منتديات اليمن أغلى YEMEN FORUMS - عرض مشاركة واحدة - رضاش ياأماه غايت مطلبي=إنتي النظر ذي تغطيه الرموش///ابواسمهان

30-05-2019, 09:55 PM

تفظلوا على أبياتي ألمتواضعة
عسى أن تنال رضائكم

رضاش يا أماه غايت مطلبي
=== أنتي النظر ذي تغطيه الرموش

سجدة جبيني ونبتت حاجبــي
=== تحت العمامة وقارش والنقوش

قارب نجاتي وميناء مركبي
=== وقاعدة أنطلاقي والنهــــــــوش

إنتي اليمن كالقمر لا يختبي
=== حتى اذا البعض رامو ينكروش

ناساً تبيعش وناساً تكسبي
=== وناس من أجل غيرش دمروش

أحبش الله وخلقه والنبــي
=== ربانية من سماء عرش العروش

إسمش برز بالسما السابع حبي
=== من قبل ما الفُرس توجد والحبوش

بس أطلبي سا أنفذ ما تبي
=== يا أماه أمرش نورع أو نهــــوش

أنا وربعي وكامل أصحُبي
=== فداش يالغالية وأهلي فـــــــدوش

حريٌتش تنطلق من واجبي
=== نحنا لها عند نقداف المشـــوش

نحنا لها من زمن جدي وأبي
=== بتر السواعد ونثوار الكـــروش

لو يوصل الدم غايت أركُبي
=== أو ما لفينا مقابر للنعـــــــوش

فلى تراجع لحتى تشربي
=== وتذوقي الحريٌة ذي سلبــوش