( سوالف غيم ) ..
 

[TABLE1="width:100%;background-color:black;"][CELL="filter:;"][ALIGN=center]
https://0kpk2q.bay.livefilestore.com...mPg/sorrow.jpg



هدير الشوق في جوفي .. يداعبني على غفلة !
......................... يجي طيفه كـذا فجأة ! .. ويرسم بسمة شفاتي !
هنياله .. وانا قلبي غـنج بـه .. مثلما طفله
........................ ترانيمي : ( سوالف غيم ) .. أغـازل به خيالاتي
احب ارسم قلوب الحب .. مشاعر شوق محتفله
......................... وأجنن قلبه الغـافـي .. مدامه في .. مداراتي !
أنا طبعي إذا حبيت ، أحب اجنوني وأعـزف له
......................... نـزاريات مغرومة .. تناغي .. نشوة آهـاتي
صباحي : بحّته فيروز . أجـي للورد واقطف له
........................ واقطف ( زهرة اللوتس ) .. وأخبيها بخـصلاتي
أجي أركض كذا بلهفة ، أدور حضنه أعرف له
........................ بقدم زهـرة شعوري .. بها من عطر .. شعراتي
وفستاني دلع وردي ( ادور ادور ) واغرف له
....................... جنوني .. لذة احساسي .. براءتها بـ ضحكاتي
شقاوة بنت شيطونة .. أجي حضنه على غفلة !
........................ أداعب شعـري بــخده .. أبي أهمس .. حكاياتي !
اوشوش له : انا احبك ، انا احبك .و أحلف له
....................... ويتلون خجل أحـمر .. ويفضحني .. بوجناتي
وأحمر شفتي يرسم .. مشاعر حــب توصف له
...................... قلب أحمر .. معه حـرفين ( أحبك يابعد ذاتي )
هنياله .. مدامه حب .. انثى قلبها : ( طفلة )
...................... أحب الحلم وأغـرق به .. وأطيّر له . فراشاتي.
[/ALIGN][/CELL][/TABLE1]