منتديات اليمن أغلى YEMEN FORUMS - عرض مشاركة واحدة

23-07-2018, 11:37 PM

ابو قيس
~~

ما ودي اتفلسف باشعاري وبعض الاسئله
==== ودي فقط يا نوف بلي قد جراء لي تعلمين

طعنت نفس الويل وتبهذلت اخر بهذله
==== وتشتته ليام من بعدك بقي قلبي حزين

هل تذكري يا نوف ما قلناه طول المرحله
==== لا تظلمي انسان هايم بك وحبك من سنين

بالأمس لو غيبت كنتي با تجيني هروله
==== واليوم اجي ولا اروح ما عاد عني تسألين

بالأمس نتبادل فناجين المحبه والوله
==== واليوم لا اتقدمت خطوه تبعدي في خطوتين

كان العتب والمزح يعجبني وقاف الزومله
==== امزح معك واعاندك وانتي امامي تضحكين

في ذمتك هل عاد لي في وسط قلبك منزله
==== ردي علي يا نوف لن اجلس عديم الحالتين

اما اذوق العذب من حوض الكبيده ونهله
==== ولا اتركيني واقتنع منك ولا ضلي سجين

القطرسه ما تنفعك والكبرياء والمهزله
==== للهاويه ترميك واختمها بقولي مرتين

شاعر ونا راس الأباء والمعقله والمرجله
==== ما ريد الا نجتمع شرعاً على سنه ودين

اخر حواري ذا معك يا نوف مابه حكوله
==== والعفو منك التمس والمعذره لا تزعلين

~~
نوف الجنوب
~~
تابعت ما قلته عليا بالقصيده لوله
==== والثانيه والثالثه والرابعه تسمع تيقين

بارد لك عن هذه الابيات ماهي مشكله
==== المشكله انك تضلي من جوابي يا انين

نوف الجنوبيه خذت في وسط قلبك منزله
==== ايضاً وانته لك وسط قلبي محبه يا ضنين

ما انسى المحبه والوفاء ذي بيننا او اجهله
==== لكن ترى قلبي وعقلي عادهم متناحرين

قلبي بيتمايل وعقلي يا محمد يقتله
==== احاول اتناساك واسيبك وربك بايعين

الكبرياء ذي بي وطبعي محدا يتحمله
==== عناديه راسي قوي قاسي وقلبي ما يلين

نصيحتي لك تلتزم خطك وبطل هروله
==== بل ونصحك ان ترسم البسمه على الوجه الحزين

لا اتسلط الهاجس عليا سد بابه وقفله
==== ولا تحاول ان تهز الشوق فيني والحنين

العذب ذي وسط الكبد والشهد لو محتاج له
==== ضحه وغامر واتكل ونوه وبالله استعين

افضل من الشيلات واشعارك وكثر البلبله
==== لانك بتعرف نوف ما تخضع لهرج العاشقين

هذا فقط ردي ويا شاعر بعقلك حلله
==== شف ما ننال إلا الذي اراد رب ااااالعالمين

~