واصلي علا المختار هو صفوت القلـوب ***وكم طاب لـي ذكـره وطيبـه وطيبـه
طه شفيع الناس مـن النـار والشهـوب ***عليـه صـلات الله مـا المـزن يسكبـه
انا ارجوك يارحمن تغفـر لنـا الذنـوب ***وحقـق املنـا انـت بالخيـر نكسـبـه
يقول ابن فاضـل رب ياعالـم الغيـوب ***وياعالـم النـيـات وفـاهـم بمطلـبـه
من اهل الكرم نبقا وذا خيـرت الطلـوب ***من الجاه والحكمـه لـذا العبـد توهبـه
وبالدين والطيبه نكـون رمـز للطيـوب ***ومـن رامـنـا بالـشـر يالله تخيـبـه
وما الناس هم اجناس وماتستوي القلـوب ***فهذا بـدرب الخيـر وذا الشـر مدربـه
كما العز والنامـوس يقيـم بـه الرتـوب ***وذا مرتبـه عالـي وذا تحـت مرتـبـه
وبالاصل والانسـاب نتفاخـر النسـوب ***ومالفسـل افعـالـه تـرويـك منسـبـه
وبوصي انا اولادي وربعي مع الصحوب ***علا الجود وقـت الجـود كلـن يرقبـه
ترا الجود هو سلطان شعاعه اضا الدروب ***وامـا الفسالـه مـن حملـهـا تخيـبـه
وساير رجال العز لا تصحـب الكـذوب ***وامـا ضعيـف النفـس اوبـه تقاربـه
ولاشي عدو يضحك فهي ضحكته سبـوب ***ومن يحمـل الاحقـاد ابـد لا تصاحبـه
مع بسمته اشواك وحوله تـرا الشهـوب ***فخلـه بهـا يحـرق ويلصـا بمشهـبـه
ومالكبر من يهواه فذلـك هـو الخيـوب ***ومـن راد يتكبـر يحـمـل مصايـبـه
وذي مامعه مبـدا هـو الفاشـل اللعـوب ***وذي لاطبع وجهه نسـي مـا يقـر بـه
وكل ساع في وادي مشرد مـع الـدروب ***وعايـش مثيـل الجـو زايــد تقلـبـه
فلا تامن النصاب وذي سـار بالنصـوب ***انا اوصيـك لا تغتـر بقولـه ومنصبـه
واحذر من الاطماع فهي ذلـه الشعـوب ***ومـن يتبـع الاطمـاع خابـه عواقبـه
كما احذر من السباب وذي سار بالسبوب ***فهو ذي يعيـب النـاس ناسـي عوايبـه
واما المجامل شوف هـو دايمـا خيـوب ***له الخزي فـي وجهـه لسانـه مصايبـه
ولا شي تمد ايدك لـذي عادتـه سيـوب ***وذي باتجمـل لــه وزيــد مطالـبـه
والزور لا تقرب خطـر يمنـع القـروب ***ترا الزور والبهتـان جـارت مصايبـه
لسانـك فاحفضهـا ولا تنطـق السبـوب ***ولا تنطـق الا الخيـر ولا حـد تساببـه
وصاحب عزيز القدر ذي صدره الرحوب ***ذي لا بديـت اصليـه حيـا بمرحـبـه
وقلبك دليلـك فيـه مـا خابـت القلـوب ***وكن صـدق احساسـك بشينـه وطيبـه
ومن شفت منه اخلاق وهو عادته طروب ***فهـذاك تختـاره وهــذاك صاحـبـه
ومن شفت فيه الصبر ترا عقله الكسـوب ***فسارع وفـي اسـراع تقـرب واكسبـه
ومن للكرم مقدام فسانـد ولـه صحـوب ***وخير الكـرم يخلـف ويـزداد مكسبـه
وشارك مع الابطـال اذا هبـه الحـروب ***وامـا رفيـق الـدرب ابـد لاتسيـبـه
وذي لا دعيته جاك مسرع كمـا الهبـوب ***وتلقـاه متحمـس ووده تـحـس بــه
وذي عنده الاخلاق يعلـم مـن الشيـوب ***يخـذ مـن تجاربهـم ويسنـد اقـاربـه
فـلا نبلـه البنـدق ولا لبسـه العسـوب ***تعلي وطي مهمـا رفـع شيـل مقطبـه
ولا كل متبندق معـه خبـرت الحـروب ***رجال الحروب الناس ذي هـي محاربـه
وذي عـادت اجـداده وابـاءه الوثـوب ***اذا قد بدا خصمـه سعـي لـه يضاربـه
ورشاش ابو نخـره وزراد لـه رطـوب ***اذا الخصم بايضهـر وجـب ان نشربـه
فحيا رجال العـز بالسهـل والهضـوب ***وحيـا اسـود البـر ذي هـي مـدربـه
وحيا رجال السلم ذي صدرهـم رحـوب ***وحيا بمن قـد صـان ربعـه وصاحبـه
واصلي علا المختار هو صفوت القلـوب ***وكم طاب لـي ذكـره وطيبـه وطيبـه
طه شفيع الناس مـن النـار والشهـوب ***عليـه صـلات الله مالمـزن يسكـبـه
شرف الدين فاضل