منتديات اليمن أغلى YEMEN FORUMS - كيف تعرف انك في مدينة عدن وناسه

منتديات اليمن أغلى YEMEN FORUMS (http://www.the-yemen.com/vb/index.php)

- •• التسـلية والتــرفيه (http://www.the-yemen.com/vb/forumdisplay.php?f=36)

- - كيف تعرف انك في مدينة عدن وناسه (http://www.the-yemen.com/vb/showthread.php?t=90530)

كيف تعرف انك في مدينة عدن وناسه

كيف تعرف إنك داخل مدينه عدن

أنت في عـــدن ^__^

*إذا سمعت صوت المزمار بداء يزمر والطبول... تقرع وبداءت
الليوه واجوا لك
عيااااااااااال من داخل عدن الى اطرافها عشان يرقصو الليوه حتى وهم ما
يعرفوش العريس (انت في عــــدن)

* بنشرت سيارتك أو وقفت,وحصلت أطرف واحد يجي يدهف كبير وإلا صغير ويقولوا
دهفه دهفه ( أنت في عدن )

* إذا في عرس وجهال الحافة كامل مبدلين ( انت في عدن )

* إذا اعلنت سفرك وكل المعاريف والجيران جابولك سامان عشان توصله ( انت في عدن )

* إدا احد أجى من سفر وحريم الحافة معلقات بالتوق(جمع طاقه) يتفرجوا علو
والرجال يسلموا علو (انت في عدن )

* إذا معك حمال ورفاع ولاوبناء وهبيت صوت لعيال الركن وأجوا يجروا
يساعدونك ببلاش ( انت في عدن )

*اذا شفت ناس حاملين معراج من صبح ربي ورايحين يقطعوا كهرباء على بيت من
البيوت لانه ماسدد الفاتورة (انت في عدن)

* إذا في خبر ولا حشه ويكون الموضوع شمات وإلا مصيبة وأنتشرت بخمس دقائق
بأداه اسمه الحشوش هههه ( أنت في عدن )

* إذا معك زعقى ولا فوفل وإلا قارورة شراب ومن جزع من أصدقائك وقلك هبلي
قليل ( انت في عدن )

* لو اتكلمت بموضوع ورجعلك نفس الموضوع بعد يومين مع الحوايج والزيادات
ومعصود عصد ( انت في عدن )

* إذا واحد سولت له نفسو يآدي وحدة من بنات الحافة وإلا الحافة مسكوا
سارق وشفت من يحب النبي يكبس ويدكم ( انت في عدن )

* عند طفاي الكهرباء تسمع الجوهال يصيحو ا ولمن تلصي تسمعهم برضو يصيحوا
( أنت في عدن )

* إذا أقتلب السفاط مضرابة وتبعه صياح حريم وكل وحدة تبز شيدره إلى بيت
التانية والآباء مخزنين ويتفرجوا من بعيد ( انت في عدن )

* إذا قرحت كبة وقمت توالم من عشرة عشرة هذا إذا مااتحمليش إللي زبطه (
انت في عدن )

* إذا سمعت بيت يطبلوا وإلا فنانة تخوي ومن جزع يوقح وإلا يقطرف ( انت في عدن )

* إذا أجوا ناااس يخطبوا بنت من الحافة سكيتي(سكته سكته) والخبر خرج إلى
رابع حافة ( انت في عدن )

* اذا رحت المول وشفت ناس يمشوا بشنابل ولا حافيين ولا بسين جرامات رياضه
ولا حق النوم ويتفلوا سوكه ( انت في عدن )

* اذا واحد سبك وسمعت واحد ماتعرفوش قلك سكتله !! قوم ألطمه هههههههه (
انت في عدن )

* اذا جزعت وسمعت جهال يقولوا قرح كف وانا بفارع (انت في عدن )

* اذا شفت حريم الحافه يتشوهوا من البلكونات ويتبادلوا العشار والشتني (انت في عدن )

* اذا قلت اشتي سلف وكل واحد دخل يده بجيبه وماعاد خرجه
انت في عدن )

* اذا اجا رمضان وشفت حراق توائر ( انت في عدن )

* اذا شفت مجموعتين يتصايحوا ويتشارطوا بينهم البين على البرشا والريال
(انت في عدن )

*(( الله عليك ياعدن ،،بجد عدن مافي احسن منها ومن ناسها ))