هديةٍ فيها عن الحب عنوان = تبقى طوال العمر يانور عيني

حتى ولو البعد من بيننا كان = نبقى على مر الدهر عاشقيني
جاوبتها يكفي من الحب تحنان = ارجوك عن غيره انا تعذريني

ماهمني حلو الهدايا والالوان = ابغيك فالضيقه تجي تحتويني
ابغيك لا قالوا احاسيس وانسان = كلك على بعضك حبيبي تجيني

ابغسل اهمومي مع النفس واحزان = واشعل قناديل الامل تسعديني
يالؤلؤه دره وحره ومرجان = ياللي من اقصايه جذبتي حنيني

فتحت لك قلبي شوارع وبيبان = ثم انزرع قلبي بحبٍ متيني
هيا تعالي واقربي والهوى زان = ياصفحة فيها عجايب سنيني

هيا انقضي شعرك على ذيك الامتان = في بحري الهائج معي تسبحيني
يـ ام العيون اللي بها السحر تبيان = بعيونك الفتنه بها تشعليني

ووجهً كما نور القمر فالسماء بان = كنه مع البلور لا تجهريني
وسيفك تسله من تحت رسم حجان = انا دخيلك بالهوى تسعفيني

وعنقً كما ريم الفلا قاد غزلان = متبختره ما كنها تهتويني
وصدراً وقف فيه التحدي ونيشان = مقدر انا مقدر عسى الله يعيني

ردفه وخصره كلها شيء واجنان = سبحان من يخلقك من الطين زيني
انتي هدية عمر ماهي بالاثمان = عن غيرها انا اعتذر تسمحيني