|
اليمن في ثلاث مراحل
اليمن في ثلاث مراحل :: لأبن يحي محمد
أبن يحيى محمد قال أيش ذي حصل بيننا ياناس (1) في العام 90 ألتم شمل اليمن ولو كان الفُراق قد طال برغم المكايد ذي كادوا لنا شويه أنجاس وبرغم الكلام ذي البعض كان له قد قال إن الجنوب خط أحمر ويتحدوا قدم إليها تداس تحقق هدفنا بحكمة ولا دخلنا معاهم في جدال ولُحمه يمانيه صارت وعند العرب هي الأساس ولاعاد هذا جنوبي ولاهذا فيها من الشمال (2)وبعد 4 سنين من عمرها دخل في رأس واحد الوسواس وقال يايشل الكل أو بايعلن الأنفصال والغباء منه حين صدق لنفسه وقام يدق الأجراس فرد عليه الشعب بانحمي الوحده بأرواحنا والمال والفضل من بعد الله للرجال ذي قاتلوا بأخلاص وأنهوا المشروع وخلوا زُمرة البيض تهرب لاعُمان (3) واليوم بعد 22 سنه نرجع نكرر ونعيد ياناس أيش ذي لنا حاصل وأيش غير الأحوال ناس ماعاد تشتي الوحده وناس ماتشتي إلاحاكم معه عمامة الرأس والله ماتسبر لا هذه ولا تيه لوتقطعنا وسرنا وصال أبين ولحج والضالع لاسرت فيها لازم تغير في اللباس وإن سرت لا صعده قاتلوك شويه عيال هذا أكيد تخطيط من ذي هم ضُعاف أنفاس وإلا كيف لا طفت في جنوب البلاد أشتعلت في الشمال وحين تيرد الثنتين أو واحده منهن تقر قالوا لمن هي قاعده قومي وهي تقوم لهم في الحال يقتلوا العسكر وكل سائح يُأسر وماهي لنا عاده ولو لهم هذا ماحصل فجروا الغاز المسال هؤلاء هم قادة الشر ذي معاهم فايده لفايدتهم يوصلوا لو خيموا وسط الرمال والحكومه فايدتها بتتوفر فمن واشنطن ولندن المُنح متزايده وعاد لهم باقي حق مؤتمر كان ووجوه من فيها تُسر من الأصدقاء في الخليج ذي أتعبناهم لبيج بحجة المساعده ماناقص إلا المسئول يسير يمد له شال قد شيدوا قصور مثل الدُرر في حده وفي مناطق متباعده واحده حق المره والباقيات حق العيال والشعب بالقات طول العمر مخدر ويكون في سعاده لو قاته اليوم عيدان طوال يوم يأكل قطل ويوم بزغه لا قد سبر ولو بكدمه واحده المهم يقبع المتكى في علاو الديوان ولو يفعل المتكى حجر ماهمه المهم الشربه البارده والصدق ماباقي إلا واحده وبعدها نبقى بغال هذا من بعض الشرر ذي خلا السفينه للوراء هي عايده وبايسبب فيها الأشتعال والخوف يجينا والحذر لو بنا تصبح هذه السفينه غارقه فلا أحد منها باينجوا ولامنها بايقدر يشدالرحال فلازم على الكل من نشوته يصحى ونصير صفاً واحده مواطن أو مسئول يكون مع مشايخنا والأعيان فالعُصي حين تجتمع تبقى قويه جامده أما أذا أتفرقت فيسهل فيها الهوان وواجب على كل البشر تدعي الله وقت ماهي ساجده أنه من الفتن يحمينا ويجنب بلادنا الأهوال |
صح الله لسانك يابن محمد
وربك كريم ياخوك والوحده باقيه ان شاء الله ماقصرت |
الله يصح لسانك ويعافي بدنك أخي أحمد
وبإذن المولى هي باقيه حتى قيام الساعه سلمت وأعدني مرورك كثيراً.. |
وواجب على كل البشر تدعي الله وقت ماهي ساجده
أنه من الفتن يحمينا ويجنب بلادنا الأهوال يارب احفظ يمننا من كل شر صح لسانك وعلا شانك يمني عيور على وطنه مبدع في اطروحاته الله يعطيك الف عافيه وسلمت الايادي |
اقتباس:
كلما زدت شموخاً في حبها ولا يمكنها أن تُنكر حبي لها أو تمنعني من حبها سلمتي أختنا الكريمه أوراق على مروركِ.. |
| الساعة الآن 10:43 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
جميع الحقوق محفوظة لمنتديات اليمن أغلى