منتديات اليمن أغلى YEMEN FORUMS - بدع وجواب بين الشاعر محمد قاسم البيضاني والشاعر الكبير محمد عمر الصوفي المظفري

[poem=font=",6,red,normal,normal" bkcolor="transparent" bkimage="" border="groove,4,silver" type=0 line=0 align=center use=ex num="1,black""]
ابو ياسر ايقول وين الحل يهل الحل =حلت علينا المشاكل من يحللها
مشاكل اتعددت والبعض ما تقبل= لانا ولا اي عاقل كان يقبلها
وبعضها مالها تالي ولا اول=العالم الله بتاليها واولها
الله اعلم بها لا وين باتوصل= ترسي في البحر او للبر توصلها
من صاحب المصلحه في كل مايحصل= وماهي الفايده دي بايحصلها
هذا اذا كان حد له مصلحه تعطل= رغم انما انا مصدق حد يعطلها
لاكن ماشوف وسمع به وما ينقل=عبر الصحف والفضا ئيات ينقلها
اخبار ماشي لها حاضر ومستقبل= ولات بشرعلى شي حل مقبلها
من كل نا حيه نبصر ونها ايتشعل= وفوق ذا زادت التجار تشعلها
زاد الجشع والفساد انزاد وتحول=الى مصالح خصوصيه تحولها
جتنا شلل تحت سقف الشله ايتعمل= في الارض تسعا ورا كل المشا كلها
اسما كبيره من التجار تتشكل=واهل المصالح من الشله تمولها
كلآ يبا ياكل وغيره ريت لا يا كل= حاد يابس ايكل وحد مخصوره ايكلها
لا التاجر افلح ولا المسؤل قال اعقل= لنهم شراكه لمن بيقولو اعقلها
مسكين حال المواطن وضعه اتبهذل= من ما يعاني في الساحه تبهذلها
كل ما نشر يوم قلنا اليوم باتحتل= ولينها مثل ماهي مات حل حلها
وعام في عام والاوضاع تدهول= ولستمرت على ذه بات دهولها
لعمال قلت ونص الشعب يتسول= وربما لا ثلث ارباع يوصلها
والان يا طارشي فبياتي اتوكل=للمملكه حيث ابو نايف ووصلها
بكر من العاصمه من قبل تتفول= عند ابن صوفي بجده بات فولها
سلم له الاف ما كبر وما هلل= ومسا يسبح في المسجد وهللها
وهديت له عطر من ذي دايم اتوسل= لضيف لاجا والصا حب توسلها
وعطه كتابي وقله فيه يتمقل=قبل الاجابه في اهدافه تمقلها
وحسب حسابك في المخرج وبالمدخل=لانه من الصعب مخرج بعد مدخلها
ونصح محمد عسا يسمع ويت عدل=يصدق في القول والشله يعدلها
قله كفا كذب يكفي كذب ماقد حل= مليت من كثر ما يكذب ويدجلها
مكنتني هرج في الشارع وفي المقيل= وبلاذاعه وفي لسواق والملها
اقوال بقوال لاكن فعل ما يفعل= مدري متا اليوم با يا تي ويفعلها
العالم اتطورت تمشي الى الافضل= وحنا الى الخلف نمشي وين هر ولها
طالع في القايمه ترتيبنا الاسفل= ولامتا با يضلي دايم اسفلها
ما عاد عندي نسم او قادر اتحمل= حتا على وزن ذره مقدر احملها
في عهد با ذان جدك كان يتسلل= على الجنازه وهي فلقبر ينشلها
وخذ كفنها ورجعها ويت شل شل=قصده يبيع الكفن مابايقل قلها
واليوم في عهدكم يا قوم ابو شعفل=مول دفنها وجا الثاني وزعفلها
بعت الكفن والجنازه قلت تطرول= لامروحت والذياب اتت وتوكلها
يا غارت الله وش من قوم ماتخجل=تعمل عمايل ولا تخشا وتخجلها
قلنا لكم عيب قلتو اني غشيم اهبل= وسيتني شخص مفهم وني اهبلها
ان قلت قول الحقيقه فيك با ت ازعل= رغم ان قول الحقيقه ما يزعلها
وبات سيلي قضيه منها اتغربل= والمحكمه والنيابه بات غربلها
انكرتني قل مالي ساس او معقل=لانا يماني ولا لي كان معقلها
ونا اليماني وساسي اصل والمفصل=ابن على جد تاريخي مسجلها
لا جيت من تركيا ولا من الموصل= ولا بضهران جدي كان ينزلها
ولا في اسبانيا لي ديره او معقل= داري في العاصمه صنعاء ومعقلها
ولا هنا العفو في ما زاد او ما قل= رغم ان ماحد من الخبره مقللها
وختم كلامي لمن جا لمته مرسل= المصطفى خير خلق الله وافضلها[/poem]

جواب الشاعر الكبير محمد عمر الصوفي المظفري

[poem=font=",6,limegreen,normal,normal" bkcolor="transparent" bkimage="" border="double,4,burlywood" type=0 line=0 align=center use=ex num="1,black""]
ابو نايف ايقول من زل الكرامه زل = بي صون نفسه ويسعد في فضايلها
ومن تكبر على اصحاب الشهامه ذل=في حكم دوله وفي مبدا قبايلها
يا ذي تر الحيد واطي والغزال احجل= قدامك النار شاعل في ذبايلها
لا ما قد اعدا السعيده يشربو حنضل= وبطانهم تنفجر فيها دماملها
ذيل البلا والبليه غبن مايكمل=في شرع سني وفي شرع ابن حمبلها
من سرح الكذب حبل الكذب مايوصل= الكذب مهضوم واهل الكذب زايلها
بايكمل الدعم ذي جاكم وباتكمل= قلل مهاجل وخفض من زواملها
لا تسمع اعدا بلادي يا غشيم اخبل= وخطت السيرفعمالك تعرقلها
دور بلادك وعين وين بات اقبل= وزهب جمالك بنفسك لات جملها
لي غالطك شي محمد قاسم اتعقل= لفلف جروامك من اوطاني وحملها
ارحل لك القوم انا بي خوف لا تقتل= لنته نسيت الكوادر ذي تقتلها
مالك مكانه ولا نبغاك تدخل= يا ذي تخرب بلدنا ويت عطلها
كملك صرفنا من البترول والديزل= وكم نشلك علينا حمل مايلها
هاذا خرج فصل والثاني قفاه اشمل=وفصل ثاني قفا الترحيب مقبلها
يا مرحبا الف ما غيث السحاب اهمل= بدع ابن قاسم وحيا ابيات رسلها
يملا البوا دي مع الزهرا مع المحمل= والكندره والبلد ذي خيرها ملها
جاني خطابه وقال ان اليمن تشعل= وان الغلاء زاد والتجار تشعلها
ويبصر الشعب من جور الغلاء اتواكل= والسعر معرف مهما حد تواكلها
سيرو دلا وفهمونا جالكم وعجل=عبتو في الارض وعميتو دلا يلها
ويشلكم قايد الوحده حمول اميل=وتعبتو اهل الاذاعه في مراسلها
ميهمنا هرجكم لا زاد وتبلبل= ولا معاكم لنزح الماء كيابلها
وحدت يمنا السعيده ذالح الميكل= والنقش فوجانها وعلى سبايلها
ميهمها حزن من قاداتها البسل= يا ذي عيونك طويله ويت خايلها
ماشي تبا حد ينكد زوجها مول= وولادها ذي في الساحه لوايلها
يا ذي طماكم هدير الهرج فلمقيل= الهرج مي فيد مهما حد تحايلها
لمو الينا ونمشي كلنا في حل=لما لعالج عضومك في مفاصلها
لا عاد تشكي ولا تبكي وتتململ=بعطيك وصفه تفيدك لات ململها
ابعد من الشيطنه منصابته يفشل= والزم مسار الفواطر في اصايلها
لا تسمع اعدا بلادي شل ابوهم شل=ولات سوقك شلل تتبع عمايلها
من عنده النقد ينقد بس لا يجهل= وسكر اذان سمعه من جحافلها
انا معك ان في اخطا يات ما تقبل=لاكن مع الجهل غصبا بات قبلها
لن التنوح ايت كل معنا الهدف ماكل= ويتلغف الهرج كن الهجر ماكلها
اوصل عليهم وقل للعاطل اتمثل= لا لك عقاله ولا يمكن تمعقلها
بطل خجافه وعين لك طريق اسهل=قدامك اشعاب عيقألات ساهلها
وقرط لسانك وحاذرمنها تحبل= كم قاده السينها بالهرج تحبلها
ما با يعود على سالم من المعزل= والشرذمه ذي تنافق ويت بل بلها
بعيد وبعد عليهم تحنق النقول = وتحنق السيله البيضاء ونقولها
من مات ماعاد بايرجع ولا نقبل= جسد بلا روح ماحد بيتقبلها
من خان فالارض جمع حصوها وعتل= والشوك يزرع وبات ازرع حنا ضلها
لن البتول المضيع ذي عليها ابطل= لا رتب ارضه ولا داهف بواطلها
هاذا نموذج ولا لي حاجه ات عجل= لاكن على شان قولك بات عجلها
انا يماني ومثلك لا عملت انحل= اذلح عروق الشجر عابر منا حلها
بس اني احذر من اصحاب العمل لشعل= ضم الحسينه وذي هي عيف طرولها
والكذب ما قاربه ذي عندك اتبجل= مقطوع حبله ولابه بات شبللها
قل للحراك الجنوبي حق له يزعل= من بعض حاجات بالواقع تزعلها
لا كن غلطهم كلام الانفصال ارول= لا بان قسم ولا يمكن نعبلها
ارض اليمن واحده لا حد يبا يسال= قولو معنا شراذم بان عدلها
وخوان مهما الفضولي بينا اتفوضل=لا بد ما ننتقم من ذي تفوضلها
ذكر النبي ما ذلح شخب المطر وهمل= والسقاء الضوامي وضلا السيل سايلها[/poem]