القصيد اللي يجمل كل شاعر لا بدابه=يعلم الله لا احمتي له لين يتعلى جنابي

يا حروف الشعر هاتي لي كتابي والخطابه=والمعاني واضحه والراس في صوته عذابي

يا مواضيع السراب اليوم دني بالربابه=دام في قلبي براكين الغضب تنزف شبابي

والله اني لا احتمي عرش الشعر والوي ركابه=لين يتغنى بي الطاروق في كل الرحابي

الجبل لا كان له شاعر فانا صوت المهابه=والجبال تشل من شعري وخادمها هذابي

وانت يا توفيق خل الملعنه وانس الكتابه=واترك حروف الشعر ما دام هاجسها رقابي

دنها يا صاحبي قم وانثر دموع الصبابه=دام في قلبي تعابير اللغه ساقت خطابي

هل لقوم ان ترا نجما تعلا في نصابه=ام بنات الفكر تلهو بين اهات الترابي

سوف اعطيكم دروسا ان دنا يوما تشابه=ليث غابٍ هل ترى ندا لهو فرخ الغرابي

ضامي اللي جاك يسرج فوق تاريخه صوابه=والله ان الشوق بعثر هاجسه يومه سرابي

اعرف المسحوب واغني على لحن الكابه=والعب المنكوس في درب الهجيني بالتصابي

والهلالي يوم اجر الصوت يرقى للسحابه=ثم تهل حروف شعري زي وبال السحابي

جرمكم هل احمق من قبلكم جاء ارتكابه=ام على اوزانكم تمشون طوعا بالتغابي

زعمكم تصحيح وزن جوف انفاسي اتابه=ضامي الاشواق ان الشوق للمعنى اتابي

سلم جداني على الناموس فلينا حجابه=ما حدٍ قبلي تعنى له ثم اجتاح الصعابي

شاعر الجبال هيا عذركم هاتو جوابه=واعزفو بالعود ان العود للشعر انتكابي

خذ من الفصحى كلاما قد شدى صوت انتسابه=والنبط با اعطيك منه درس يفتح كل بابي

والعروض وعلمها في خافقي جاله اذابه=مابقى في لب سمعي صوت يسري باغترابي

احذر من الذيب لا كشر معا الظلمات نابه=وانتبه لا تاخذ من الحق حاجه بغتصابي

واستفد من نجمي اللي جاك يرميك بشهابه=لا بدا من صوبكم شيطان نرسل له شهابي

طاش تفكيري وعقلي كل ما فيني سعابه=لين جيت اعن سرج الخيل واشهر لك حرابي

ايها الجمهور اعطوني جوابا يقتدا به=هل لمثلي ان يرى في مثلهم اي احتسابي

ملك عرش الشعر في كفي وانا والي جنابه=بس في غيري ظهر نجم وافل نوره وغابي

همي اللي راح والدنيا تعاين في سرابه=ما حسبت احسابه الا يوم شقق لي ثيابي

بس ما دام الشعر في قبضتي يحلو نصابه=ما علي من شلة التلفيق لو زاد اكتئابي

ليس يعنيني اذا زنت على راسي ذبابه=ما اتى بالعيب فيني غير اصوات الذبابي

شفت لك مجنون يا خلي يدور عن خرابه=غير من سوى لسطوة هيبتي زاد وشرابي

الجبل دوا بصوتي والسهل زيه دوابه=شعري الثابت وغيري شعرهم يا ناس هابي

وزني اللي زاد في صدري مواضيع التهابه=كنت اجرب كيف ردات الفعل صوب اكتتابي

ما بقى للشعر في راسي سوى عزف الربابه=والذي يعزف على عوده يولي يا شبابي