تم بواسطة الشيخ طفاح ; 20-08-2010 الساعة 06:41 PM.
|