منتديات اليمن أغلى YEMEN FORUMS - يَ الكَفِيفَه ي َالعَفِيفَه إِن قٌلتَ آسِف تِقبلَيِنَ .. !

هيه انتي من جلستي وانتـي فينـي تحدقيـن!!
كن ما به ناس غيري بهالكراسـي يجلسـون
.
لو سمحتي عاد اسمعي وحتى لو ما تسمحيـن
المهـم اللـي بقولـه تسمعينـه ويسمعـون
.
ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون
.
الركادة عاد زينة والحياء فـي البنـت زيـن
وفيـك اجزم لا ركـادة ولا حيـاءٍ يـذكـرون
.
تعرفينـي؟ أعرفـك؟ مذكـر إنــا ملتقـيـن!
لا أعرفك من تكوني ولا تعرفي مـن أكـون
.
وإطمأني أن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون
.
مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون
.
وإن كان قصدك شي ثاني عاد قولي وش تبين
خايف إنا نصير فرجة وإلي ماشتروا يتفرجـون
.
وإذا ع البال عاجبتنـي لا يحوشـك تحلميـن
صدق ربعي من جمالك فيـك صـارو يمدحـون
.
بس وشلي في حلاتك دام فيهـا ترخصيـن
حشمة البنـت وحياهـا والكرامـة يلفتـون
.
ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون

.
وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون
.
إنتـي خرسـا أسألـك ولا مانـك تسمعيـن
قالوا ربعي ذي كفيفـة قلـت لا لا تمزحـون
.
لين شفتك يوم رحتـي يمسكونـك من اليديـن
ما دريت إلا عيونـي أربـع أربـع ينزفـون
.
آه ياني منه مشهـد يـوم شفتـك ترحليـن
جيت اشوف عيون ربعي لقيت كـل يدمعـون
.
قلت سنّـة هالحيـاة وحـنا ترانـا مؤمنيـن
الله اللـي مسيّرنّـا بيـن كاف وبيـن نــون
.
وكل أبونا نختلف مع إننا مـن أصـل طيـن
سبحان اللي مصورنا ولله في خلقـه شـؤون
.
يعني حنا كل أبونـا عـاد إسمنـا بني ادميـن
وليا قضى ربك أمر وقـال لـه كـن فيكـون
.
فينـا يلـي رازقه خيـر رب العالمـيـن
وفينا يلي هو لعطفه بحاجة القلـب الحنـون
.
وفينا يلي مـا شكـى مـن علـةٍ كالآخريـن
صـمٌ وبكـمٌ وعمـيٌ فـهـم لا يفقـهـون
.
بس قليل عـاد فينـا للنعـم هـم شاكريـن
والله يرزق هالخلايق من حيث هم لا يعلمون
.
وتدري عادك يالكفيفة حنا تراى متشابهيـن
وإن ما عمت أبصارنا لقلوب هـم إلي يعتمـون
.
يالكفيفة يالعفيفـة إن قلـت آسـف تقبليـن
يغفر الله ذنوب عبده ليا خطا وهـل تغفـرون