الله يسامح غلاك
 

غيبتك لو هي دقيقة تعتبر صدة
الوقت عقبك سجن وغيابك سياجه
لاتعتذر لي ترى ما عاد في شدة
أعيد حكيٍ يكود الصدر مخراجه
دامه يوصف بجود إبيك و بجده
وشلون تبخل على المجروح بعلاجه
وشلون قاواك قلبك رده و صده
مع إنه بين عليه الضعف و الحاجة
يا قو قلبك برد يمينك و رده
بخلت بمصافحه و أرهيت باحراجه
لوما سقا غيم عينه جرهدي خده
تراه يبكي و قلبه يلحق اخلاجه
و لوشفته يمازحك تراه من جده
الضحك عن درب ضيق الصدر ما عاجه
غير الوله و الغلا عليك وش حده
يا درب ليله و يا مسراه و سراجه
كنه يعرفك قبل يلقاك من مده
مع إن ما بينك و بينه امواجه
هواك بدوٍ نووا القلب بالشدة
و رياض قلبي لشوف البدو محتاجة
و الوصل بحرٍ متى أنت بتسمح بمده
السيف صبري و بحرك شح بأمواجه
و قصيدي إللي قريته و اللي اعده
قديم لا يزعلك معناه و اخراجه
و فراغ قلبي غلاك أرهى على سده
ليتك تشوف الغلا و أبراجه و عاجه
أقوى رياح العذل ما تقدر تهده
و لا الجفا لو تنفس هدم أبراجه
تغانم الوصل لأن البعد لا بده
ياتيك في يوم ثم ياخذك بأدراجه
إللي لي إنك تلين و تترك الشدة
و إللي لك إني ما أسولف بك لهراجه
لانيب زعلان و إلليني أرتجي مده
يا باب قلبي و ياقفله و مزلاجه
زعلك تغلي و من تزعله من قده
مدام كلن يبي دربك و منهاجه
غالي و تبخل علي و تطول الصدة
الله يسامح غلاك و يلعن الحاجة

رد: الله يسامح غلاك
 

رد: الله يسامح غلاك
 

مشاعر راااااائع واحسااااااااس راقي
اشكرك على الطرح الممتع
تحياتي واحترامي

رد: الله يسامح غلاك
 

تسلمين والله اختي @صغيره بس خطيره@
وتقبليني صديق في المنتدى

رد: الله يسامح غلاك
 

تسلموووووووووووووووووووون والله

رد: الله يسامح غلاك
 

يسلموووووووووووووووووو هذا الاحساس الجميل