تساليني ليه احبك
 

تسأليني ليه احبك

تسأليني ليه احبك واسئلك نفس الســـؤال
ليه احبك جاوبيني يمكن انتي تعرفيـــــن
ليه انا قلبي تعلق فيك يابنت الحـــــــــــلال
ليه وش معنى عشقتك دون كل هالعالمين
هل لاني شفتك فيك الحسن كله والـــــدلال
اولاني شفت فيك الثقل والطبـــع الرزين
اولانك في عيوني صرتي ايه بالجـــــمال
اولانك اســـــــــتطعتي للمشاعر تملكين
او لان الحظ جابك لي بعد ماقفى وحـــال
او لان الله كتب لي اعشقك واحيا السنين
علميني ليه احبك ليه قلبي معك مــــــــال
ليه دمعاتي تناثر كل ماانتي تبــــــــــعدين
ليه دايم في خيالي صورتك في كل حــــــال
في فرحه والا بتعاسه في شقى والا بحنين
ليه طيفك في عيوني مايـبارح هالمـــــجال
شاغلة فكري وبالي كل لحظه وكل حــــين
ليه كل ماقلت ابنسى صاحت جروحي محال
كيف تنسى طب جرحك كيف ايامك تزين
آه ياكم سؤال حاير وسط الخــــــــــيـــــال
وآه ياوين الجواب اللي يريحني ســـــنين
اسأل اسوار المدينه عنك وانقاض الجــبال
اسأل رمال الصحاري واسأل الليل الحزين
واسأل دموعي الغريقه ليه دمعي منك سال
ليه قلبي فيك هايم وش هو السر الثـــمـين
ليه مادري بس عشقتك عشق لحد الـــهبال
وصرت ماشوف بعيوني غير زينك اي زين
و تساليني ليه احبك وليه ميت على الوصال
ليه مدري صدقيني نفسي ماعندي يقــــــين
ودي اعرف ياعيوني وش اجابة هالـــــسوال
ليه احبك جاوبيني يمكن انتي تعرفـــــــــــين

رد: تساليني ليه احبك
 

رد: تساليني ليه احبك
 

روووووعه من جد
يسلمووووا
بارك الله فيك

رد: تساليني ليه احبك
 

جميل هذا الطرح
كل الشكر لك
كن معافا

رد: تساليني ليه احبك
 

الف شكر وتقدير للاخت ينغ جي والاخت ورده واخي قضل الطاهش علئ مروركم الاروع والاجمل من كل الكلمات والمعاني تقبلووحبي وتقديري وكل امتناني لكم وتحياتي العاطره وتمنياتي لكم بتوفيق