20-12-2015, 02:02 AM
|
#9
|
:: ذيب الحروف ::
تاريخ التسجيل: 22 - 3 - 2010
المشاركات: 261
معدل تقييم المستوى: 73
|
رد: ديوان الشاعر يحي دهمش(مرارة الغربه وفراق الاحبه)
محاوره شعريه ساخنه بين الشاعر يحي دهمش والشاعر* السعودي سعد العتيبي
كلين في دنياه عايش ومرتاح
وانا مع ألغربه اكابد همومي
امسي مع الاشجان والاه والاح
************************ قدلي ثلاثه ايام ماذقت نومي
انا اشهد ان البعد ياناس ذباح
******************* وانا اشهد ان الغربه اكبر خصومي
من باطل الغربه شبع قلبي جراح
ضاعت هواجيسي وضاعت علومي
ارجوك جاوبني وش الحل ياصاح
والا ترى باجنن واقطع هدومي
الناس قالو لي ترى الصبر مفتاح
وانا اشوف الصبر فاق اللزومي
الشاعر ابو عدنان
*جواب الشاعر سعد العتيبي
كلن على دنياه يلعب ابمسباح
والا انت فالغربه تلافح سمومي
ان كان فيك من الهواجيس نباح
اضرب براسك جنب ضلعن يزومي
وان كان تبغى لقمة العيش ياصاح
اصبر على دنياك في كل يومي
من طاول الغربه يذوق بالاملاح
يشرب هماج المي من عقب ثومي
لا تحسب ان الضيق ضبه ومفتاح
ياللي تمثل فالديار امحكومي
جواب الشاعر يحي دهمش
حيا الجواب اللي له القلب يرتاح
فيه الكلام الزين واحلا العلومي
بس مالقينا فيه بلسم للجراح
لخبط احاسيسي وزيد همومي
ياللي من الاآهات سالي ومرتاح
لاتحسب ان الوقت الازين يدومي
احذر من عزرائيل قباض الارواح
فالعمر مهما طال وقت محسومي
وانا من الغربه شعر حاجبي طاح
والعين وقت النوم عيت تنومي
امسي طوال اليل في شوق ونياح
والشوق في قلبي على شكل يومي
والله لولا لقمة العيش ياصاح
مارحت للغربه وسيبت قومي
لكن انا راضي بما جا وما راح
والحمدلله صرت رجل"كتومي
اكتم هموم القلب واصبر على الآح
واخلصت للمولى صلاتي وصومي
وختامها صلي على نور الاصباح
شفيعنا من حر نار السمومي
*جواب الشاعر سعد العتيبي
صبرك على دنياك لو كنت منزاح
عن ربعك ودارك وكل العمومي
والرجل لا منه تحيزم ابمشلاح
يارد على الجمه وجمع القرومي
ما يشكي الرجال جرحه ليا طاح
ولا بيح السر الامخفاء يعومي
والا انت عايش في نعيمن ومصباح
الامن سايد والبلاد امحكومي
مالك ومال الحرب في ديار سداح
اللي على جاره يسل السهومي
دارك حروب وكل يومن بذباح
خلك بوسط الامن ياللي تهومي
وان كان قصدك فاريش العين ياصاح
معاد لك فالدار ربع* اللزومي
هذا طريقك بين مسراء ومصباح
ومن دون دارك ياليماني* اثلومي
جواب الشاعر يحي دهمش
ياطير ياللي فوق رفرف بالجناح
ياللي على الشجران دايم يحومي
شل الجواب الان من قبل الاصباح
وصل ابو ثامر وقله ينومي
قله يخلي الشعر لاهله ويرتاح
من قبل ما نعلن عليه الهجومي
ماعاد له في الشعر جلسه ومسراح
باطارده وارسل عليه الطقومي
مايقرب من البحر ياكود سباح
والا انت يا المسكين خايف تعومي
والفرخ لا رفرفرف بلا ريش وجناح
يسقط مع الضلعان بين الرخومي
يااللي تقول اني عن الدار منزاح
وفر اقاويلك تراك مفهومي
انته تقول الجد والا انت مزاح
ترى عن الزلات منت معصومي
انا هنا ماجيت تايه وسواح
جيت اشتغل بالحق واقضي لزومي
ما شفتني رقاص في صالة افراح
والا مع الخمار اشري واسومي
ولو تعرف ان الشوق ياسعد فضاح
منته لبو عدنان دايم تلومي
وياللي تعيرني بسادح وسداح
خايف يجيك البرق عقب الغيومي
لاشفت برق سهيل وسط السما لاح
جاك الخبر طازج وجتك العلومي
قلت اليمن مابين ذابح وذباح
ذا موطن الحكمه ودق الخشومي
*من شاهد ألاعلام قال اليمن راح
شعب اليمن باقي ودايم يدومي
والحوثي الخاين مثل كلب نباح
مانتركه للجار يرسل سهومي
الجار مهما جار تفديه الارواح
نحميه ونقدم جميع اللزومي
ماقلتها من نشم والا تمداح
هذا كلام الصدق وافهم علومي
والحوثي اللي صار مجرم وسفاح
لابد له من يوم فيه مهزومي
سبب لنا فتنه مع حزب الاصلاح
وصاراليمن مابين شيعي وقومي
لكن انا باقول واعلن بالافصاح
ان اليمن له صيت بين النجومي
وله في الشعرتاريخ من عهد وضاح
قد صيت وضاح اليماني معلومي
جواب الشاعر سعد العتيبي
ياطير رحله كان يلعب بملواح
اسمع تناهيته وعنده علومي
قله تراك بضاعتن عند مصلاح
لا تحسب انك فالقصايد ولومي
حنا سبحنا البحر وانته ابمرجاح
ياللي تزوم النفس خلك خدومي
وابك انت مسكينن منته ابسباح
الشعر ميراث القبايل وقومي
والا انته مثل اللي يرورش ونباح
خلك بعشك جاك سيلن يعومي
شعرك خرافه كيف تنطق بالافصاح
وسهيل نجمن بين ذيك النجومي
ياللي تمثل رحت من عرض من راح
تشهد عليك ابيات شعرك يا بومي
وان كان زعلانن* بسداح مرتاح
سداح عمك يا قليل العزومي
والحوثي اللي حط له بيت وسلاح
اصله يماني من ديار العرومي
واللي فرك خشمه طويلين الاشباح
جيش السعوديه وعنكم ايشومي
جوه السعوديه بجيش قناص ورماح
والا انت قضيته بكل اللزومي
لكن جيناهم على الوقت بسلاح
وسقنا عليهم جيش كله قرومي
هذا كلام الصدق قلته بدون امزاح
والا انت ما عندك كلامن يرومي
جيناك يالكذاب بالصدق وصحاح
وتلقى فعايلنا بروس الرجومي
لكن اقول امرح تراء منت مرتاح
انته غديت بوسط بحرن تعومي
قدمك وطينا راس حيه وتمساح
يالين راحوا تحت الاقدام ثومي
وان كان منت مجنب الدرب ياصاح
احسب احسابك قبل غيب النجومي
حنا هل الشعر الحقيقي بالالواح
ياللي تباء تكسب تراك امحرومي
لكن خل الشعر وامرح بالامراح
قد لك ثلاث ايام ما جاك نومي
وان كان تبغى لك نصايح وترتاح
مالك ومال الشعر قدمك سهومي
لا تحسب ان الناس غفله وتجتاح
مفتول قيدك ياليماني هزومي
وجهت نظر خيره وخيره بالافلاح
وياللي يطيع الشيور هذي علومي
|
|
|