|
الحلقه السابعه من مسلسل سـآلم وشيخه
ام سالم :شوف ترى غثيتني بتصرفاتك وترى الجماعه
مستعجلين وانت ماله داعي تنطرابوها عشان تسلمهاله طلقها وخل البنت اتشوف نصيبها مع غيرك إلى هنا كانت الحلقه السابقه او الحلقه التي مضت أشكر لكم إهتمامكم ومتابعتكم للقصه واشكرك كل من طالب بتكملة القصه ومن قام برد ومن قام بلقرائه مع حبي هيـبة ملكـ سالم ثارت جنونه من سمع انها تكون مع غيره والله نجوم السما اقرب لك ياناصرمن انك تلمس شعره من شيخه قآل بصراخ:مالكم حق فيها عشان تحددين انتي بنت اختك مصيرها ولاعاد تجيبين لي طاري هالجماعه لارتكب فيهم جريمه وساعتها بتعرفين من سالم يمه وبنت اختك بعطيها مده تفكروان مارجعت لي معها تصرف ثاني جا بيطلع قالت:ماصدقت غاده يوم قالت يحبها ولايمكن يطلقها لكن الحين تاكدت ان بنت خالد (قصدها شيخه )سحرتك حسبي الله عليها صعد وهو معصب كره يدخل جناحه يرتاح تذكر انها ماجت تقهوى راح لها كانت مندمجه بالكتابه § يارب ساعدني في محنتي واعني على من ظلمني فانا لاحول لي ولاقوة الابك فكم ظلمتني هذه الدنيا بقساوتها فانا مازال صغيره على تلك القساوي§ انتبهت لفتح الباب سكرت كتابها ووقفت امسحت ادموعها شيخه شيبي جاي يكفي حرام لاتحملني ذنب غاده بعد وجاي تنتقم تنهدت:خير تبي شي اسويه سالم حس انها باكيه من عيونها شاف الكتاب تذكره ياكرهي لهالمذكره ودي اشققها بضروسي قلت (سآلم)وانا اقرب :سلامتك لي ماجيتي تقهوين طافك(فاتك) الكيك يهبل ماقدرت اقاوم كليته كله شيخه اشو مو جاي ينتقم بس لمادخل كان معصب معقوله عشان مانزلت ابتسمت و قلت: بالعافيه لاتنسى المطبخ مليان اكل منه خذ سالم الكرسي وجلس وهو شاق الحلج(فاتح فمه يضحك) :تدرين ليش طلع حلو لان سالم بن محمد ساعد فيه بشحمه ولحمه شيخه ياكرهك لماتصير واثق من نفسك قلت بنرفزه:ومن الي علم الشيخ سالم بن محمد بالله سالم ضحكت عليها لماعصبت حتى وهي معصبه خيال قلت:شيخه بنت خالد بس من الي علم شيخه بنت خالد شيخه ياي سحرتني ضحكته وخلاني غصب اضحك قلت:ماري بنت ماعرف اسم ابوها قعد يضحك وضحكت معاه لاول مره جلس يطالع بالالبوم حق الصور قال: ممكن قلت :لحظه لان فيه صور مايجوزتشوفها طالع الصورسالم شاف صورة عيدميلاها تذكرها لمااخذ بعض الصور الخاصه فيها يشوفها ياحلوها :هذا عيد ميلاد سنه كم شيخه اشوي وتبكي كان هذا اسوا عيد ميلاد بحياتها لان بعده بشهر انقلبت حياتها :العشرين سالم حس بتوترها وكانه عرف السبب لفت انظره صورة شاب بالعشرينات شايل له مولود سأل:منوهذا شيخه شكله ناوي يفتح اجروحي تنهدت:خالي جاسم الله يرحمه تندم انه سالها لانها اشوي وتبكي بس تكابرهي طول عمرها تكابرحتى بحزنها ومعاناتها :اسف اذ ذكرتك ابتسمت رغم حزني :لا عادي خلاص تأقلمت على الوضع من راحوا اعز ثلاثه في حياتي امي وخالي وجدتي وا لحمدالله على كل حال وبعدين السالفه صارلها عشرين سنه يعني مافقدتهم لان ابوي عوضني بحنانه غارت اعيونها بدموع وقف سالم لها وضمها كانت محتاجه لحد يواسيها بفقدانها لابوها بس لماتذكرت ان الي ضامها سالم حست بقشعريره و بعدت بسرعه عنه انتبه لنفورها منه كان وده يعارض لانه بعده ماشبع منها ومن ريحته عطرهاالي دوخته يوم ضمها مسح ادموعها ابتسم لها وقال:الله يخليه لك ان شاالله ويطول بعمره دعا سالم لاول مره لعمه خالد وحس انه ماظلمه مثل ماتصور بزواجه من بنته بالعكس هو عطاه دانه ثمينه لازم يحافظ عليها( لكن بعد شنو ياسالم بعد مافات الاوان وعرف عمك بفعايلك وانت ماتدري) شيخه سالم يدعي لبوي بطولة العمر ماصدق قالت:امين ياربي شاف في عيونهافرح بمجرد انه دعى له اجل لوكان قايم باصله مثل باقي الخلق ومخليها تشوفه او تسمع صوته شبتسوي شاف صورتهاوهي صغيره حول خمس سنوات وجهها كله كاكاو قال يبي يغير الموضوع:شكلك اهنيه مفليه بالكاكا و ضحك ماكنتي تخافين المتن مثل الحين شيخه عرف اشلون ايغير الموضوع يمه منه ضحكت: جاهل بوخمس شعرفه بالمتن ماتفهمني ضحك :يقولون الموهبه من ولاده الانسان فانتي موهبتك الرياضه والرشاقه كان يقولها ويتلوى بخصره ويسوي حركات فاكيد تمارسينهامن صغرك شيخه ضحكت على شكله على ضخمه جسمه الاانه كأنه جاهل قلت:ليش عبالك مثلك دبه سالم الحمدلله قدرت انسيها بكلامي :حرام عليك دبه عاد ترى بس عضلات و كرشيه شيخه وش يبي غيرها :خلاص كفت بالغرض وش تبي غيرها ضحك سالم وقال:ظلمتيني يوه شكلي تاخرت على الدوام معن القعده ماتمل يالله مع السلامه طلع وشيخه مانزلت اعيونها عنه كأنها بتأكد هذاصدق سالم ليش دايم يجيها بوجهه مره يكون فيهاصاحب ثأر ومره اخ طيب وحنون يخاف عليهامن الهوا الطاير طالعت في الساعه لقتها سبع يالله شكثر مرمن الوقت معاه ولاحست راحت بتصلي المغرب وتنزل تاكل من الكيك ضحكت لماتذكرت سالم يوم قالها طعمه حلو لانه ساعدها كان قاعد على مكتبه ويفكر بالقرار الي اتاخذه انه يتمم زواجه من شيخه سوا رضو ولا مارضو فلايمكن يتراجع بقراره هالمرن قلبه مومتحمل بعدها دخل عليه حمد وشافه سرحان يبتسم قال:الي ماخذ عقلك دامك تهوجس فيها ليش ماتراضيها وتردها سالم غبي عباله اهوجس بغاده قلت برود:حمد ليش تحب اتنرفزني كل ماشفتني حمد حس بالذنب لانه زودها مع سالم صارحتى مايطلع معاه او يزوره مثل قبل صارو اغراب مع انهم ربع من ايام الابتدائي تنهد وقال:اسف سالم بس ياخي حالك موعاجبني كلش كله معصب وسرحان عشان موضوع مابقى له الا اشهروتخلص منه سالم شقصده اتخلص منه قصده اتخلص من شيخه مستحيل قلت:لأسف ياحمد مو فاهمني واناخوك حمد بتعجب:الافاهمك عدل بس انسى الموضوع وانا عازمك على العشا من زمان ماقعدنامع بعض سالم ببتسامه:اوكي بعد شهرين من الاحداث غاده مازالت على قرارها وسالم ماعبرها شيخه داومت الكورس الثاني بعدما نجحت من الاول بتفوق وحياتها ماشيه مع سالم بدون مشاحنات اعتبرته مثل اخوها من اهتمامه الزايد فيها هالايام لكن ام سالم كانت زايده بسبها هالايام مخليتهاتحس بالذنب انها هي سبب زعل غاده ام سالم بعصبيه:شيخوه قومي شغلي لي البخور قبل اطلع قامت ركض شغلت لها المدخن وعطتها تبخرت وطلعت كانت ناويه تروح لأختها وتراضي غاده الف مره بس ترجع شيخه تنهدت عقب طلعتها فرحت يووه ياربي متى تفرج همي خذيت البخورقعت اتبخر دامها راحت احسن شي فيها ذوقها بالبخور دخل سالم كان توه جاي من السفراخذله اجازه اسبوع وسافرمع حمد لسويسرا تغير جو عن الكأبه الي يحسها دخل اسبقته ريحة البخور ابتسم يوم شافها تبخر ولاداريه عنه قال:سلام عليكم تخرعت ولفت بخوف :وعليكم السلام تبسم بخبث:افا بس شيخه شهقت شقصده :سلام ورديت شنو غيره سالم بضحك:مافيه حمدالله على السلامه يا وسكت ولد عمي شيخه بقت اعيونها فيه حست انه بيقول غيرولد عمي شي بعدين ابعدت هالفكره قالت برود:حمدالله على السلامه ياولدعمي سالم افاياشيخه من غيرنفس بس عادي مقبوله قلت:وين الوالده ماشوفها وبعدين شهالبخور شحلات ريحه هو لك شيخه لاولله ماتعرف بخور امك قلت:لا امك شابته قبل تطلع سالم :انااقول عارف هالريحه عادامي تفنن بالبخور الله يحفظها انابروح داري ياليت تجبين لي شي اكله فوق طلع شيخه اوف صدق غثيث ليش ماأكل قبل يصعد جهزت له فطايروعصيروصعدت لداره دخلت الجناح اجمدت مكانها من الصدمه كان سالم طالع من الحمام ولاف عليه فوطه طالع فيها حس انها انحرجت لان وجهها يعطي الف لون نادها تجي شيخه ليتني ماجبت الاكل كان خليت ماري تخرعت لماناداني جيت احط الاكل له وانها ارجف حطيت الاكل وجيت بروح اذهلني بمسكت يده ليدي طالعت فيه كان يبتسم وقف قدامي كنت اشوف طوله وشكله كأنه عملاق مع هية جسمي كان قلبي يضرب واعتقد انه سامع دقاته بس يعاند قرب مني كأنه يبي يبوسني صرخت بوجه :لا لا وخر عني حرام عليك طلعت من عنده واناصيح دخلت غرفتي كان الباب بدون مفتاح خفت لايجي يهجم على ماقمت اضمنه انسدحت عند باب الغرفه عشان لي انفك احس فيه صحت سالم تنرفز من حركتها وهو بيصارحها بقراره بس ماعطته مجال اصرخت بوجهه ونحاشت فكر يلحقهابعدين قال لا هالامور يبيلها طولت بال خصوصا انها صغيره على انها تعامله كزوجه وماتعرف هالسوالف جلس ياكل وراح ينام كانت تشوف لها كابوس اصرخت يوم قامت حصلت نفسها نايمه عند الباب تذكرت موقف سالم اقشعرجسمها بمجرد الذكرى قالت انا لازم اجيب قفل اخاف هذا يتهور والله خوفني بقربه اليوم الثاني اطلعت بدري ماتبي اتشوف سالم عقب موقفه معاها امس هي ماتعشت معاهم وهو ماأجبرها لانه عارف سبب رفضها صحى الصبح ولبس عشان دوامه انقهرمن موقف شيخه ورفضهالاكل كان وده يغصبها بس خاف من رده فعلها حصل امه جالسه حاس انها متضايقه من امس بس ماسألها تقرب منهاوباس راسها وقال:صباح الخيريمه امه:هلاصباح النور سالم:يمه اشفيك احسك من امس متضايقه امه بحزن:لامافيني شي يتبع |
رد: الحلقه السابعه من مسلسل سـآلم وشيخه
قاطعها:يمه اناعارف ان فيك شي ولاني متحرك الا لماتقولين امه غصت بعبرتها:امس يوم رحت لبيت اختي سمعتني غاده كلام يسدالنفس ماحترمت شيبتي قامت تسبني وتسبك وتقول اناخدعناها بهالزواج واخر شي تقول لي خلي ولدك يتكرم ويطلق وياليت تخففين من جياتك لنا تصدق ياسالم تطردني انا اخر عمري انطرد حتى ماحترمت امها سالم والشراربعيونه: اشلون تتجرأ وتكلم معاك جذي بس والله لخليها تعد اصابعها ندم هالغاده انا امي تنسب وتنطرد طلع بسرعه كان بيروح الدوام بس غيروراح للمحكمه يطلق غاده هو كان يفكرانه يراضيها لانهاماتهون عليه بنت خالته بس الحين خلاص هي جنت على نفسها بعدشهر شيخه عقب الي صارلها صارت تهرب من سالم ماتجلس معاه بروحها حتى غرفتها ماتسمح له يدخلها كانت اذا جالها نادت ماري تقعد عندها كانت تصرفاتها تقهرسالم وتخليه يعصب والي زاداقهره انها نسخت على مفتاح غرفتها نسخ كثيره بحيث اذ تجراوخذه يكون عندهاغيره سالم عقب ماطلق غاده ارتاح منها مع ان امه اخذت منه موقف بس قال مصيرها ترضا بس الي رافع ضغط شيخه لمتى بتصده كل ماجا يفتح معاها موضوع تتهرب منه حاول معاها اكثرمن مره لكن مافي فايده الساعه حدش باليل خلصت شغلها وجلست تذاكر لها جم كلمه اسمعت طق الباب خافت ياربي شعنده يطق علي بهالوقت صدق مايستحي سالم مالقى له حل الانه يكلمها باليل لانهاطول الوقت ماتفارق ماري لازقه فيها طق الباب وقال:شيخه تعوذي من الشيطان وفتحي خليني اكلمك بموضوع خاص شيخه انت الي تعوذ من الشيطان الي راكبك ومحضر لك اسلوب جديد للانتقام التزمت الصمت اي صمت هي من شدة الخوف ضاع صوتها سالم بتنهد:شيخه يعني لمتى ماتبين تسمعيني ترى بضطر اسوي شي مايعجبك شيخه كانت تصارع خوفها لوحدها ماري الي تستنجد فيها عقب الله طفت الليت وراحت لسريرها تكورت على نفسها من الخوف صاحت بصمت تندب حظها الي جمعها بوحش مثل سالم حس انه مامنها فايده ماتوقعها بهالعناد يأس وراح ارتاحت يوم راح فنامت بين شهقاتها (والله ما يخليني اسرد هل القصه لكم احبتي الا شهقاتها لني من جد نقطه ضعفي الشهق بلبكاء) صحت من الصبح وكانت عيونها منفخه من الصياح لبست وحطت كحل تخفي اثارالبكى انزلت صدمهاشي ماتوقعته كان جالس بالصاله و مقوم ماري تجهز فطور اوقفت مصدومه بس ارتاحت لان ماري قايمه سالم من انزلت وهوحاس بالفرحه اخيرا قدرت امسكها تنهد يوم شاف اعيونها منفخه عوره قلبه قام لها وقال:صباح الخير اخيرا قدرت احصلك لهدرجه حاقرتني شيخه تحس قلبها بيوقف قالت:صباح النور مشت من جنبه بتروح المطبخ وقفها وقال:تعالي تعالي وين بتروحين لا تقولين بطلع بدون فطور لاوالف لا قالها بضحكه شيخه لاياشيخ من جايب هالحنيه بس ليش اجذب هو من جيت اهنيه يهتم باني اكل ويخاف علي لمرضت يمكن هذه الصفتين الي تعجبني فيه تذكرني بابوي ااه يايبه هانت كلها شهرين وتطلع وتريحني عقب فرقاسنتين بس هانت والله يجزاء دلال واخوها خيرالي ماتخلو عني بوسط هالظروف الصعبه حتى بيتي الي مايدري عنه سالم وصيت حمد يطلع المستاجرين ويجيب عمال تعدله وتصبغه وتفصل الدور الثاني عشان مفكره اجره لانا ماراح نحتاجه اناوابوي وعشان نصرف من افلوس اجاره لان الي بحسابي راح على البني والاثاث ضحكت صار لي شهرين احوس بهالامور والاخ ولا داري فزيت لما قال:وين سرحتي اكلي شيخه بتنهد:ان شالله خلصت اكل وقمت انادي ماري عشان تروح معي سالم :لحظه انابوصلك شيخه بعصبيه:شنو لا مشكور سالم انقهر:اصلن منو اخذرايك محد موصلك غيري وبلى حركات الخبال هذي شيخه بنرفزه:لاولله مو على كيفك مابيك توصلني غصب وحركات الخبال اعتقد عندك سالم عصب من كلامها وهو الي مفكر يصارحها بحبه لها مسكها من زنودها وهزها وهي صارت تهتز مثل الريشه بيدين سالم قال بصوت واطي :نعم شقلتي ياشيخه شوفي ان ماتعدلتي باسلوبك معاي لوريك شي عمرك ماشفتيه فهمتي ويالله قدامي صرخت:بشرط خل ماري تروح معي ماروح معاك بروحي سالم هذي بتذبحني شكلها بتخليني اسفرهالماري والسبب تعلقها فيها كانها ام لها بس صدق من جت هنيه مالقت حضن دافي يحميها مثل ماري كانت تواسيها واشوف بعيونها الزعل لما امد يدي عليها ياليت انا الي كنت الحضن الدافي لك ياشيخه موماري الي احسدهاالف مره لان لهامكانه بقلبك قلت بتنهد عقب شفتهاترجف من الخوف:زين بس شوفي ترى لي كلام معاك وان جيت ولقيت باب غرفتك مقفل كسرته فاهمه كسرته راحت ركض تنادي ماري تروح معها وقررت تنومها عندها بالغرفه من اليله مسكينه ياشيخه ماتدري وش بتكون ردة فعل سالم لمايشوفها اتوقع يذبحها مايسفرها الجامعه شيخه سرحانه ياربي شنو الكلام الي بيقوله وقف سرحانها دلال:شيخه شفيك اكلمك شيخه:هاماسمعت اسفه دلال:هاج بطاقة حسابك ولما يوصل الاثاث اخذهامنك شيخه :ليش ماخليتيها عندك دلال:حبيبتي الاثاث مطول ويمكن تحتاجينها شيخه:الله والحاجه الي يسمعك يقول مطيحه بالاسواق انا زين منهم خلوني اروح له بالعيد بس دلال باسى:هانت قرب يطلع وحمديقول انه متحسن حيل وفرحان بقروب خروجه شيخه بحزن:امين يارب يطلع ويخلصني من عذاب سالم وامه دلال باهتمام:شيخه سالم مضايقك بشي طاقك تو شيخه بخوف:لاماطقني اصلا خفت مدة يده علي عقب تزوج غاده بس مضايقني بتصرفاته معاي يقول لي كلام حلو وصار له مده يحاول يقول لي شي بس انااصده ولاابي اسمع منه شي دلال بعدم ايستيعاب:يقول كلام حلو منوسالم لاماصدق بعدين المفروض تفرحين عبرك لوبكلام شيخه بعصبيه:مابي منه شي ولاابيه يعبرني حتى بكلامه يكفي الي جا منه الساعه عشر بالموت رضت ماري تنام عندها زوجه سنعه ماتخلي زوجها كانت على سريرها نايمه على بطنها ورافعه رجولها فوق تدرس صعد وهو يتمنى انها ماقفلت الباب وكان جايب معاه اغراض فتح باب غرفتهااستانس انها اسمعت كلامه بس تفاجى يوم شاف ماري فارشه لهافراش بالارض وطالع بصورشيخه سالم هاذي الي بجلطني قلت:شتسوين هنيه وين غرفتك ماري بخوف:بابامدام قول نوم هنيه شيخه برود قامت وعدلت جلستها قالت:انا الي قلت لها تنام عندي سالم بسخريه:باي حق تقولين لها شيخه بعصبيه:غرفتي وكيفي سالم الغرفه بس انتي لك البيت بكبره ياقلبي حب يقهرها:اذا كان البيت لك تحكمي فيه على راحتجك لكن هذا بيتي ماري شيلي قشك وطلعي نامي بغرفتك لان المره السنعه ماتخلي زوجها ماري من الخرعه طلعت معنها مومستوعبه كلام سالم شيخه بخوف :ماري لاتخليني طلعت ماري وشيخه اعيونها ابشوف فراغها الي خلته سالم شافها اشلون تضايقت قال:انامراح اخليك وبكفي عن ماري شيخه شنومراح يخليني وشنو بكفي عن ماري قلت:قول الكلام الي عندك وخلني انام سالم منوين ابدأ ياشيخه الكلام الي في قلبي واجد:انا قررت اني اتمم زواجنا ياشيخه شيخه بتعجب:شنو مافهمت واي زواج تكلم عنه سالم باهتمام:زواجي اناوياك و قصدي انه من اليوم ورايح اعاملك مثل مايعامل الزوج زوجته شيخه بعصبيه:واذا قلت لك لاوالف لا لان هالزواج اساسه غلط ولاراح يتم سالم باهتمام: ليش هالتشاؤم ياقلبي شيخه بصراخ:لاتقول قلبي لانه مايشرفني اكون قلبك سالم بنرفزه:شيخه احترمي نفسك ولاتخليني اغلط عليك شيخه بعصبيه:بقى شي ماغلط فيه ياسالم انت كلك غلط بغلط والدليل تعذيبي بذنب انامالي شغل فيه سالم انصدم من مواجهتها طول عمرها صابره ولاشتكت الحين يوم بنسى بتذكرني:شيخه انسي الي صاروخلينا نبدأ من جديد شيخه ابدأ معك ياسالم هذا مستحيل:شنوالي بتبدي فيه ان شالله ياسالم حس بفرح توقع انها تجاوبت معه ورضت:انعيش من هالحظه كاي زوجين شيخه لا بينتقم لغاده ادري طول عمره حقيرشاف ماراح ترجع له قال ليش ماستمتع فيها دامها سبب طلاق غاده قلت و انااحترق من داخلي:انتقام جديد ياسالم هالمره لمنو لاتقول لابوي لانك اخذت حقك منه بتعذيبي بزياده سالم باهتمام:شيخه اناموجاي انتقم انافعلا قاطعة:الا تنتقم وهالمره لغاده لانها ارفضت ترجع بسبي ليش ماطوعتها وفكيتني سالم:اطاوعها بشنو شيخه بنرفزه:بطلاقي ليش ما طلقتني واذا على على سالفة الزواج من ناصر انا لايمكن ارضى لسببين كرهي لامه ام عيون ورفض اني انغصب على زواج مره ثانيه سالم تنرفز بمجرد اذكرت طاري الطلاق لايمكن يفرط فيها:مو بكيف غاده تحكم في اني اطلق اولا هاذي حياتي وانا حر فيها فالي ابيه منك تحترمين قراري وتطيعيني ولاتعارضين ارجوك ياشيخه ترى نفذ صبري منك من كثرمنتي متهربه وصاده شيخه حست بالخوف من تهديده لها وانها ان عاندت ممكن يذبحها قبل تشوف ابوها الي بقى له شهرين وذيك الساعه لاسالم ولاعشره من امثاله بيوقف بوجه ابوها لانه وعدها اول ماتطلع بيخلي سالم يطلقها غصب عنه قرب يمها ورجعت ورا بخوف كان معاه اكياس من دخل بس توها تنتبه لها ابتسم وقال:ان شالله بسوي المستحيل عشان اسعدك ياشيخه شيخه خافت منه يوم قرب لها قالت:سالم فكر عدل قبل تتخذ اي قرار بتندم عليه بعدين سالم ببتسامه : مراح اندم وبتشوفين لاني فكرت فيه الف مره قبل اتخذه مسك يدها وقعدها على السريروقعد جنبها نزل الاكياس في الارض مسك اكتوفها وقال: ان شا الله انتي بعد ماراح تندمين لانك طعتيني شيخه متفائل ياسالم وقفت قلت بعصبيه :انت موبتمم هالزواج على قولتك قال والابتسامه شاقه فمه :ايه وياليت شيخه مالقيت شي غيراني اطلب مهر علاقل استفيد منه استغفرت ربي حسيت نفسي من هالكلمه مذنبه هو بدون شي حقه في الشرع لان ابوي وهبني له بدون مهر:ابي مهري مو من متممات الزواج المهر سالم بسعاده:ياغالي والطلب رخيص عطيني بطاقتك ومن باكرالفلوس في حسابك شيخه استغربت كنت متوقعه يقول ان في العقد مافيه مهر:خلاص باكر باكر اذا اخذت مهري يصير خير ابتسمت وانا من داخلي براكين مابي شي يربطني بسالم سالم فهم كلامها وقف قبالها خلاص باكر باخذك السوق بعد الجامعه عشان تتجهزين ياعروس مسك يدينها وباسهم انقهرت من بوسته لها وماعلقت خذا الاكياس وحطها فوق المكتب وقال:ممكن ماتشوفينهن لانها مفأجه لباجر اوكي هل سالم بيعطي شيخه مهرها مع انه تزوجها من غير مهر والمعووف عنه نذالته وماذا بداخل الكيس وهل فعلا حب شيخه او انه فكر بأنتقام جديد هذا ما سنعرفه بلحلقه الجايه (احس اني مخرج افلام كرتوون الكبتن ماجد قبل نهايه الحلقه مذا سيعمل ماجد مع بسام ههههههههههههههههه) دمت بوود حبايبي |
رد: الحلقه السابعه من مسلسل سـآلم وشيخه
وانا احس اني على اعصابي بأنتظار الجزء القادم دمت بود |
رد: الحلقه السابعه من مسلسل سـآلم وشيخه
ماشاء الله عليك يا خوي هيبة انت مبدع والله اشكرك من الاعماق على هذه الحلقات المسلسلة |
رد: الحلقه السابعه من مسلسل سـآلم وشيخه
ما شاء الله عليك
مبدع والله مشكوور اخوي وانتظار القادمة |
رد: الحلقه السابعه من مسلسل سـآلم وشيخه
مسلسل رهيب ..
يسسسلمو .. بانتظآأإر الأجزاء القادمة .. |
رد: الحلقه السابعه من مسلسل سـآلم وشيخه
مبدددع بمعنى الكلمةةةة
تسسسلم وبانتظاار الحلقة القآآدمةة |
رد: الحلقه السابعه من مسلسل سـآلم وشيخه
هيبة ملك مساءك جوري أمتعتنا بروائع تلك المسلسل عشقنا كل حرف يقطر بقلمك ستبقى في القمة وحروفك تتلألأ كالنجوم دمت سيدي ودام قلمك الساحر لك ولروعة قلبك الجوري تقبل مرور أختك R |
رد: الحلقه السابعه من مسلسل سـآلم وشيخه
ننتظر القادم بفارغ الصبر اخي العزيز بارك الله فيك تسلم حكايه غير ممله وفيها من الاحداث الكثير اتمنى لكــ مزيد من التقدم والرقي اخي |
رد: الحلقه السابعه من مسلسل سـآلم وشيخه
يسلموووو لانك نزلت البارت لاني تميت اتريا البارت الين الساعه 5 وما نزلت فقدت الامل
واتريااااا البارت اليديد |
| الساعة الآن 03:26 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
جميع الحقوق محفوظة لمنتديات اليمن أغلى