منتديات اليمن أغلى YEMEN FORUMS - ودعتك الله لو على قلبـي اخطيـت

منتديات اليمن أغلى YEMEN FORUMS (http://www.the-yemen.com/vb/index.php)

- •• الخــواطر وعذب الكــلام (http://www.the-yemen.com/vb/forumdisplay.php?f=12)

- - ودعتك الله لو على قلبـي اخطيـت (http://www.the-yemen.com/vb/showthread.php?t=70293)

ودعتك الله لو على قلبـي اخطيـت

http://vb.b66k.com/avatars/u12683.gi...ine=1260143007

ودعتك الله لو على قلبي اخطيـت
وحاربتنـي مـن دون ذنـب وخطـيّـه

احسبك تذكرني إذا اصبحت وامسيت
واثـرك علـى فرقـاي نفسـك هنيّـه

الله واكبـر كيـف عنّـي تخلّيـت
من بعـد مـا علقـت روحـي البريّـه

وش غيّرك وش بدّلك ليه صدّيـت
وانـت الـذي بالقلـب نبـض وهويّـه

من هو بقى لي بعدما عنّـي اقفيـت
وقدمتنـي للـحـزن اثـمـن هـديّـه

كلـش تخيلتـه ولا يـوم ظنـيـت
إنـك لحـد غيـري ولانـتـاب لـيّـه

ويلك من الله كيف بالحب ضحّيـت
قلبـك حجـر مـا حـنّ يـومٍ علـيّـه

اللي بنينا بْعمر فـي يـوم هدّيـت
واحلامنـا مـا عــاد منـهـا بقـيّـه

اتعـد غلطاتـي إذا يـوم زلـيـت
من دون مدري .. ويـن ذيـك الحميّـه

مافيه معصوم الخطا لـو تحريـت
ولا فيـه كامـل غـيـر رب البـريّـه

ولو ما احبك ما نشدتك ولا اطريت
بعـدك وصـدك وانتخيـتـك نخـيّـه

ترجع لقلـبٍ يـوم بالعقـل حبيـت
وتتـرك هـل الأحقـاد واهـل الوشيّـه

خايف عليك وخايفٍ منـك ياليـت
مايـوم حبيتـك وصــرت الضحـيّـه

لا نيب حي بعد هجـرك ولا ميـت
ولا نـي مريـض ينعـرف بالشكـيّـه

لكنـي ادرى بحالتـي لا ترديـت
ولا ينـفـع الملـتـاع طـبـه وكـيّـه

مالي سوى اللي كلمـا راح ناديـت
يـا كـود يسمعنـي ويـرجـع إلـيّـه