(( القايد الأسطوره )) للشاعر / نايف سيف العيوي
 

[poem=font=",5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياهاجسي نظم حروفك وأشعر=نظم حروفك وانظم أحسن صوره
وأكتب عن القايد علي وأتخير=حروف تبقا للزمن محفوره
هوصانع الوحده زعيم مظفر=تشهد له الجمهوريه والثوره
علي له العليا ونجمه نور=وأرض السعيده نورة من نوره
وقت الشدايد للمنايا غور=ذل الصعايب وأصبحت مقهوره
لا الزير مثله وأبن ود وعنتر=ولا أخيل القصه المشهوره
ما فالعرب مثله وقوم الأصفر=حلفت مامثله في المعموره
يحق للشعب اليماني يفخر=بمثل هذا القايد الأسطوره
أعاد توحيد اليمن زال الشر=رسم حدودي برها وبحوره
والثروه أخرجها لنا وصدر=وثق علاقات اليمن بالجوره
العلم والصحه وجيش عسكر=وقبل ماكنت أعرف الطبشوره
والمراه أعطاها الحقوق وأكثر=معلمه هذه وذه دكتوره
من غيره الباني ومن ذي عمر=الدار ذي عاشت زمن مهجوره
الحريه أسس وقال أنت أخبر=ياشعب حكمه ظمنه دستوره
الوادي المجدب إذا مر أزهر=فيه الزعيم أتفتحين زهوره
والطير غرد والشجر له صفر=غنا له العصفور والعصفوره
هذا هو القايد سلالة حمير=ذي أسسو غمدان وأعلو سوره
رمز الكرامه للكرامه منبر=من يعشق العزه لحق طابوره
بأكتب حروفي ياالقلم والدفتر=وأنقش حروفي فالجبل وصخوره
وعبر الأنترنت حروفي تنشر=في تكنلوجيا تلف الكوره
حيث الموالي والمعارض عبر=عن منهجه وأفكاره المنشوره
كلن وله جمهور ماحد قصر=ونايف أحرار اليمن جمهوره
به ناس تكتب والليالي تسهر=وفكرها في منطقه محصوره
أهدافها أوضاع اليمن تتفجر=مثل الكلاب الجيعه المسعوره
وذاك عن كسرى كتب وقيصر=وعن سلاله فانيه مقبوره
وذاك خالف ديننا والجوهر=وناس بأفكار الدماء مسحوره
وناس تكتب عن حسين المنضر=عن حب ليلى والحسينه نوره
وناس تتبع كل ساعه محور=ماتكتبه من غيرها مأموره
بأسئل جماهير اليمن وأتخبر=عن الضمير الحي عن شعوره
هل يقبلو وضع اليمن يتغير=ألى مئآسي له حفر محفوره
لاكن علينا عار مانتفكر=أحنا لها لا الوضع أشد خطوره
أحنا حماة الجو حراس البر=نحمي مكاسب شعبنا وقصوره
وحدة بلادي ياعرب خط أحمر=شعب اليمن لقا لها نحوره
مع علي فالنايبه لا أشر=ماخاب ضنه يوم في صقوره
ياقايد الشعب العظيم تشكر=ومثلك أحرار اليمن مشكوره
[/poem]

رد: (( القايد الأسطوره )) للشاعر / نايف سيف العيوي
 

صح لساااااااااااااااااااااانك اخي ناايف

رد: (( القايد الأسطوره )) للشاعر / نايف سيف العيوي