توبه وحرامه اداني المحبه
مقهور ياالقهري بنا داخلـي بيت
والطـيب خدّرني وبالنـار شـبه
اوفيت واخطيت ليتني كنت موفيت
يلعن ابو ذاك الوفـا والمحـــبه
ضيعت عمري أكتبك بيت في بيت
لشّعـر فـاد ولا وفاء الأحــبه
يامن لأجـلك كم تدللت وادنيت
والراس شامـخ مايُبا غـير ربـه
الله ينهـي دنيتك مثــل منهيت
دنياي واغتلـت الجـمـاله بعيبه
الله لاردك ولايــدخـلك بيت
ياناكـر المعـروف ماخـس حبه
من يوم حـبيتك تعذبت وابكـيت
حـبري وهاجوسـي بدمعٍ يصـبه
لا نـوم يهـنالي ولا بـك تهنيت
أشـعلت ناري خاطري ويش ذنبه
قهرتـني باقــول وتقول ماريت
كلّـي وفـا وانا الوفـا لك أصّبه
ربي بـلاك بالحـب بمـالي ابليت
وسقاك غـدر الّي مفضّل لقـربه
أدري؟ ونا إن كنت في الحب زليت
يحرم علي حبك . من الحـب توبه
ولـو سمـعت اني لغـيرك توطيت
صـوّب سهامك صـوب قلبي ونبه
خـلاص انا راحـل ويامن تعليت
راحـل وحــبك زيغ قلبي وذنبه
للغـير خلـيـتـك وعنّك تخليت
بدموع شـــلاله تخـليت يابه
|
يمكنك المشاركة والتعليق في الموضوع بإستخدام حسابك على الفيس بوك
|
|
|
__________________
التعديل الأخير تم بواسطة مجرد بشر ; 21-07-2010 الساعة 02:14 AM.
|