منتديات اليمن أغلى YEMEN FORUMS - قصة الخطوبة صنعانية مائة بالمائة هههههههههه

منتديات اليمن أغلى YEMEN FORUMS (http://www.the-yemen.com/vb/index.php)

- •• القــصص و الـــروايــات (http://www.the-yemen.com/vb/forumdisplay.php?f=13)

- - قصة الخطوبة صنعانية مائة بالمائة هههههههههه (http://www.the-yemen.com/vb/showthread.php?t=62096)

قصة الخطوبة صنعانية مائة بالمائة هههههههههه

قصه صنعانيه

لو تبسرو كم انا غاااااااااااااااااااااثيه على صاحبتي ورفيقه عمري بنت عسل ودمها خفيف

وكنت القاها دايما معي وواقفه جنبي كانت تشيل معي مشاكل كثير كنت اشاركها الضحكه

والبسمه الالم والحزن كنت دايما انا وهيه نقسم الشي نصين ايش ماهو والان بعد ماخطبوها

خلاص حسيت ان الدنيا ماعدبش لها طعم عيجروها منيالمهم قلوكانت صاحبتي في بيت

جدها وروحت البيت وقد سمعت ان به ناس جو يخطبوها وهيه قديه فارحه مزقرعه لكم هيا

ناهي جت ام العريس تبسرها وبتقلام الخاطبي: ماشاء الله ماشاء الله ! كيف انتي ياقمر

؟وامل توطي للقع يازعم خازيه ولارضيت تدي نخس وام الخاطبي تقل : ماشاء الله

والخزى وهيه وشها يحمر وبعدا من كثر ماحمرت قامت تشتي تهرب لاغرفتها مابسرت نفسها

الا وقد بتدي السقطات منزل منزل واتكحولت من راس الدراجين لاباب غرفتها المهم خرجت

ام الخاطبي من عندهم وروحت بيتهم وجاء النابي العشي ان قد اعجبتهم وعيجيو الرجال

يوم ابو فلان يخطبو خطوبه رسمي المهم قالت صاحبتي :

انا سمعت الخبر ذيه مابسرت روحي الا ندعت محجره الله لاوراش لما سمعوها الجيران

وبعدا خزيت قوووي وماعد رضيت ابسر احد وجلست موررعه لليوم المنتظر

ويوم الخطوبه ....

قامت الصبح بدري تنظف وتقشع هيه وخالاتها وعماتها ( خرجت الحماشه ) قد عيجو

الرجال وتمت غسولت قامت بساعتها بدلت وجلست مورعه ايحين يجو وكانت مصممه تبسر

الحريو علاميد تقدر قولتها تاخذ قرار سوى مادريتش من اي طاقه تتشاقر ( مع اني لما

جلست افرتش شنطتها لقيت صوورر ملان حق خطيبها ! احنا البنات مفحوسات الصدق )

وبنات خالاتها كانين ملااااااااااان البيت وكل واحده متشنقعه في طاقه وهيه ولادريت اين

تجي بروحها رجعت فكرت فكرت قالت لابوها :

خلاص عد اخرج فوق سياره خالي خلي خالي

يوجهها صلى الشارع علاميد اول مايوصل اقدر ابسر خطيبي سوى سوى

قلو بعدا خرجت

بساعتها لافوق السياره وحين صاحبتي نحس لمحتها واحده من بنات خالتها وهيه بتفحط

في الشارع لافوق السياره ولحقتها .. والثانيه تلحق الثالثه .

المهم ماابسرت السياره الا قد عتقرح (هيه سياره ساع التكس ماتسع الا سته انفار بالزحمه

لكن ماشاء الله ماشاء الله قرع كل قرعي بنات خالتها خلين السياره تيه تسع 10 ايه والله 10
) واحده فوق الثانيه ما بنت خالت صاحبتي الزغيره كانت نخرتها كانت في فم صاحبتي من الزحمه .

المهم قلو بعدين جلسين البنات كلهن صابرات ومستحملات ومريعات للحريو ايحين يجي (

وهيه لو تبسرو اين كان حسها كملو اقرو وانتو عتدرو )

المهم جلسين موررعات لما وصل الحريو وكل واحده بدات تصيح وتداهفو الاوله تقل للثانيه

: وخررري اشتي ابسر وهذك ترد عليها :

اين اسير جني بزش وانا اشتي ابسر

وهذه تبقص

تيك .. وتيك تدهف تيه .. وملطام يقرح بعد ملطام ....

المهم ضبحت صاحبتي وقالت : اصه ياجنيات هو جا يخطبني انا ماجاش يخطب الكل خلني

ابسره قووى

رجعين سكتين وفجاءه ابسرين رجال كثير نزلو من فوق السيارات واحد بعد

الثاني وصاحبتي ماعد ظهر لها اينو الحريو وكل واحده بدات تدي اقتراح وتطرح تخمين وتقل:

يووووه على جمال في ذيك صدقني انه هو الحريو هنيه لش وهذك تقل :لالا ماعتقدش هذا

شكله كبير وهم قالو عادو صغير وبنت خالتها الكبيره فجاءه : يوووووووووه يؤ يؤ يؤ ماهو

هذا الحلى سبحان الله سبحان الله لا اله الا الله اللهم اجعله يارب من اخوننا وازواجنا

المؤمنين الصالحين .