فيروس هجرك عطل القلب تعطيـل
ودمر ملفات الفـرح فـي حياتـي
ياللي سكنت القلب من دون تحميل
متـى لموقعنـا تشـرف وتـأتـي
عنوانكم ماهوب ياهـو وهوتميـل
عنوانكم روحـي و قلبـي و ذاتـي
كم مرةٍ أرسلت لـك عبـر الإيميـل
وأدورك فـي منتـداي و شـاتـي
وأرسلت لك يازين فايلٍ ورى فايـل
فيها الغلا والحب يا أغلى أمنياتـي
دايم عليك أبحث بياهو و جوجيـل
وأنـت ولا تسـأل علينـا بتاتـي
خابرك بانتيوم فور أصلي و إنتيـل
لكـن خسـارة غيـروك الوشاتـي
وكان الهكر غروك بالقـال والقيـل
بأدعي عليهم في سجودي وصلاتي
ياجعلهـم بقعـاء وطيـرٍ أبابيـل
ترمي عليهم بأمر ربـي حصاتـي
يرضيك من حبك غدى منهك الحيل
ريقي غدى ناشف ويبست شفاتـي
أقضي الليالي دمع عينـي همايـل
لا من طريـت لـي تبـدد سباتـي
صحراي جفـت مالفانـا مخاييـل
وأنت المزون اللي تـروّي نباتـي
وياشين حالي لا قريـت المراسيـل
في الأوتلوك أذكر قصص ماضياتي
منك حزين الحرف شاف البهاذيـل
وقلبك مثل قرصٍ صلب في القساتي
موقعك في وجهـي مقفـل بتقفيـل
حتى البروكسي مانفع وش سواتـي
بمفضلة قلبـي عطينـاك تفضيـل
أنت المفضـل عندنـا يـا غناتـي
ويا زين هجرك عطل القلب تعطيـل
ومن غير شوفك وش تساوي حياتي
كني بدونك قرص فـارغ ولا فايـل
فاسد ومرمـي بسلـة المهملاتـي
ماعدت أفرق بين اكسس و أكسيـل
وماعدت أفرق بين بالتوك وشاتـي
وبأشكي على الكيبورد كثر الغرابيل
وأكتب على الوورد المطور وصاتي
وهذي النهاية حطها وسط تظليـل
لا مت فغيابك هو سبايـب مماتـي

يعطيك العافيه اخوي شاعر نهم ،، هذا من ذوؤوؤوقك

مشكووور على مرورك العطر ،،

إن شاء الله نالت في اعجابكم