منتديات اليمن أغلى YEMEN FORUMS - عرض مشاركة واحدة - أستسلام الحوثيون نتيجة حتمية منطقية بمشيئة الله

02-05-2015, 01:59 PM

بسم الله الرحمن الرحيم

قَالَ الامام عَلِيٌّ رضي الله عنه-كما روى البخاري تعليقاً-: " حَدِّثُوا النَّاسَ بِمَا يَعْرِفُونَ أَتُحِبُّونَ أَنْ يُكَذَّبَ اللَّهُ وَرَسُولُهُ؟"

جاء في كشف الخفا للعجلوني:
592 - أُمِرْنا أن نُكلِّمَ الناسَ على قدْر عقولِهم.
ولذلك اقول بقلب صادق وباللهجة الصنعانية-قدر الامكان- تلك اللهجة التي اجدتها لحياتي في صنعاء لاكثر من عشر سنوات ولازلت اتذكر كل شارع فيها وكم هي ذكرياتي الجميلة فيها

دحين هيه قد فلتت عليكم..لو كنتوا خليتوا الجيش بالحرس الجمهوري والامن المركزي والامن القومي والمتحالفين معهم كما هوه معروف واتضح بوضوح على اساس جهوي مذهبي على ماهوه وخليتوا الاقاليم ...كل واحد يبز اقليمه ..كانت ع تسبر ..ع تبقوا انتوا مسيطرين على الجيش لانه موالي لكم...وكنا نحن ع نفرح بسيطرتنا كل واحد على اقليمه وع تمشي الامور انتوا زاقمين الجيش اللي يزقم البلاد والعباد ونحن كل واحد يزقم اقليمه واي واحد ع يفكر يتمرد او مايرسلش الزلط اللي عليه لصنعاء كان الجيش حقكم اللي على اساس انه حق اليمن ع يضرب أبوه وكلنا ع نصفق له لاننا ع نقول انه يشتي ينفصل ويمزق اليمن وكانت ع تسبر الامور هكذا لصالحنا ولصالحكم يعني ع تتقسم السيطرة بيننا وبينكم ....لكنكم الله يصلحكم طمعتوا كثييييييييييير ماتشتوش الا تقعوا فوق الناس..وماتشتوش تدوا لنا حاجة من السيطرة والهيمنة والكعكة واللداة ........وارحم الراحمين مارضيش من عنده مش هوه من عندنا قد كنا ع نسلم لكم ونقول قده جيش اليمن ومااحناش داريين انه جيش جهوي سعم بان اليوم..غير بس لما حصل اللي حصل ....جيش مايسمعش كلام القائد الاعلى الشرعي –عبدربه منصور-ولا وزير الدفاع الشرعي- الصبيحي- غير بس بيسمع كلام اصحاب جهة معينة وطائفة معينة....وهذا مش هوه لصالحنا ولا لصالحكم....دحين مابيش مخرج غير المحافظة على مابقي من هذا الجيش على الاقل يخلي مكانة واحترام لهذه الجهة والشرفاء اللي فيها التي حكمت اليمن لمئات السنين بشجاعتها الحقة احيانا والباطلة احيانا وقدهم ابناءنا واخواننا ما ع نخرجش منهم ونفلتهم ابدا .... محسوبين علينا وضروري يقعوا ضمن التشكيلة القادمة لليمن...لان الناس قد جربت في العراق لما فلتوا حزب البعث وطائفة حزب البعث وبعدوهم ماسبرتش الامور في العراق الى اليوم لا للي سيطروا ولا للي طلعوا وتحولوا الى دواعش وام الصبيان ..والجماعة مايشتوش حزب الاصلاح يوقع لوحده في الساحة ويبتلع اليمن بتحالفاته ويشتوا المؤتمر الشعبي العام من غير صالح والحوثيين...صدقوني مابش من حل ومخرج غير انهم ينقلبوا على--- علي صالح والحوثيين حتى لو ماهمش ساخين عليهم يفعلوا مسرحية سعما يفعلوها علينا دائما يقنعونا ويقنعوا الخليجيين خاصة لان به قرار اممي عليهم عشان يسلموا بقية الجيش اللي موجود في اليمن ...والا يقعوا رجال ويقولوا هذا الشيء مش هوه مننا ولا نحن منه يقعوا رجال مثل عبدالعزيز جباري والشائف وابو لحوم وحسين الاحمر ومختار الرحبي وعلي محسن والشيخ صادق الاحمر والالاف من الزيود الشرفاء......... غير هذا الخبر ع تستمر الغارات الجوية وع يستمر تقوية المقاومة الشعبية في كل اليمن وبعدين ما ع ننزقمش لكم وكل واحد مننا ع يقول مابللا الجيش مننا والشرطة مننا والموظفين مننا ومابيش زلط لهم وكل واحد يروح لحاله ....لانه ع تتكسر كل الدبابات اللي معاكم ومفرحين بها تقصفوا شوارع وحارات تعز والضالع ولحج وعدن وع يكمل السلاح والذخائر وع تتقوى مقاومة شعوب الاقاليم –اليوم قدهم بيقولا ع يزودوا المقاومة الشعبية بعدن وتعز باسلحة ثقيلة—الحقوا انفسكم بموقف مشرف قبل ما تضيع عليكم كل الامور .وتتحولوا الى هامش تتمنوا يجي واحد الى صنعاء يعامل معاملة وما ع يجيش حد لان قد كل واحد ع يعامل معاملته في اقليمه .ارجوكم الحقوا صنعاء اللي آوتنا واستقبلتنا وحضنتنا في يوم من الايام .صنعاء الطيبة ..صنعاء الجميلة..وما ع ننساش جميلها ومعروفها ان شاء الله ابدا ..اقولها بصدق لاننا لازم نكون مع بعض وكل واحد يعرف حجمه في اليمن الجديد ويعرف حقه وحق الاخرين –هذه حسبه من ارحم الراحمين –تاريخ الاكسبيري حق السيطرة السابقة خلص من عند ارحم الراحمين مش هوه من عندنا ولازم تجديد المنتج بتاريخ جديد باكسبيري اخر غير المواصفات السابقة مش هوه من عندنا سبرها ارحم الراحمين (((وتلك الايام نداولها بين الناس)))

02-05-2015, 01:59 PM	#12
قــــــــلم ممـــــــــيز تاريخ التسجيل: 30 - 1 - 2015 المشاركات: 58 معدل تقييم المستوى: 45	رد: أستسلام الحوثيون نتيجة حتمية منطقية بمشيئة الله بسم الله الرحمن الرحيم قَالَ الامام عَلِيٌّ رضي الله عنه-كما روى البخاري تعليقاً-: " حَدِّثُوا النَّاسَ بِمَا يَعْرِفُونَ أَتُحِبُّونَ أَنْ يُكَذَّبَ اللَّهُ وَرَسُولُهُ؟" جاء في كشف الخفا للعجلوني: 592 - أُمِرْنا أن نُكلِّمَ الناسَ على قدْر عقولِهم. ولذلك اقول بقلب صادق وباللهجة الصنعانية-قدر الامكان- تلك اللهجة التي اجدتها لحياتي في صنعاء لاكثر من عشر سنوات ولازلت اتذكر كل شارع فيها وكم هي ذكرياتي الجميلة فيها دحين هيه قد فلتت عليكم..لو كنتوا خليتوا الجيش بالحرس الجمهوري والامن المركزي والامن القومي والمتحالفين معهم كما هوه معروف واتضح بوضوح على اساس جهوي مذهبي على ماهوه وخليتوا الاقاليم ...كل واحد يبز اقليمه ..كانت ع تسبر ..ع تبقوا انتوا مسيطرين على الجيش لانه موالي لكم...وكنا نحن ع نفرح بسيطرتنا كل واحد على اقليمه وع تمشي الامور انتوا زاقمين الجيش اللي يزقم البلاد والعباد ونحن كل واحد يزقم اقليمه واي واحد ع يفكر يتمرد او مايرسلش الزلط اللي عليه لصنعاء كان الجيش حقكم اللي على اساس انه حق اليمن ع يضرب أبوه وكلنا ع نصفق له لاننا ع نقول انه يشتي ينفصل ويمزق اليمن وكانت ع تسبر الامور هكذا لصالحنا ولصالحكم يعني ع تتقسم السيطرة بيننا وبينكم ....لكنكم الله يصلحكم طمعتوا كثييييييييييير ماتشتوش الا تقعوا فوق الناس..وماتشتوش تدوا لنا حاجة من السيطرة والهيمنة والكعكة واللداة ........وارحم الراحمين مارضيش من عنده مش هوه من عندنا قد كنا ع نسلم لكم ونقول قده جيش اليمن ومااحناش داريين انه جيش جهوي سعم بان اليوم..غير بس لما حصل اللي حصل ....جيش مايسمعش كلام القائد الاعلى الشرعي –عبدربه منصور-ولا وزير الدفاع الشرعي- الصبيحي- غير بس بيسمع كلام اصحاب جهة معينة وطائفة معينة....وهذا مش هوه لصالحنا ولا لصالحكم....دحين مابيش مخرج غير المحافظة على مابقي من هذا الجيش على الاقل يخلي مكانة واحترام لهذه الجهة والشرفاء اللي فيها التي حكمت اليمن لمئات السنين بشجاعتها الحقة احيانا والباطلة احيانا وقدهم ابناءنا واخواننا ما ع نخرجش منهم ونفلتهم ابدا .... محسوبين علينا وضروري يقعوا ضمن التشكيلة القادمة لليمن...لان الناس قد جربت في العراق لما فلتوا حزب البعث وطائفة حزب البعث وبعدوهم ماسبرتش الامور في العراق الى اليوم لا للي سيطروا ولا للي طلعوا وتحولوا الى دواعش وام الصبيان ..والجماعة مايشتوش حزب الاصلاح يوقع لوحده في الساحة ويبتلع اليمن بتحالفاته ويشتوا المؤتمر الشعبي العام من غير صالح والحوثيين...صدقوني مابش من حل ومخرج غير انهم ينقلبوا على--- علي صالح والحوثيين حتى لو ماهمش ساخين عليهم يفعلوا مسرحية سعما يفعلوها علينا دائما يقنعونا ويقنعوا الخليجيين خاصة لان به قرار اممي عليهم عشان يسلموا بقية الجيش اللي موجود في اليمن ...والا يقعوا رجال ويقولوا هذا الشيء مش هوه مننا ولا نحن منه يقعوا رجال مثل عبدالعزيز جباري والشائف وابو لحوم وحسين الاحمر ومختار الرحبي وعلي محسن والشيخ صادق الاحمر والالاف من الزيود الشرفاء......... غير هذا الخبر ع تستمر الغارات الجوية وع يستمر تقوية المقاومة الشعبية في كل اليمن وبعدين ما ع ننزقمش لكم وكل واحد مننا ع يقول مابللا الجيش مننا والشرطة مننا والموظفين مننا ومابيش زلط لهم وكل واحد يروح لحاله ....لانه ع تتكسر كل الدبابات اللي معاكم ومفرحين بها تقصفوا شوارع وحارات تعز والضالع ولحج وعدن وع يكمل السلاح والذخائر وع تتقوى مقاومة شعوب الاقاليم –اليوم قدهم بيقولا ع يزودوا المقاومة الشعبية بعدن وتعز باسلحة ثقيلة—الحقوا انفسكم بموقف مشرف قبل ما تضيع عليكم كل الامور .وتتحولوا الى هامش تتمنوا يجي واحد الى صنعاء يعامل معاملة وما ع يجيش حد لان قد كل واحد ع يعامل معاملته في اقليمه .ارجوكم الحقوا صنعاء اللي آوتنا واستقبلتنا وحضنتنا في يوم من الايام .صنعاء الطيبة ..صنعاء الجميلة..وما ع ننساش جميلها ومعروفها ان شاء الله ابدا ..اقولها بصدق لاننا لازم نكون مع بعض وكل واحد يعرف حجمه في اليمن الجديد ويعرف حقه وحق الاخرين –هذه حسبه من ارحم الراحمين –تاريخ الاكسبيري حق السيطرة السابقة خلص من عند ارحم الراحمين مش هوه من عندنا ولازم تجديد المنتج بتاريخ جديد باكسبيري اخر غير المواصفات السابقة مش هوه من عندنا سبرها ارحم الراحمين (((وتلك الايام نداولها بين الناس)))