كل شخص له ماضيه ,, الرجل والمرأة ,,
وكل شخص عنده اخطاءة باختلاف حجم الخطأ
لكن المهم ان الانسان يتعلم من خطأه ويصلحه ويتوب عنه ويرجع لربه ويستغفر

بجاوب ع تساؤلاتج

*ما سبب رفض الشاب الزواج من فتاة لها ماضي ؟؟

السبب هو العادات والتقاليد اللي تربينا عليها

ومثل مايقول الوالد ربي يحفظه.. البنت مثل الزجاج .. اذا تكسر ماعاد له قيمه واذا صابه اي خدش يتشوه منظره ويصبح غير مرغوب فيه

والرجل الشرقي غيور بطبعه ,, ومايحب ان اللي بيرتبط فيها وبتكون شريكه حياته وام لاولاده بالمستقبل انـ يكون لها ماضي مع رجل غيره

يباها تكون له وحده محد شاركه فيها ابد لا من قبله ولا من بعده عشان تبنى حياتهم على اسس سليمه وحياه زوجيه نظيفه خاليه من الشوائب


*ولماذا تقبل الفتاة الزواج من شاب له ماضي..؟؟

لان المرأه من طبيعتها التسامح والعفو .. مابتتم تحاسب الرجل ع ماضيه
بتحاسبه من اللحظه اللي بيكون فيها معها وبدايه ارتباطهم مع بعض

لان يهمها الزواج والاستقرار والستر


*وهل يحق للرجل محاسبة المرأة على ماضيها ولا يحق للمرأة ذلك؟؟

الكل مسؤول

ومن المفروض ان محد يحاسب حد على ماضيه لانه "ماضي"
فـ اذا هالشاب او البنت تغيروا والله هداهم وصاروا يمشون ع السراط المستقيم
المفروض يفتحون مع بعض صفحه جديده ومايهتمون باللي صار بالماضي دام ان كل واحد منهم الله هداه ويبتدون من اللحظه اللي هي بتكون له وهو لها


*وماذا عن الرجل الذي يلجأ إلى تطليق زوجته عندما يعلم بماضيها العاطفي ؟

هالغلط يكون من الزوج ,, لانه مب من حقه انه يعاقبها هالعقاب على ماضي هو كان غافل عنه
ودام انها ماغلطت بشي وهي معاه وكانت صاينه لشرفه وعرضه المفروض مايحاسبها على ماضي راح وانتهى

{ من ستر على مؤمن ستره الله في الدنيا والآخره }

وبالختام :

مجتمعاتنا هي اللي تسبب بالكيل بمكيالين
لان الله سبحانه وتعالى عندما يحاسب مايفرق بين مرأة ورجل

كلنا انسان

والله رحيم ويقبل التوبه سواء من الرجل او من المرأة

وربي سبحانه امرنا بالعفو عند المقدره وامرنا بالتسامح وبالستر

فـ ليش نحن مانتقيد باللي امرنا به الله؟؟

ليش نفرق بمعاملتنا وبكل شي بين الرجل والمرأة

المفروض توحد مفايهم الخطأ والحلال والحرام على المرأة والرجل

لان الله يوم نهانا بحلاله عن حرامه .. ماخص الرجل باشياء معينه تحرم عليه دون المراه ,, وماخص المراه باشياء تحرم عليها دون الرجل

اللي الله حرمه .. حرمه ع الجنسين وماسمح فيه لجنس دون الاخر

وكذالك التوبه .. الله يغفر للجميع فـ ليش البشر لا ؟؟

وبالنهايه ,,

عفوا تعف نسائكم,,




شموع الغرام

سلمت يمناج ع الطرح القيم حبيبتي

والسموحه ع الاطاله

ربي يعطيج العافيه