منتديات اليمن أغلى YEMEN FORUMS - ~*¤ô§ô¤*~الى متى يا بنات~*¤ô§ô¤*~

بين فتره وفتره تطلعنا وسائل الاعلام على خبر جديد
فضائح سذاجه بعض البنات وغباء بعضهن
اخرها شاب استطاع ان يخدع البنات باعلانات الوظائف
لدرجه انه اقنعهن بارسال سيرتهن الذاتيه وصورهن وارقام هواتفهن
بالله شفتو اشد من هذا الغباء والدلاخه والسذاجه
وصل عددهن الى 117 بنت
اما الخبر الاخر الي توني قاريه حرمه متزوجه وترتبط بعلاقه مع شاب وتطلع معه ويصورها باوضاع مخله
ويوم خربت العلاقه قام يهددها بصورها
يعني سؤال ... متزوجه وتكلمين شاب بالله ليه وش الاسباب طيب لو مشينا سالفه الكلام ليه توصلين الامر للخروج معه ويصورك يعني الوضع وصل لممارسه الزنا او مقدمات الزنا يعني ماعرفت هالحرمه انها تسوي كبيره من الكبائر وهي محصنه
والمعضله الكبيره الي دائما نسمعها
بنت تتعرف على شاب وهالشاب يقعد يكلمها لمده سنه او سنتين ويوهمها بالزواج ويقنعها بانه يشوفها سواء بالكام او تطلع معه وهذا يصير كثير وانتو وانا عارفين الشيء هذا وبعدين تبدا سالفه الابتزاز وو الخ

دائما الضحايا هم البنات
بس الي استغربه انه البنات مايتعضون بالي يسمعونه يعني فعلا بعض البنات فيهن سذاجه ودلاخه متاصله فيهن وغباااء شديد

بتقولون فيه بنات لعبو على شباب واستغلوهم ماديا
انا اقول ان الشاب ربما خسر الماده فقط لكن البنت خسرت سمعتها وبعدين استغلال البنت للشاب يقع في حالات قليله مقارنه باستغلال الشباب للبنات

ويمكن يجي احد ويقول ان البنات يعانون من فراغ عاطفي وبكذا تبحث عن شاب تسولف معااه طمعا في الزواج وانا اقول هل ينشد الحلال عن طريق الحرام

مدري لوين يبون البنات يوصلون له

فضائحهم في جميع وسائل الاعلام كل يوم ضحايا والقائمه اتوقع مستمره
لان مافيه عقل رزين
ولافيه اتعاض
ولافيه حسن تفكير
ولافيه قرار حاسم

واكثر شيء يدل على غباء البنت الي تسوي الحركات ذي
انها تقول
الشباب يسوون كذا او اخوي يسوي كذا فليه ما اسوي انا
يعني تقصد انها شافت شباب يغازل او اخوها يغازل وتقول وش فيها يعني هو حلال عليهم حرام علينا
نمط تفكير عقيم جدا

وفيه بنات يقولون
انا مسكينه ما عندي فلوس او اهلي ما يعطوني فلازم ابحث عن شاب يصرف علي
وهذا تفكير غبي اخر
يعني هالدنيا قدرت تخليك بنت رخيصه لهذي الدرجه

وفيه بنات يقولون نبي ننتقم يعني مثلا لقت سوء معامله من الاهل او سوء معامله من الزوج
فتحاول تتعرف على شاب عشان تنتقم من اهلها او زوجها
تفكير غبي اخر
هذا مو انتقام هذي دلاخه وتخلف عقلي لانك كذا تضرين نفسك اكثر من الضرر الي بيلحق للي تبين تنتقمين منه

وفيه بنات يقولون مانبي نصير اقل من فلانه وعلانه
يعني بنت عندها صديقات وهذولا الصديقات عندهم بوي فرند ويكلمونهم ويمكن يطلعون معاهم
فهي ماتبي تحس بالنقص قدامهم
وتحاول تبحث لها عن بوي فرد عشان ماتحس بالنقص قدام صديقاتها
وايضا هذا تفكير غبي بالحيل
يعني لو يرمون اصدقائك انفسهم في النار راح ترمين نفسك بعد
لو اكلو الجمر راح تاكلينه مثلهم
يعني ما عندك شخصيه لهذي الدرجه
انتي امعه
مقلده
فعلا دلاخه

او بنت شافت لها شاب وسيم ووسوس لها الشيطان انها تتعرف عليه
عشان وسامته الشكليه
يعني طغت الشهوه الجنسيه على عقلها
وقررت تتعرف عليه عشان شكله الزين
وهذا غباء ايضا
ودلاخه
يعني علشان حسن وجه تنهارين كذا
كيف تسمحين لهذه الشهوه الحيوانيه انها تمحي تفكيرك وعقلك

كل هذه الامور وغيرها
وضعت البنات في مواقف محرجه للغايه

متى يعرفون البنات انهم يتعاملون مع جنس خشن مليان لكاعه وتفكير جنسي (مو كلهم طبعا)

كل الشباب بمختلف الجنسيات
اذا جته بنت بالطرق اعلاه اكيد راح يستغلها
مايبيلها ذكاء
لان الشباب الي استغلو البنات او ابتزوهم ما يتميزون بالذكاء
بس الي خلاهم ينجحون لانهم واجهو بنات غبيات ساذجات مايفكرون زين

يعني هم فقط رمو السناره فاضيه بدون حتى طعم
وهالسناره لطقت لهم كم بنت

طبعا عشان ما اظلم البنات هنا
ايضا فيه بنات خارج البلد
ومن بلدان غربيه وقعو ضحايا للشباب
ربما هذه السذاجه متاصله انثويا عند بعض البنات

لكن هنا اكثر بكثير من برا

المطلوب من البنات
معرفه لكاعه الشباب
الطرق الملتويه الي يتبعها الشباب لصيد البنات
لدرجه ان بعض الشباب يقعد مع البنت لمده سنوات متقمصا دور الشاب العاقل الخايف عليها
ولازم البنات يعرفون انهم اذا سلكو طريق فيه معصيه لله فهذا الطريق راح يكون طريق كله مشاكل وفضايح
وايضا البنات لازم يشغلون مخهم شوي خصوصا لما يتعاملون من الجنس الخشن
ويجب على بعض البنات ترك التفكير السقيم القديم الي ينص على انه اذا زوجي راعي بنات انا بعد لازم اكون راعيه شباب عشان انتقم منه او اذا مالقيت حب من زوجي ابحث عنه عند شاب اخر
واهم قاعده لاترسلين صورك لاي شاب لانه اتضح ميدانيه ان كثير من الشباب عنده صور لبنات وهذا دليل على ان فيه بنات يرسلون صورهم لشباب وربما صور مخله
وايضا امر مهم اذا شفتي بعض البنات يسوون شي غلط ترا مو لازم تسوين زيه خلي شخصيتك قويه
وايضا للحريم المطلقات او الي وصلت اعمارهم لسن كبير ولا تزوجو اقول لهم لاتخلون ابليس يلعب بعقولكم وتسوون حركات مهي زينه

اتعب صراحه وانا انصح
بس ياليت هالنصايح تلقى صدى عند بعض البنات

الموضوع الان لك انت ياشاب

ايه نعم ابي كل شاب هنا يقدم نصائح للبنات

فيه اشياء نعرفها بس الطرف الاخر يجهلها عن معشر الشباب

كل واحد ينصح البنات هنا عشان يستفيدون