منتديات اليمن أغلى YEMEN FORUMS - الساكنات في قلوب الغرباء ... }

الساكنات في قلوب الغرباء ... }

يوم من الايام كان اثنين شباب احمد وسلطان , قاعدين يتمشون ويتكلمون في مواضيع عامه

قطع حديثهم أتصال لهاتف سلطان , أجبر ذلك الأتصال احمد على السكوت والأستماع فقط : .

سلطان ......{ هلا والله بالغاليه , ما بغيتي تقومين من النوم , ما تسوى علينا هالأختبارات
اللي حرمتنا سماع صوتك وشوفتك يا حلوه

أكيد الحين شكلك يخوف وشعرك طاير
لأنك نايمه من المغرب للحين , هاه وش سويتي مع دكتورتك اللي رفضت تعيد لك أختبارك ,
عساها قبلت العذر الطبي , قبلت العذر ؟

الحمدلله , شدي حيلك ولا تروح عليك نومه مره ثانيه ثم يفوتك الأختبار, توصيني شي , شنو بغيتي ,
بغيتي أجيب لك عشاء من هارديز الحين , تآمرين أمر , بس ترى بجيبه وأنزله عند باب البيت وأمشي لأن معاي صديقي , يالله نشوفك على خير وهالله
هالله بالمذاكرة ....}

أحمد: أفاااااااا يا سلطان , مسوي محترم وولد ناس واخر شي تغازل ؟ 

سلطان : أنا اللي مفروض أقولك افاااااا , لأنك تشك فيني وأنت تعرفني زين ياصديقي 
أحمد : أيه أعرفك زين والقهر أني ما أدري أنك راعي غزل ومكالمات اخر الليل ,
ماعلينا المهم قلي وين بيتها عشان نودي العشاء لها .

سلطان :أنت تقصد بيت البنت ....!
البنت يا طويل العمر بنفس البيت اللي ساكن فيه أنا ,
وتحديداُ بالغرفه اللي بجني غرفتي , لأن هذي المتصله أختي (( وعلامة الثقه تملئ محياه)) .

أحمد : من جدك تكلم أختك كذا ..؟ تستهبل ..؟ والله أنك منتب صاحي, أجل فيه أحد يكلم أخته كذا ويعرف كل شي عنها ....؟

سلطان : نعم فيه ناس تكلم أهلها كذا , تدري ليه ؟؟

أنا : ليه

سلطان :طيب , لأن البنات يحتاجون للحنان ومعامله طيبه من أخوانهم عشان
ما يلجؤون أنهم يدورون عنها خارج المنزل مع الصالح و الطالح ,
فهمت الحين ليه أعامل أختي كذا ؟؟

احمد

: ايه فهمت !!!!!!!!!!!!!!!!!

أنتهـى

سؤال/ لو كل أخ يعامل اخته مثل سلطان ،
أو كل زوج يعامل زوجته مثل سلطان
أو كل اب أو أم يعاملون بناتهم مثل سلطان ..

هل سيسكنون في قلوب الغرباء ؟؟ •

موضوع يستحق النقل ..