منتديات اليمن أغلى YEMEN FORUMS - بابدى حواري = للشاعر توفيق الماطري = موجهه للشاعر ثابت عوض اليهري

منتديات اليمن أغلى YEMEN FORUMS (http://www.the-yemen.com/vb/index.php)

- •• إبداعات شعراء اليمن أغلى (http://www.the-yemen.com/vb/forumdisplay.php?f=104)

بابدى حواري = للشاعر توفيق الماطري = موجهه للشاعر ثابت عوض اليهري

بابدا حواري == للشاعر توفيق الماطري =ابو شايف موجهه للشاعر القدير ثابت عوض

بسم الله ابدع بمولاي العزيز القدير==== رب الخلايق تجلا اسمه واحنا عبيده

ياحي قيوم جنبنا اللضي والسعير ==== ابعد المنا وامنحنا الصفات الحميده

وابعث صلاتي علي الهادي السراج المنير === شفيعنا يوم فيه العاق يشرب صديده

الماطري قال يالهاجس توجه وطير ==== واعمل حسابك فباتعبر مسافه بعيده

وسابق الميج ستعشر باعنف صفير ===== يانبض ابوشايف الراوي روايع قصيده

واحمل معك ورد من شلال نيجرا الشهير == من وسط بافلو تحمل للعطور العديده

واجمل تحيه توصلها لشاعر قدير ==== ثابت عوض ذي تميز في حليله فريده

يشد عقل المتابع بالقصايد مثير ==== انا اشهد انه بلغ من هاجسه ما يريده

بابدا حواري وللرحمن ما يستخير ==== واطلب من اليافعي ثابت اجابه مفيده

عن بعض من قصدهم تعكير صفو المسير === ومن اتو لليمن بافكار هوجا بليده

يتا مرو ضد وحده شعبنا كي نسير === صومال ثاني يولع شعبنا في وقيده

من بعد ما عادت الوحده املنا الكبير ===== وودع الشعب الامه وخفف نهيده

نشاهد ابواق بتطالب بفصل المصير === وافعالهم مستمده من حبال المكيده

يريدو ارجاعنا عهد الشتات المرير === من بعد ما الله اكرمنا بوحده مجيده

وحده بها عالج الشعب العظام الكسير === عادت لشعب اليمن مجد البلاد السعيده

قد با يقولو سبب هذا فساد الوزير ==== او ان روح العداله في يمنا فقيده

انا معك ان من يفسد بطبعه حقير ==== وان العداله تبلغنا مراحل جديده

صوتي بجنبك نناشد للزعيم المشير === يعالج اوضاع من اضحو بحاله شديده

الفقر والجوع والامراض موشر خطير === بتحول المجتمع الي الحياه النكيده

لكن ذا ما يبرر بالعدو نستجير ==== وندعو الاجنبي يفرض علينا حديده
مثل التظاهر بباب الكونجرس والسفير === متي بتاتي من امريكا الحلول السديده

ما رايكم حول من للبيت الابيض يثير === ومن مع الاجنبي ضد الوطن مد ايده

ماذا جني اكراد بابل بالشهيق والزفير === ذي حولو الرافدين جريح يبكي فقيده

قالو بيتحررو من حكم حاكم مجير ==== فحولون العراق الي مقابر عديده

من يدهم ضاعت الناقه وضاع البعير ==== بمكرهم ولعو نيران كانت خميده

لن نرتضي شعبنا يوصل لنفس المصير === او نجلب المفتري الي وطنا يبيده

ومن بيدعي الي الفتنه وقع وسط بير === من دق باب الافاعي كي يصيد تصيده

وحده فرحنا بها مثل الكفيف البصير === ذي عاد له نور اعيانه مع يوم عيده

يهون من اجلها صغير ولا كبير ==== بالصبر يابن عوض نمضي بوحده وطيده

نحارب الظلم لكن دون ان نستعير === افكار ما منهاش الامصايب مبيده

والوحده الباقيه برغم كل ما يصير === وان يتعب الاب سيهني ابنه ويهني حفيده

والعفو يابن عوض لو كان بدعي كثير === اخذني الهاجس المقدام برغبه شديده

باضل مناظر جوابك بالندا والعبير ==== بشاره الماطري في يد ساعي بريده

واستغفر الله اذا انا اخطيت ربي كبير === يغفر ذنوبي يسامح عبد امن بسيده

واختم صلاتي علي الهادي السراج المنير === شفيعنا يوم فيه العاق يشرب صديده

توفيق الماطري ==== امريكا