منتديات اليمن أغلى YEMEN FORUMS - الــ غ ـــياب .. يــح ــكي‎

http://www.coalles.com/vb/uploaded/2...cache/7046.png

تدري وش سوَّى غيابك ؟!
مـوَّت غيابك سوالف ..!
يخوِّفني زماني
بس من فرقاك خايف ..!
فجأه أصحـى ومـا أشوفك ..!
لا تهددني ... ظروفك
إعتبرني .. حلم / واقع
وإلاَّ ظلٍ ما يطوفـك
ضاميٍ عطشان .. جيتك ,
لا يعشمني سرابك ..!
تسمح بكلمه ؟!
............ بغيتك :/
قبل لا تبدي غيابك ..!

http://www.coalles.com/vb/uploaded/2...cache/7047.png

تدْري وشْ معْنى غيابكْ
؟
يعْني :
أسْوَءْ شيْ شفْتَهْـ طولْ عمري !!
تبْدي ضحْكاتي هلابكْ
وفي وداعكْ
ما ينامْ الجَرحْ بدْري !
وإنتْ كيفكْ
شوفْ وشْ ناوي عليـه !
هاكْ قلبي وهاكْ سيفكْ
وسوْ فيني اللي تبيه !
لا تحاتيْ
صفّحْ بكيفكْ جروحي
وإشْطبْ آمالي و طموحي
وإعْتبرْ قلبي كتابكْ !!

http://www.coalles.com/vb/uploaded/2...cache/7048.png

تدري وشْ ح ط ّ م غيابكْ ؟
مرْكَبْ بداخلْ شعوري
منْ نسى قلبكْ .. حضوره
قلبي ما واجَهْ / شعوره
عندي ما بـه شي ضروري
فاقد إحساسْ الأماني
لا مراسي لا مواني
وصارتْ الدنيـا / قسى !!
وصار دوري ..
أعشق أنواعْ الأَرَقْ !
وألفظ أنفاسْ الغَرَقْ !
وصوت معناه الخَطَر !
وقلبْ ميّتْ / يحتضر !
منْ غيابكْ السلامه
فيها قلبي ما رسى !
لا صباحي هو صباحي !
ولا مسا قلبي / مسا !
يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني
والسؤال اللي ذبحني :
- صدق هو فعلاً نسى ؟
راح وأهداني الأسى !
وما وصلتْ إلا لـ حقيقهـ :
الجفـا أسْهَلْ طريقـه لـ/القسى..!

http://www.coalles.com/vb/uploaded/2...cache/7049.png

تدري لو ينطق غيابك ؟
بس أبسأل وين كنت ؟
ووين رحت بغيبتي ؟
وبسأله عن وضع قلبك !
هنت عنده أو ما هنت؟
ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنـه !
إيه كل الناس عندي
بس مابيهـم بدونك ..!!
تدري يا عمري بأنك .,
عندي كل الناس إنت !
ومهما تجرحني / مسامح
وكِل طعناتي / عوافي
عشت وافي لدنيتك
وبموت وافي ..
ما اخونك لو تجافي
ما هو آنا اللي إن ضاقت علي الدنيا / خنت !

http://www.coalles.com/vb/uploaded/2...cache/7050.png

غيبِتِك [ قسمه ونصيب ]
خلْني أشرَه عـ ( الزمن )
يا حبيبي .. ما هو عيب
إن بكى فينـي .. الوزن
( يا تصيب و يا تخيب )
[ فكره ] .. في بالي تزن
إنتَ [ أكثر ] مِنْ حبيب
إنتَ لي .. معنى ( وطن ) ..!!
يعني مِنْ غيرك " غريب "
ما أساوي .. أي ثمن ..!!
وإنتَ أقرب مِنْ / قريب
[ رمش ] وشعوري جفن
ولما عَن عيني .. تغيب
لا مدينـه .. ولا سكن..!!
مااااتــ .. إحساسي العجيب
وصرت أبحَث عَن كفن.!!
ما هو كل جرحٍ يطيب
وما هو كل حزنٍ : " حزن " ..!!

http://www.coalles.com/vb/uploaded/2...cache/7051.png

تدري وش ناتج غيابك ؟
زادت بـ قلبي الهموم !
[ الفَرَح ].. عنِّي مسافر
وحزني ضيفي كل يوم
صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل هـ الضيق ضيقه ؟!
عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه بـ الجروح !يعني جرحي ما يهمِّك ..!؟
وعادي عندك لو [ أضيق ]
إنسى إنَّ إسمك .. حبيبي
صير لي عون و صديق
ليه قلبك .. ما يبالي ..؟
وقلبي " محتاجك " يبيك
إنتَ عندي شخص غالي
تكفى لا تصدمني فيك
ما بقى لي شخص / غيرك
وإعتيازي لك .. تعب
إيه محتاجك وشوقي
نار وغيابك " حطبــ " !

http://www.coalles.com/vb/uploaded/2...cache/7052.png

عليك شلون ما أزعل ؟
وتسوِّي أشياء تجرحني !
تضايقني بـ أفعالك ..
وتظن إنِّك مفرحني ؟
تسوِّد وجهي بـ طعونك ..
وتبيِّض ( وجه ) أحزاني ..!
[ ياليت ] اللِّي حصل منِّك ..
حصل من واحدٍ ثاني !
مثل غيرك ومنتَ غير ..
جرحت جروح ما طابتــ ..!
هقيته فيك يطلـع خير ..
ولكن هقوتي " خاااابت "
صدمني الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعهـ صارت الذمه !
بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..
تحب الخير لـ جروحي ؟
حبيبي الوقت ما قصَّر
وكلمة حق .. يا روحي :
( جميع الناس تتغيَّر ) !!!