منتديات اليمن أغلى YEMEN FORUMS - .. لــ [ آلكـــــلآب فقــــط ] .. _

منتديات اليمن أغلى YEMEN FORUMS (https://www.the-yemen.com/vb/index.php)

- •• الشــعر الادبــي والفصيـح (https://www.the-yemen.com/vb/forumdisplay.php?f=10)

- - .. لــ [ آلكـــــلآب فقــــط ] .. __ (https://www.the-yemen.com/vb/showthread.php?t=5457)

.. لــ [ آلكـــــلآب فقــــط ] .. __

بسم الله الرحمن الرحيم

ما هي غريبه إذا في خاطرك تجرح
قلبي تَعَـوَّد على النسيان وجراحه
:
سوَّدت وجهي نعـم ويحق لك تفرح
والراحه والله أبشرك ضاعت الراحه
:
ملِّيت أجْمَعْ طموحي وحضرتك تطرح
والقلب يسأل: دخيلك , وينْ مفتاحه؟
:
إن قلت: تعبان قلبي بجـد ما أمزح
الهَمْ دمَّر حصون القلب , وإجتاحه
:
جيتك مثل ( آدمك ) في جنِّتي أمرح
وإنتَ .. وش إنتَ؟ أكيد تكون تفاحه
:
ما كنِّك إلا البحر , وما عرفت أسبح
غدار طبع البحر .. ما فيـه سبَّاحه
:
وما كنِّك إلا طعوني , وطعنتك تذبح
في ذمتك شفت واحد حَب ذبَّاحه !؟
:
وشلون أحبك وأنسى غلطتك وأسمح؟
مو كل شـي لا تكسَّر تقدر إصلاحه
:
خسران أدري لأنـي ما عرفت أربح
يا خلف اللـه , على قلبي وأفراحه
:
ما فيه داعي لعذرك ما أبي تشرح
ما دام قلبك خذا من جرحي أرباحه
:
إبعد طلبتك وأنا في خير راح أصبح
إن رحت عني تكون أعصابي مرتاحه:
القافله تسير دايم , والكِلاب تنبح
ويا كثر ما به كِلاب بداخل الساحه

/
\
/

قِط يبكي ..
قِط يشكي ..
و " كلب " يضحك منبسط !
يا تعاسة هالقطط ..
ما دروا إن المكان
كان يِخلا من " الأمان "
لأنهـ ..

( للكلاب فقط )
/
\
/

ما يخون ( الكلب ) وحتى لو يخون
يبقى أوفـى .. مِنْ بعض باقـي البشر
/
\
/

من يقول: إن الوفا طبع الصحاب..؟
شفت ياما قراب في عيني تخون..!
:
في زماني راحتي تعني العذاب
والعقل في وقتي (التافه) جنون
:
الضمير اللي غفى صعبه يهاب
كان غافل دايم يسيء الظنون
:
والبلا من يجهله يسأل: عقاب
يوم شاف الفرق واضح بالعيون
:
فيه كلبٍ لا نِبَح نبحه صواب
وفيه ناسٍ في الخطايا ينبحون
:
ضعت منِّك يا زمن كله خراب
وصار حالي يا أكون أو لا أكون
:
سيداتي آنساتي ..و الكلاب
منهو فيكم علَّم الثاني يخون ..؟
/
\
/
ضاقت بعيني ( الكتابهـ )
قلت: أكتب بـ الكلابهـ !!!
واجد أحسن لي وأرْيَح ...
وشـ لي بـ الحب وعذابه ...؟
/
\
/

__