رد: كتبنا قولنا اقراه ياصاح
[frame="9 60"][align=center]ابو يونس يقول باعيش مرتاح=ومن يسلا سلي والا فيقرح
انا ماناش من ذي حبو الاّح=ولا برضي عدو بالاح يفرح
رفيع الراس في عيشي وسماح=وحقي باخذه من اي مطرح
بتقوى الله بانسلا ونرتاح=وغير الله ما نشكر ونمدح
بتقوى الله بانسلا ونرتاح=وغير الله مانشكر ونمدح
كتبنا قولنا اقراه يا صاح=واسمع نصحنا للكل با نصح
عزيز النفس عيش باتجني ارباح=وقول الصدق دوما خير مربح
ومالك بالذي سارق ومزاح=اذا ريته يقول انه بيمزح
ولا تمشي مع عايب وسفاح=صفات العيب هي ارذل واقبح
ولا تلعب مع غاوي ومقواح=ولا ترضى مع الجهال تمزح
ولا تعشق حبيب اهرف وشطاح=ضعيف الحظ ذي بالحب يقفح
وخليك دايما واعي ونفاح=عزيز القدر له قيمه ومنفح
واما الكبر من شله فهو طاح=وطيح صاحبه لا امسى ولا اصبح
وخير القول ما قلا بافصاح=وشر القول هدره دون مفصح
ولا تحقد لان الحقد ذباح=ومن يحقد ففي حقده سيذبح
ولا تحسد اذا به شخص مرتاح=ونفسك خلها للخير تطمح
وفي روح الصداقه نور وضاح=تراها دايما والقلب يفرح
ونور الحب اصلا خير مصباح=وبادل صاحبك ضحكه وامرح
وصلى الله على من كان نصاح=وبين سنته والشرع وضح
صلات الله عليه مالسيل سفاح=وماشن المطر والبحر يسفح[/align][/frame]
صح الله لسانك اخي الشاعر القدير شرف الدين فاضل
وقد قمت بتعديل الموضوع لان القصيده التي يتم تنسيقها باستخدام منسق القصائد لاتظهر في متصفح فايرفوكس الذي يستخدمه الكثير من الاعضاء
__________________
منتديات اليمـن أغلـى
(18) عامـــاً من التميـز والنجـاح 2008 م - 2026 م
-
التعديل الأخير تم بواسطة اليمن أغلى ; 20-11-2009 الساعة 07:06 PM.
|