شن المطر والسيل بالعذب سايل=جفّت مياته والغُثا قر عوشه
ضاهر على التربه رواسب فصايل=غُثاء ورياحاً ضعيفه تهوشه
ماينفع التربه ولاله فضايل=أضعف من اسفنجه بملفوف بوشه
يبدو هموم بحد ذاته هزايل=هياش هبات العواصف تنوشه
غزوتني يالهم والقلب وايل=عذبت واستعمرت روحاً بشوشه
شردت سُكان الفؤاد الأوايل=واليوم من فرقاك خاوي عروشه
ينبض بلارغبه لنبضه عمايل=والدم يسري في خلاوي طروشه
مثل الخرابه غادروه الهوايل=وغادر الغازي وماتت جيوشه
يأس التماني في سلوك الوسايل=شر الدموع الّي تساقط رموشه
قصايدي همّشتها في شوايل=والقيتها مخزان منهار حوشه
في دار مهجوره تخيف العوايل=لغبار ورياح المواسم تحوشه
أرضاً بطول اليوم ساعة زوايل=تسمع مزامير الشياطين دوشه
ماشفت فيها غير طيف القبايل=تشعل شموع وتنطفي من نفوشه
واحجار دواره رحايا نزايل=عروق إنسان انقرض من دحوشه
كانت بقايا يعربيه هزايل=رزق النسور التأكله في نعوشه
واحدوعشرين الغرف إرث مايل=مرتع قطيع الضأن بعد الطهوشه
حتى المعابد والثلاثه وسايل=أحدى معابدها تلاشت نقوشه
يورث عتوب الدار زمره بدايل=كانو بدايل محتواهم غشوشه